İndoneziyalı qonaqlar BANM-də oldular
Tarix: 30.11.2016 | Saat: 20:32:00 | E-mail | Çapa göndər


Bakı Ali Neft Məktəbində (BANM) İndoneziya Respublikasının Azərbaycandakı fövqəladə və səlahiyyətli səfiri Hüsnan Bəy Fananinin rəhbərlik etdiyi və bu ölkənin dövlət qurumlarının, ali təhsil müəssisələrinin rəhbər işçilərindən və professor-müəllim heyətindən ibarət nümayəndə heyəti ilə görüş keçirilib.
BANM-in Tədris, elm və beynəlxalq əlaqələr üzrə prorektoru Ramiz Hümbətov ali məktəbin rektoru Elmar Qasımovun adından qonaqları salamlayaraq onları Azərbaycanda və bu ali təhsil müəssisəsində görməkdən məmnun olduğunu dilə gətirib. O, BANM-in yaranma tarixi, fəaliyyəti, bu ali təhsil müəssisəsinin beynəlxalq əlaqələri, tədris prosesi haqqında təqdimatla çıxış edib, qonaqlara ətraflı məlumat verib. Prezident İlham Əliyevin fərmanı ilə yaradılmış Ali Məktəbdə qısa vaxtda ölkə başçısının “Biz neft kapitalını insan kapitalına çevirməliyik” çağırışının reallaşdığını bildirib.
Səmimi qəbula görə təşəkkür edən İndoneziya Respublikasının Azərbaycandakı fövqəladə və səlahiyyətli səfiri Hüsnan Bəy Fanani nümayəndə heyətinin Bakıda keçirilən İndoneziya Mədəniyyət Festivalında iştirak etmək məqsədilə Azərbaycana səfər etdiklərini, təmsil etdiyi ölkənin elm və təhsil sahəsində Azərbaycan universitetləri ilə əməkdaşlıqda maraqlı olduğunu və bu əməkdaşlığa dəstək verməyə hazır olduğunu bildirib.
Qonaqlar BANM-də olmaqdan məmnunluqlarını dilə gətirərək belə görüşlərin ikitərəfli əlaqələrin inkişafına böyük töhfə verəcəyini qeyd ediblər. Görüşdə universitetlərarası gələcək əməkdaşlıq əlaqələrinin qurulması, həmçinin təhsil və elm istiqamətində qarşılıqlı maraq doğuran bir sıra məsələlər müzakirə olunub.

Nigar




 
Bölməyə aid digər xəbərlər
17.01.2019
Dağlıq və dağətəyi rayonlarda yollar buz bağlayacaq
17.01.2019
Küləyin uçurduğu dayanacaqla bağlı tədbir görülüb
17.01.2019
Sərnişindaşıma və yol hərəkətinin təşkilində hər hansı bir xoşagəlməz hal müşahidə edilməyib
17.01.2019
“Qəzet köşklərində kitab satışını genişləndirmək olar”
17.01.2019
Xəzərdə Günəşli yatağında dalğanın hündürlüyü 5,3 metrə çatıb

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Çingiz Bayramov: “Azərbaycan bölgənin inkişaf etmiş ölkəsinə çevrilib”
5 Hüseyn Babayev AAF-ın vitse-prezidenti təyin edilib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info