Alpaqut Turan döyüş sənəti üzrə Azərbaycan Kuboku keçirilib
Tarix: 29.11.2016 | Saat: 19:55:00 | E-mail | Çapa göndər


Türkün döyüş sənəti olan alpaqut idman növü üzrə Azərbaycan Kuboku keçirilib. Abşeron, Binəqədi, Mingəçevir, Neftçala, Ağdam, Laçın, Dərələyəz, Qaradağ, Sumqayıt, Nərimanov, Kürdəmir, Şəmkir, "İnam" klubu, "Turan" klubu, "Free Style" klubu, "Az Fight" klubu komandalarının qatıldığı yarışlar Zirvə idman kompleksində keçirilib. Kubokun açılış mərasimində çıxış edən Azərbaycan Alpaqut Federasiyasının prezidenti Aqil Acalov komandalara uğurlar arzulayaraq, onlardan yüksək səviyyəli yarışlar gözlədiyini vurğulayıb: "Alpaqut hərb sənətidir, alpaqut döyüş mədəniyyətidir, alpaqut türkün tarixidir, alpaqut vətənpərvərlikdir. Belə bir idman növündə təmsil olunan, yarışan idmançılarımızdan kimlərin qalib olması əsas deyil. Əsas odur ki, hamılıqla dünənimizə, tariximizə, mədəniyyətimizə sahib çıxırıq. Müharibə şəraitində yaşayan bir ölkə olaraq hərb sənəti olan alpaqutu inkişaf etdirmək borcumuzdur". Daha sonra millət vəkili Qənirə Paşayeva çıxış edərək alpaqut idman növünün qısa zamanda Azərbaycanda və dünyada uğur qazanmasının fərəhləndiririci hal olduğunu deyib: "Bu idman növünü, türkün tarixini, mədəniyyətini, hərb sənətini tanıdan, inkişaf etdirən, bütün dünyaya yayan federasiya rəhbərliyinə və idmançılarımıza təşəkkür edirəm. Alpaqut sıradan, adi bir idman növü olmadığı üçün, milli, vətənpərvər ideyaları özündə əks etdirdiyi üçün, turançılığı tərənnüm etdiyi üçün təqdirəlayiqdir, hər birimiz bu idman növünün təbliğinə öz töhfəmizi verməliyik". "Türk dünyasına xidmətlərinə görə" millət vəkili Qənirə Paşayeva Alpaqut Federasiyasının fəxri üzvü elan olunub, federasiya prezidenti Aqil Acalov Qənirə Paşayevaya diplomu təqdim edərək, fəaliyyətlərinə görə təşəkkür edib. Sonda alpaqut idman növünün qurucusu, kutsan Vasif Namazov çıxış edərək türkün qədim döyüş sənətinin dünyada tanıdılmasından, uğurlarından söz açıb: "Cəmi bir neçə nəfərlə bu yola çıxmışdıq. Nəinki dünyada, heç öz ölkəmizdə tanınmırdıq. Amma bu gün dünyanın bir sıra ölkələrində təmsil olunuruq, Azərbaycanın əksər regionlarında tanınırıq. Bütün bunlar federasiyamızın uğurudur, türkün döyüş sənətinə olan sevginin nəticəsidir". "Vəfa" İctimai Birliyi də kuboku izləməyə gələn qonaqlar qismində təmsil olunublar. Çıxışlardan sonra yarışlar start götürüb. 8-18 yaşlar arası və 18 yaşdan yuxarı müxtəlif çəki dərəcələrində yarışan idmançılar öz güclərini sınayıblar. Caymaz sistemi üzrə Azərbaycan Kubokunun qalibləri 1-ci yerdə Qaradağ, 2-ci yerdə Ağdam, 3-cü yerdə Neftçala komandaları müəyyənləşdirilib. Batur sistemi üzrə 1-ci pillədə Abşeron, 2-ci pillədə Binəqədi, 3-cü pillədə Sumqayıt komandaları qərarlaşıb. Aypara sistemi üzrə isə Nərimanov, Ağdam, Laçın komandaları müvafiq olaraq 1,2 və 3-cü yerləri paylaşmaqla Azərbaycan Kubokunun qalibi olublar.




 
Bölməyə aid digər xəbərlər
25.09.2018
Cüdoçumuz Elmar Qasımov dünya çempionatına qələbə ilə başlayıb
25.09.2018
“Barselona” Serxio Buskets ilə yeni müqavilə imzalayıb
25.09.2018
Azərbaycan şahmatçıları 43-cü Ümumdünya Şahmat Olimpiadasına qələbə ilə başlayıblar
24.09.2018
UEFA “Qarabağ”ın hesabına vəsait köçürüb - 4 milyon 35 min 740 avro
24.09.2018
Futzal üzrə Azərbaycan millisi Qazaxıstan yığması ilə qarşılaşıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10140

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info