Fransada “Formula 1” Avropa Qran Prisinə həsr olunmuş tədbir keçirilib
Tarix: 21.11.2016 | Saat: 20:59:00 | E-mail | Çapa göndər


Avropa Azərbaycan Cəmiyyətinin (TEAS) Fransa ofisinin və ISEFAC Biznes Məktəbinin Nitsa filialının birgə təşkilatçılığı ilə “Formula 1” Avropa Qran Prisiniə həsr olunmuş konfrans keçirilib.
 
TEAS-dan  verilən məlumata görə, tədbirdə bu ilin 19 iyun tarixində “Formula 1” Avropa Qran Prisinə ilk dəfə ev sahibliyi edən Bakıda yarışın təşkili işində əldə olunmuş təcrübə, xüsusilə də şəhər halqası boyu ümumi təhlükəsizlik tədbirlərinin yüksək səviyyədə təşkili məsələləri ətrafında müzakirələr aparılıb. Konfransın əsas məruzəçisi Bakı Şəhər Halqası Əməliyyat Şirkətinin (BŞHƏŞ) baş icraçı direktoru Arif Rəhimov olub.
 
Konfransa ISEFAC Biznes Məktəbinin marketinq və idman tədbirləri üzrə ixtisaslaşan tələbələri, Nitsa və ətraf regiondan olan bir sıra təhsil mütəxəssisləri də daxil olmaqla, 70-dən artıq iştirakçı qatılıb.
 
Avropa Azərbaycan Cəmiyyətinin  Fransa ofisinin direktoru Marie-Laetitia Gourdin təşkilatın idmanla bağlı fəaliyyəti və Azərbaycanın idman strategiyası haqqında qısa məlumat verib. O bildirib ki, idman universal bir dildir və ölkəni təbliğ etmək üçün mükəmməl alətdir, eyni zamanda, davamlı inkişaf üçün yeni imkanlar yaradır. 2015-ci ildə Azərbaycan Avropa Oyunları və 2016-cı ildə “Formula 1“ Avropa Qran Prisi yarışlarına ev sahibliyi etməklə nəhəng infrastruktur layihələrinin həyata keçirilməsi ilə yadda qalıb.
 
Sonra Arif Rəhimov “Formula 1” Avropa Qran Prisi yarışı haqqında geniş video təqdimat keçirib. Təqdimatda halqa üçün inşa edilmiş infrastrukturun fotoşəkilləri və tədbirin özünü nümayiş etdirən videoçarxlar da göstərilib. A. Rəhimovun sözlərinə görə, unikal Bakı Şəhər Halqası elə təşkil olunmuşdu ki, “Formula 1” yarışını televiziya vasitəsilə izləyən tamaşaçılar Bakının UNESCO-nun Ümumdünya İrsi Siyahısına daxil olan İçərişəhər tarixi-memarlıq qoruğu, şəhərin müasir göydələnləri və Xəzərin sahilboyu hissəsini özündə birləşdirən ecazkar simasını da görə bildilər: “Bütün çətinliklərin öhdəsindən layiqincə gəldik və tədbir uğurla keçdi”. 
 
Daha sonra həmin axşam TEAS, “Lions Club Nice Arénas” uşaq  assosiasiyası ilə birgə xeyriyyə  konserti də keçirib.
 
“Lions Club Nice Arénas”  assosiasiyasının prezidenti Andre Ro bu ilin 14 iyul tarixində Nitsanın “Promenade des Anglais” küçəsində bütün dünyanı dəhşətə qərq edən terror aktı haqqında danışıb. Terror nəticəsində uşaqlar arasında çoxsaylı itkilərin olması haqqında faktlar açıqlayıb.
 
“Bir ildən çoxdur ki, biz “Lions Club” assosiasiyası ilə birlikdə bu təşkilatın işinə dəstək vermək üçün xeyriyyə konsertinin təşkil olunmasını müzakirə edirik və iyul faciəsindən sonra bu layihə tamamilə yeni müstəviyə keçdi”, -  deyə Marie-Laetitia Gourdin bildirib.
 
Xeyriyyə konsertində Azərbaycanın caz pianoçusu Emil Əfrasiyab akkordion ifaçısı Ənvər Sadıqovla birgə duetlə çıxış edib. Onlar bunu Nitsada baş vermiş dəhşətli terror hadisəsi qurbanlarının xatirəsinə həsr ediblər. Konsert zamanı Nitsa regionunda uşaq layihələri üçün 2 500 avro toplanıb. 
Tural




 
Bölməyə aid digər xəbərlər
25.09.2018
Yaponiya hökuməti dövlət qulluqçularının çoxunun evlərində işləməsinə çalışır
25.09.2018
Roma Papası Latviyada səfərdədir
25.09.2018
Mərkəzi Asiyada ilk beynəlxalq turizm universiteti Astanada açılacaq
25.09.2018
PKK başçısının yaxın silahdaşı həbs olunub
24.09.2018
Moldova Konstitusiya Məhkəməsi Dodonun səlahiyyətlərini müvəqqəti dayandırlb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info