Yaponiya radiosu müstəqilliyimizin bərpasının 25 illiyinə həsr olunmuş veriliş yayımlayıb 
Tarix: 25.11.2016 | Saat: 18:18:00 | E-mail | Çapa göndər


Yaponiyanın “Radio Rainbow town 79.2 FM Tokyo” radiosunda Azərbaycanın dövlət müstəqilliyinin bərpasının 25 illiyi, Heydər Əliyev Fondunun və AZƏRTAC-ın təşkilatçılığı ilə Bakıda keçirilmiş Dünya Xəbər Agentliklərinin V Konqresi, Asiya və Sakit Okean Ölkələri İnformasiya Agentlikləri Təşkilatının (OANA) XVI Baş Assambleyası barədə xüsusi veriliş yayımlanıb.
Verilişin qonaqları - Yaponiya-Azərbaycan Dostluq Mərkəzinin sədri, Dünya Azərbaycanlılarını Əlaqələndirmə Şurasının üzvü, elektronika sahəsində tanınmış alim Xəlil Kələntər və mərkəzin icraçı direktoru, AZƏRTAC-ın Yaponiyadakı xüsusi müxbiri Vüqar Ağayev Azərbaycanın dövlət müstəqilliyinin bərpa olunması tarixindən, onun qorunması və inkişaf etdirilməsində ümummilli lider Heydər Əliyevin xidmətlərindən danışıblar. Vurğulanıb ki, ötən dövrdə Azərbaycanda demokratik, hüquqi və dünyəvi dövlətin qurulması xalqımızın tarixi nailiyyətidir.
Bildirilib ki, 1994-cü ildə imzalanan “Əsrin müqaviləsi” Azərbaycanın neft strategiyasının reallaşması üçün imkan yaradıb və Xəzər hövzəsində irimiqyaslı layihələrin uğurla həyata keçirilməsini təmin edib. Bakı-Tbilisi-Ceyhan neft, Bakı-Tbilisi-Ərzurum qaz kəmərlərinin fəaliyyətə başlaması Azərbaycanın dünya iqtisadiyyatına inteqrasiyası yolunda həlledici amil olub. Bu illər ərzində Azərbaycanda bütün istiqamətlərdə dövlət quruculuğu prosesi uğurla həyata keçirilib, dövlətçilik ənənələri zənginləşdirilib.
Verilişdə Azərbaycanın bu gün özünün uzunmüddətli inkişaf strategiyasının istiqamətlərini müəyyən edən bir ölkə olduğu qeyd edilib. Vurğulanıb ki, Prezident İlham Əliyevin rəhbərliyi ilə Azərbaycan dünya miqyasında iqtisadi artım sürətinə görə ön sıralarda gedərək islahatçı ölkə kimi tanınır. Respublikada enerji sektoru ilə yanaşı, qeyri-neft sektorunun yüksəlişi, çoxşaxəli iqtisadiyyatın ahəngdar inkişafı təmin olunub. Təhsil, səhiyyə, mədəniyyət və sosial həyatda qazanılan müvəffəqiyyətlərin miqyasının göstəricisi tikilən yüzlərlə məktəb, yeni tibb müəssisələri, mədəniyyət ocaqları, qurulan idman kompleksləri və olimpiya mərkəzləridir.
Verilişdə Ermənistan-Azərbaycan, Dağlıq Qarabağ münaqişəsi barədə də məlumat verilib. Bildirilib ki, beynəlxalq qurumların qəbul etdikləri qərar və qətnamələrə baxmayaraq Azərbaycanın ərazi bütövlüyü indiyədək bərpa olunmayıb. Vurğulanıb ki, 25 illik inkişaf yolunun ən parlaq nəticəsi Azərbaycanın, sözün əsl mənasında, artıq tam müstəqil ölkə olmasıdır. Azərbaycanın dövlət müstəqilliyi respublikamızın hər bir vətəndaşı üçün ən böyük sərvətdir.
Verilişdə Bakıda keçirilmiş Dünya Xəbər Agentliklərinin V Konqresi və OANA-nın XVI Baş Assambleyası barədə də yapon dinləyicilərə geniş məlumat verilib. Heydər Əliyev Fondunun və AZƏRTAC-ın təşkilatçılığı ilə keçirilən bu tədbirlərə Azərbaycan rəhbərliyinin xüsusi diqqətlə yanaşdığı, Prezident İlham Əliyevin açılış mərasimində nitq söylədiyi qeyd edilib. Bildirilib ki, dünya xəbər agentliklərinin bu mötəbər tədbirlərinin Bakıda keçirilməsi müstəqil medianın inkişafı sahəsində Azərbaycanın uğurlarını bir daha təsdiq edir.
Bildirilib ki, dünyanın 130-dan çox nüfuzlu xəbər agentliyinin təmsilçiləri, BMT və UNESCO kimi beynəlxalq qurumların nümayəndələri Azərbaycana toplaşaraq ənənəvi jurnalistikanın gələcəyi baxımından mühüm məsələləri müzakirə ediblər. Tədbirlərdə sosial media və xəbər agentliklərinin gələcəyi ilə bağlı mövzular, jurnalistikanın aktual problemləri diqqət mərkəzində olub. Nüfuzlu media nümayəndələri öz layihələrini təqdim edib, yeni təkliflər irəli sürüblər.
Verilişdə Dünya Xəbər Agentlikləri Konqresinin medianın aktual problemlərinin müzakirəsi üçün nadir platforma olduğu xüsusi qeyd edilib. Bildirilib ki, Bakı Konqresi çərçivəsində xəbər istehsalı və istehlakının gələcəyi, yeni texnologiyaların tətbiqi və sosial medianın çağırışları, xəbər agentliklərinin innovasiyası, jurnalistlərin təlimi, onların qorunması, müasir dövrün tələblərindən irəli gələn digər aktual məsələlərə xüsusi diqqət yetirilib. Konqresin qəbul etdiyi Bakı Bəyannaməsində informasiya agentliklərinin üzləşdiyi müasir çağırışlara və problemlərə münasibətin əks olunduğu diqqətə çatdırılıb.
Verilişdə AZƏRTAC-ın 2016-2019-cu illər ərzində həm Dünya Xəbər Agentlikləri Konqresinə, həm də OANA-ya sədrlik edəcəyi qeyd olunub.

Fuad




 
Bölməyə aid digər xəbərlər
15.11.2018
Çavuşoğlu: “Star” neft emalı zavodu ilə Azərbaycan Türkiyədə ən böyük investor oldu”
15.11.2018
Bu gün Azərbaycan elminin əsas problemi – alimlərin məvaciblərinin aşağı olmasıdır
14.11.2018
Davamli dil siyasəti dövlətin əsas prioritet istiqaməti kimi
13.11.2018
“Ölkəmizdə elə bir sahə yoxdur ki, orada qadınlar təmsil olunmasınlar”
13.11.2018
Marko Alvera: TAP-ın inşası 2020-ci ildə başa çatacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10478

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info