ADPU-da multimedia təhsilə həsr olunmuş konfrans keçirilib
Tarix: 24.11.2016 | Saat: 16:39:00 | E-mail | Çapa göndər


Azərbaycan Dövlət Pedaqoji Universitetində (ADPU) ABŞ-ın Nyu-York Texniki Universitetinin Fulbrayt proqramı ilə universitetdə çalışan Ph. Doktoru Melda Yıldız multilinqual, multikultural və multimedia təhsilə həsr olunmuş konfrans keçirib. Tədbirdə ADPU-nun rektoru, professor Cəfər Cəfərov, Filologiya fakültəsinin dekanı, professor Buludxan Xəlilov, İngilis dili və onun tədrisi metodikası və İngilis dili kafedralarının professor və müəllimləri, Filologiya fakültəsinin “İngilis dili” ixtisası üzrə təhsil alan tələbələri iştirak ediblər.
Melda Yıldız konfransda multilinqual, multikultural və multimedia təhsil haqqında ətraflı məlumat verib. Bildirib ki, müasir dövrümüzdə yeni metodlar və onların tətbiqi, tələbələrin ingilis dilinə mükəmməl yiyələnmələri, bu dili səlis, yüksək səviyyədə öyrənmələri xarici dil müəllimlərinin qarşısında duran önəmli vəzifələrdəndir. Multilinqual, multikultural və multimedia təhsildə tədris tədris planı və proqramların, dərsliklərin dəyişdirilməsi istiqamətində aparılır. Təhsil proqramına uyğun olaraq müasir fəal-interaktiv təlim metodlarına üstünlük verilir. XXI əsrin təhsil sistemində müəllimlərin fəal-interaktiv üsulların tətbiqinə yönəlmiş təlimi diqqət mərkəzindədir.
Hər bir ölkənin inkişafı, əhalisinin həyat səviyyəsi onun elmi və intellektual potensialı ilə ölçülür. Son zamanlar təhsil sahəsində həyata keçirilən islahatlar, baş verən keyfiyyət dəyişikləri təhsilin məzmununa və strukturuna ciddi şəkildə təsir edib. Yüksək elmi potensiala və elmi-tutumlu texnologiyalara malik ölkə kimi Azərbaycan təhsili də inkişaf edir. Təhsilin informasiyalaşdırılması sahəsində əhəmiyyətli nailiyyətlər əldə edilir. Həyata keçirilən böyük dəyişikliklərdə xüsusi əhəmiyyət kəsb edən məqamlardan biri ali təhsilin qabaqcıl Avropa və dünya təhsil məkanına inteqrasiya etməsidir. Təhsil ictimai proses olaraq cəmiyyətdə insanların maraqlarının təmin edilməsinə xidmət edir. Təhsil sahəsində aparılan islahatların məqsədi təlim-tərbiyə prosesinin səmərəliliyini artırmaqdır. Konfransda bu məqsədə nail olmaq üçün təlimin struktur və formalarının, mərhələ və metodlarının yeniləşdirilməsi, pedaqoji innovasiyalardan istifadə və tətbiq, xarici dilin tədrisinin milli-mənəvi dəyərlərimizin nəzərə alınmaqla reallaşmasına nail olmaq ən vacib amillər kimi nəzərə çatdırılıb. Qeyd edilib ki, gənclərin təhsilə marağının artırılması üçün təhsildə fundamental dəyişikliklər aparılmalı, metodika sahəsində isə müasir dünyamızın önəm verdiyi təlim üsullarından istifadə edilməlidir. Xarici dil dərslərində qrup şəkilli işlərin təşkili, proyektorlardan istifadə, slaydlarla təqdimat, diskussiyalar, İKT-dən istifadə, rollu oyunlar, debatlar sübut edir ki, daim dərsin təşkilində edilən yeniliklər və texnologiyaların inkişafı xarici dilin öyrənilməsinə marağı artırır.
Konfransda ADPU-da təhsilin inkişaf perspektivləri, ölkəmizdə mövcud olan müəllim hazırlığı ənənələrini qoruyub-saxlamaqla qabaqcıl beynəlxalq təcrübənin ümumiləşdirilib tətbiq edilməsi, yeni strategiya və konsepsiyalar və mədəniyyətlərarası dialoqla bağlı səmərəli fikir mübadiləsi aparılıb. Qeyd edək ki, belə konfranslar mədəniyyətlərarası dialoqun genişləndirilməsinə səmərəli təsir göstərir.

Nigar




 
Bölməyə aid digər xəbərlər
20.09.2018
“Azərbaycanda din-dövlət münasibətləri yüksək səviyyədədir”
20.09.2018
AXDG daha üç dənizçini beynəlxalq şirkətin gəmilərində təcrübəyə göndərir
20.09.2018
“Qanvermə aksiyalarının təşkili dini ənənələrə humanist bir töhfədir”
19.09.2018
Gəncənin Qazaxlar və Balabağman məscidləri təmir edilib
19.09.2018
Gəncədə iki yerdə qanvermə aksiyası keçiriləcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info