“Ümumrusiya Azərbaycan Konqresinin dinamik fəaliyyət göstərməsini istəyirik”
Tarix: 27.11.2016 | Saat: 16:57:00 | E-mail | Çapa göndər


Noyabrın 26-da Moskvada Ümumrusiya Azərbaycan Konqresi (ÜAK) Mərkəzi Şurasının iclası keçirilib.
Diasporla İş üzrə Dövlət Komitəsinin mətbuat xidmətindən bildiriblər ki, iclasda Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov iştirak edib.
İclası ÜAK-ın prezidenti Məmmədbağır Əliyev açaraq tədbirin keçirilməsi üçün yetərsayın olduğunu bildirib, gündəlikdə duran məsələlər barədə məlumat verib.
Azərbaycan Respublikası Prezidentinin ictimai-siyasi məsələlər üzrə köməkçisi Əli Həsənov iclasda çıxış edib. Azərbaycan dövlətinin Ümumrusiya Azərbaycan Konqresinin fəaliyyətini daim diqqət mərkəzində saxladığını vurğulayan Əli Həsənov deyib: “Ümummilli liderimiz Heydər Əliyevin dəstəyi ilə qurulmuş bu təşkilat yarandığı gündən biz ÜAK-a Rusiya ilə Azərbaycan arasında siyasi, iqtisadi və digər sahələrdə əməkdaşlıq əlaqələrinin möhkəmləndirilməsi və daha da inkişaf etdirilməsi üçün bir resurs kimi baxırıq. Biz bu resursun imkanlarından səmərəli surətdə istifadə edirik”.
Prezidentin köməkçisi qeyd edib ki, ÜAK-ın güclü bir təşkilat kimi fəaliyyət göstərməsi Azərbaycan və Rusiya dövlətlərinin marağındadır. “Biz Ümumrusiya Azərbaycan Konqresinin dinamik fəaliyyət göstərməsini istəyirik. Təşkilatın fəaliyyətində canlanmaya və dinamizmə ehtiyac var. Bunun üçün ÜAK-ın bütün üzvləri səylərini səfərbər etməlidirlər”, - deyə Əli Həsənov vurğulayıb.
Sonra ÜAK-ın icraçı katibi İlqar Hacıyev təşkilatın 2015-2016-cı illərdə gördüyü işlərlə bağlı hesabatla çıxış edib.
Daha sonra Diasporla İş üzrə Dövlət Komitəsinin sədri Nazim İbrahimov çıxış edərək Prezident İlham Əliyevin Rusiyada yaşayan azərbaycanlıların problemlərini daim diqqətdə saxladığını bildirib. O bildirib ki, ÜAK Rusiyada yaşayan bütün azərbaycanlıları öz ətrafında birləşdirən güclü bir təşkilat olaraq fəaliyyətini daha səmərəli qurması üçün bundan sonra çox iş görməli, yeni ideya və təkliflərlə çıxış etməlidir.
Səfir Polad Bülbüloğlu Rusiyadakı Azərbaycan diasporunun fəaliyyəti ilə bağlı fikirlərini bölüşüb. Diplomat qeyd edib ki, səfirlik Azərbaycan diasporunun daha da güclənməsi üçün öz səlahiyyətləri çərçivəsində bütün zəruri addımları atmağa hazırdır.
Mərkəzi Şuranın iclasında ÜAK-ın mövcud problemləri və gələcək fəaliyyət istiqamətləri ilə bağlı müzakirələr aparılıb, regional bölmələrin rəhbərlərinin rəy və təklifləri dinlənilib.
Tural




 
Bölməyə aid digər xəbərlər
22.04.2019
Müxalifətdaxili ziddiyyətlər nə zaman bitəcək?
22.04.2019
Azərbaycan Respublikası Burundi qaçqınlarına yardım edib
22.04.2019
51 icra məmuru ədliyyə orqanlarından xaric edilib
22.04.2019
“Israel Hayom” qəzeti: “Azərbaycan müqəddəs Odlar Yurdudur”
20.04.2019
ABŞ səfiri Azərbaycan və Ermənistan XİN rəhbərlərinin növbəti mümkün görüşünü alqışlayır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10757

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Azərbaycanlı həkim-yazıçı Rusiya Yazıçılar İttifaqına üzv olub
4 “Azərbaycan dilinin Orfoqrafiya Normaları” təsdiq edilib
5 Gülnar Səmanın kitabının təqdimatı keçiriləcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info