Britaniya ÜDM-in 2 faizini NATO-ya ayıracaq
Tarix: 03.12.2016 | Saat: 00:21:00 | E-mail | Çapa göndər


Boris Conson: “NATO-ya üzv olan bütün dövlətlər öz öhdəliklərini yerinə yetirməli və ÜDM-lərinin 2 faizini alyansın büdcəsinə, 20 faizini isə silahların müasirləşdiriliməsi üçün müdafiə büdcəsinə keçirməlidirlər”

Böyük Britaniyanın xarici işlər naziri Boris Conson ABŞ-ın yeni seçilmiş prezidenti Donald Trampın “bütün NATO ölkələri öhdəliklərini yerinə yetirməli və alyansın ehtiyacları üçün öz ÜDM-lərinin 2 faizini ayırmalıdır” çağırışı ilə həmrəylik nümayiş etdirib.
Boris Conson deyib: “Təbii ki, amerikalı prezident dediklərində haqlıdır. Belə ki, hazırda NATO büdcəsinin 70 faizi ABŞ tərəfindən maliyyələşir, qalan 30 faizi alyansa üzv olan digər 27 dövlət birlikdə ödəyir. Mən də hesab edirəm ki, NATO-ya üzv olan bütün dövlətlər öz öhdəliklərini yerinə yetirməli və ÜDM-lərinin 2 faizini alyansın büdcəsinə, 20 faizini isə silahların müasirləşdiriliməsi üçün müdafiə büdcəsinə keçirməlidirlər”. Xarici işlər nazirinin sözlərinə görə artıq Britaniya ilə yanaşı alyansın digər iki üzvü - Estoniya və Polşa da öz vəzifələrini yerinə yetirirlər. Conson bundan sonra da ölkəsinin NATO-ya bağlılığının dəyişməz olaraq qalacağını bəyan edib. Qeyd edək ki, bir çox Avropa ölkəsi NATO-ya bu dəstəyi nümayiş etdirmir. Nümunə üçün bildirək ki, Finlandiyada əhalinin yarıdan çoxu ölkənin bu alyansa üzv olmasının əleyhdarı kimi çıxış edir. Bunu ölkədə aparılan rəy sorğusu da təsdiq edir. Finlandiyanın “Yle” nəşrinin məlumatına görə, əgər, ötən il Finlandiyanı NATO-da görmək istəməyənlər ölkə əhalisinin təqribən 58 faizi təşkil edirdisə, bu il artıq göstərici 61 faizi ötüb. Qeyd edək ki, finlərin müəyyən hissəsi hesab edir ki, Rusiya ilə münasibətlərdə ehtiyatlı olmaq vacibdir. Maraqlıdır ki, respondentlərin dörddə biri Moskvanın yürütdüyü siyasətin Finlandiyanın təhlükəsizliyinə həm mənfi, həm də müsbət təsir göstərdiyini etiraf ediblər. NATO ilə bağlı verdiyi bəyanatlarla Avropadakı müttəfiqləri təşvişə salan Tramp təqaüddə olan general Ceyms Mattisi Pentaqonun yeni rəhbər postuna namizəd göstərib. Tramp bu təklifi Ohayo ştatında keçirilən mitinqdə bildirib. Qeyd edək ki, 2010-2013-cü illərdə ABŞ Mərkəzi Komandanlığının Yaxın Şərq və Mərkəzi Asiya üzrə məsul nümayəndəsi olan 66 yaşlı Ceyms Mattis dəfələrlə Rusiyaya qarşı verdiyi sərt bəyanatlarla da tanınır.
Ağasəf Babayev




 
Bölməyə aid digər xəbərlər
23.02.2019
Erməni müxalifəti: Paşinyan ziddiyyətli bəyanatların sayına görə rekorda imza atıb
23.02.2019
Rusiyaya gələn miqrantların sayı azalır
22.02.2019
Ermənilər ayağa qalxdı: Sərkisyan bundan daha yaxşı idi
22.02.2019
Yerevanda taksi sürücüləri aksiya keçirib
22.02.2019
Moldova dövlət başçısına sui-qəsd təşkil ediləcək

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10615

1 Milli qəhrəmanlara və şəxsiyyətlərə hücum savaşın tərkib hissəsidir
2 Diaspor üzvləri Ümumavropa Qarabağ mitinqinə çağırış edib
3 Əsərləri dünyanın bütün elektron kitabxanalarında yer alan azərbaycanlı yazar
4 Londonda Karl Marksın məzarına növbəti dəfə vandal hücumu olub
5 1400 manat maaşla sürücü axtarılır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info