“Lead Pakistan” qəzetində Azərbaycanla bağlı növbəti məqalələr dərc edilib
Tarix: 30.11.2016 | Saat: 20:51:00 | E-mail | Çapa göndər


“Lead Pakistan” qəzetində “Azərbaycan-Pakistan münasibətləri: Təsir edən tərəfdaşlar” və “Füsunkar Azərbaycan” adlı məqalələr dərc olunub.
Birinci məqalədə Pakistanın Baş naziri Məhəmməd Nəvaz Şərifin Azərbaycana səfəri və keçirdiyi yüksək səviyyəli görüşlərdən sonra iki ölkə arasındakı münasibətlərin müxtəlif sahələrdə daha da dərinləşdiyi bildirilir.
Qeyd edilir ki, Azərbaycan Prezidenti İlham Əliyevin Məhəmməd Nəvaz Şəriflə görüşündə ölkələrimiz arasında əməkdaşlığın dərinləşdirilməsi, iqtisadi-ticarət, xüsusilə kənd təsərrüfatı və turizm sahələrində əlaqələrin inkişaf etdirilməsi istiqamətində müzakirələr aparılıb. Prezident İlham Əliyev iki ölkənin beynəlxalq təşkilatlar çərçivəsində, həmçinin Kəşmir və Dağlıq Qarabağ məsələlərində bir-birini daim dəstəklədiklərini vurğulayıb.
Məqalədə Azərbaycanda elektron viza sisteminə keçildikdən sonra qarşılıqlı gediş-gəlişin asanlaşacağı qeyd olunur və görüşdə müzakirə olunan digər məsələlər barədə də ətraflı məlumat verilir.
Baş nazir Məhəmməd Nəvaz Şərifin Kəşmir və Dağlıq Qarabağ məsələlərində iki ölkənin bir-birinə olan qarşılıqlı dəstəyinin davam edəcəyinə əminlik ifadə etdiyi vurğulanır.
“Füsunkar Azərbaycan” sərlövhəli məqalədə isə 1991-ci ildə müstəqilliyini bərpa etdikdən sonra Azərbaycanda ümummilli lider Heydər Əliyevin rəhbərliyi ilə görülən işlər haqqında söhbət açılır. Bildirilir ki, ulu öndər Heydər Əliyevin hakimiyyəti illərində ölkədə separatçı hərəkatların və vətəndaş müharibəsinin qarşısı alınıb, “Əsrin müqaviləsi” imzalanıb və irəliyə doğru böyük bir addım atılıb.
Həmçinin məqalədə Azərbaycan Prezidenti İlham Əliyevin rəhbərliyi ilə ölkənin böyük sosial-iqtisadi inkişaf yolu keçdiyi, geosiyasi sabitliyə nail olduğu və beynəlxalq birliyin tamhüquqlu üzvünə çevrildiyi qeyd edilir. Vurğulanır ki, Azərbaycanın inkişafı və nailiyyətləri müsəlman ölkələri üçün qürur mənbəyidir. Prezident İlham Əliyev ölkənin enerji ehtiyatlarından, o cümlədən insan resurslarından səmərəli istifadə edib, uğurlu daxili və xarici siyasət yürüdərək iqtisadi sabitliyi qoruyub saxlamağa nail olub.
Yazıda Azərbaycan iqtisadiyyatının şaxələndirilməsi prosesinin getdiyi də diqqətə çatdırılır.

Mahmud




 
Bölməyə aid digər xəbərlər
24.04.2019
Müxalifət dəyişməlidir...
23.04.2019
“Erməni soyqırımı”, yalanlar və gerçəklər: Qərbin Türkiyəni şantaj siyasəti
23.04.2019
Artıq bəzi sözlər yeni qaydalar əsasında yazılmalıdır
22.04.2019
Azərbaycan dövlətçilik tarixinin inkişaf mərhələlərinə ümumi bir baxış
20.04.2019
“Stonehenge” tarixi abidəsini Anadoludan gələnlər tikiblər

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10758

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Ermənistanda daha 400-ə yaxın məmur işdən qovulacaq
4 Gülnar Səmanın kitabının təqdimatı keçiriləcək
5 “Azərbaycan dilinin Orfoqrafiya Normaları” təsdiq edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info