“Mercedes”in pilotu Niko Rosberq dünya çempionu olub
Tarix: 28.11.2016 | Saat: 17:27:00 | E-mail | Çapa göndər


Noyabrın 27-də “Formula-1” üzrə dünya çempionatının 2016-cı il mövsümünə Əbu-Dabi Qran-prisi ilə yekun vurulub.
AZƏRTAC xəbər verir ki, mötəbər turnirin Əbu-Dabidəki “Yas-Marina” avtodromunda keçirilən mərhələsində hər biri iki pilotla təmsil olunan 12 komanda mübarizə aparıb. Döngələrin sayı 21 olan trasda komandalar 55 dövrə vurublar.
Uzunluğu 5554 metr olan trasda keçirilən final mərhələsində “Mercedes”in pilotları Luis Hamilton və Niko Rosberq ilk iki pillədə qərarlaşıblar. “Ferrari”nin sürücüsü Sebastian Fettel isə üçüncü olub.
Yekun sıralamada hesabında 385 xal olan Niko Rosberq ən yaxın izləyicisi olan komanda yoldaşı Luis Hamiltonu 5 xal qabaqlayaraq dünya çempionu olub. Luis Hamilton mundialı ikinci, “Red Bul Racing”in pilotu Daniel Rikkardo isə üçüncü pillədə başa vurub.
Artıq Yaponiya Qran-prisində “Mercedes” konstruktorlar kubokunu təmin edib.
“Formula-1” yarışları il ərzində müxtəlif ölkələrdə keçirilən mərhələlərdən ibarət olur. Hər mərhələyə Qran-pri adı verilir. İlin sonunda bütün Qran-prilərdən toplanan xalların əsasında pilotlar və komandalar arasında qalib müəyyən edilir və mükafatlandırılır.
Yarışın səkkizinci mərhələsi – Avropa Qran-prisi iyunun 17-dən 19-dək Bakıda keçirilmişdi. Mərhələnin qalibi “Mercedes”in pilotu Niko Rosberq olmuşdu.
1950-ci ildə keçirilən ilk yarışda “Alfa Romeo” komandası və onun italiyalı pilotu Cüzeppe Farina qələbə qazanıb. Sonuncu mövsümdə (2015-ci il) çempion “Mercedes” komandası ilə britaniyalı pilot Luis Hamilton olub. Ən çox çempion adını “Ferrari” komandasının əfsanəvi alman pilotu Mixael Şumaxer qazanıb. O, 7 dəfə bu titulun sahibi olub.

Mahmud




 
Bölməyə aid digər xəbərlər
17.09.2019
Moskva sakini lotereyada 286 milyon rubl udub
15.09.2019
Dinozavrları yox edən meteoritin Yer kürəsi ilə toqquşduğu gün nələr yaşanıb?
15.09.2019
MKİ SSRİ-ni izləmək üçün heyvanlardan da istifadə edib
15.09.2019
Qaçaqmalçılardan 800 yaşlı kitab aşkarlandı
14.09.2019
Dünyada hər il 26 milyon hektar meşə qırılır

Şərh əlavə olunmayıb

    ,    
Ağasəf Babayev
Namiq Əliyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10887

1 Prezident İlham Əliyev AŞPA-nın prezidentini qəbul edib
2 Daxili İşlər nazirindən yeni təyinat
3 Prezident Bakı Metropoliteninin “Xətai” stansiyasında görülən işlərlə tanış olub
4 Masallı rayonunun Çaxırlı ərazisinin Kəlbəhüseynli kəndində səyyar görüş
5 5 mindən artıq müəllimin maaşı 1000 manatı ötüb


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info