Kənd Təsərrüfatı Nazirliyi: “Hər il təqribən 100 min baş heyvan süni yolla mayalandırılır”
Tarix: 22.11.2016 | Saat: 21:21:00 | E-mail | Çapa göndər


Kənd Təsərrüfatı Nazirliyinin heyvandarlıq sahəsində strateji hədəfi heyvanların cins tərkibinin yaxşılaşdırılması və intensiv ferma modelinin genişləndirilməsidir.
Nazirlikdən AZƏRTAC-a bildirilib ki, intensiv ferma modelinin genişləndirilməsi tədbirləri çərçivəsində 2016-cı ilin doqquz ayı ərzində “Aqrolizinq” ASC-nin xətti ilə 3255 baş iribuynuzlu damazlıq heyvan ölkəyə gətirilərək ayrı-ayrı təsərrüfatlara dəyərinin 50 faizi həcmində güzəştli qiymətə lizinq yolu ilə satılıb. İlin sonuna qədər daha 1500 baş iribuynuzlu və 1600 baş xırdabuynuzlu damazlıq heyvanın gətirilməsi nəzərdə tutulub. Pilot formada tətbiq edilən ətlik-südlük qaramaldan ibarət ailə heyvandarlıq təsərrüfatının yaradılması layihəsi çərçivəsində kompleks yanaşma təcrübəsi özünü doğruldub. Layihənin əhatə etdiyi üç rayonda dəyər zənciri üzrə 69 ailəyə güzəştli kredit və lizinq yolu ilə 513 baş təmiz qanlı simmental cinsli ətlik-südlük istiqamətli qaramal verilib. Hazırda qeyd edilən ailə təsərrüfatlarında heyvanların baş sayı artaraq 900-ə çatıb.
Heyvandarlığın cins tərkibinin yaxşılaşdırılması tədbirlərinin miqyasının daha da sürətləndirilməsi məqsədilə süni mayalama işinə xüsusi önəm verilir. Respublika Süni Mayalama Mərkəzinin xarici ekspertlərin iştirakı ilə modernləşdirilməsi və eyni zamanda, 12 regional süni mayalama mərkəzinin yaradılması hesabına fermerlərin bu xidmətə çıxışı asanlaşdırılıb. Burada yaradılmış tədris mərkəzi bu sahədə ölkənin peşəkar kadrlara olan tələbatının ödənilməsində mühüm əhəmiyyət daşıyır. Belə ki, beynəlxalq məsləhətçilərin hazırladıqları təlim proqramları əsasında mütəxəssis hazırlığı aparılır və layihə çərçivəsində 126 nəfər təlimdə iştirak edib.
Hazırda ölkədə 358 nəfər süni mayalama mütəxəssisi fəaliyyət göstərir və hər il təqribən 100 min baş mal süni yolla mayalandırılır. Süni mayalama yolu ilə alınmış yeni doğulan hər baş cins buzova görə müəyyən olunmuş 100 manat məbləğində subsidiya tədbiri isə bu istiqamətdə mühüm stimullaşdırıcı amildir.
Nigar




 
Bölməyə aid digər xəbərlər
17.07.2019
Azərbaycanda boşanmaların sayı artıb
17.07.2019
Arıçılara 4,2 milyon manatdan çox subsidiya veriləcək
17.07.2019
Azərbaycanda əhalinin sayı daha 13 133 nəfər artıb
17.07.2019
Azərbaycanda 1238 əkiz, 36 üçəm doğulub
16.07.2019
Zaqatalada 171 nəfər könüllü qan verib

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10830

1 Rostovun tarixinə düşən azərbaycanlı qız
2 “4-cü qrupa hazırlaşan hər bir abituriyentin arzusu həkim olmaqdır”
3 Mehriban Əliyeva Yalçın Rzazadə ilə bağlı tapşırıq verdi
4 Nə “Qurani-Kərim“, nə “İncil“, nə də “Tövrat“ insanları savaşa çağırır
5 Dünya brendi olmağı hədəfləyən azərbaycanlı gənc


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info