Sənaye parklarında minlərlə iş yeri yaradılacaq
Tarix: 07.12.2016 | Saat: 00:30:00 | E-mail | Çapa göndər


Şahin Mustafayev: “19 rayonda əlavə 26 aqroparkın yaradılması təşviq olunur”

“Aqrar sektorun inkişafında aqroparkların və müasir iri fermer təsərrüfatlarının yaradılması mühüm əhəmiyyət kəsb edir. Belə ki, Şəmkir aqroparkda birinci mərhələ üzrə işlər davam etdirilir, Xaçmaz rayonunda isə ikinci mərhələ üzrə işlər yekunlaşıb. Respublikanın 19 rayonunda 116.7 min hektar ərazidə əlavə 26 aqroparkın yaradılması təşviq olunur. Bu aqroparklarda müxtəlif istehsal, emal və infrastruktur müəssisələrinin yaradılması nəzərdə tutulur”.

Balaxanı Sənaye Parkında 5 müəssisə 2017-ci ilin birinci yarısında fəaliyyətə başlayacaq

Bu barədə iqtisadiyyat naziri Şahin Mustafayev Milli Məclisin plenar iclasında deyib. Bildirilib ki, növbəti illərdə də kənd təsərrüfatında davamlı artımın təmin edilməsi üçün dövlət dəstəyi tədbirlərinin davam etdirilməsi, kənd təsərrüfatına yararlı torpaqlardan və su resurslarından daha səmərəli istifadə olunması, intensiv metodların və müasir texnologiyaların tətbiqinin genişləndirilməsi, yeni komplekslərin yaradılması nəzərdə tutulur. Son illərdə ölkə sənayesi yeni inkişaf mərhələsinə qədəm qoyduğunu, yüzlərlə müasir istehsal və emal müəssisələri fəaliyyətə başladığını deyən nazir bildirib ki, sənaye parklarının yaradılması, o cümlədən Sumqayıt Kimya, Balaxanı, Mingəçevir, Qaradağ və Pirallahı Sənaye parklarında müvafiq infrastrukturun qurulması və rezidentlərin cəlb olunması istiqamətində görülən işlər, sənaye məhəllələrinin yaradılması qeyri-neft sənayesinin davamlı inkişafı üçün möhkəm zəmin yaradır. “Sumqayıt Kimya Sənaye Parkının yaradılmasından qısa zaman keçməsinə baxmayaraq, layihələrinin ümumi dəyəri 1,1 milyard dollar təşkil edən 9 müəssisəyə rezident statusu verilib. İnvestisiyasının ümumi həcmi 83.4 milyon dollar olan polad və polietilen boru, mexaniki və hidrotexniki avadanlıqlar istehsal edən “Azertexnoline” zavodu fəaliyyətə başlayıb. Zavod artıq ümumi istehsalın 75 faizini ixrac edib. Müəssisədə 700 nəfər işlə təmin olunub. 2017-2018-ci illərdə də bir sıra müəssisələr fəaliyyətə başlayacaq və bu müəssisələrdə 700-dən çox yeni iş yerləri yaradılacaq. Hazırda bu müəssisələrin tikinti işlərinə 1300-dən çox işçi qəbul olunub. Balaxanı Sənaye Parkında tullantıların təkrar emalı üzrə müəssisə 2017-ci ilin birinci yarısında fəaliyyətə başlayacaq. Burada 400-ə yaxın yeni iş yerinin yaradılması nəzərdə tutulur”, - deyə Ş.Mustafayev vurğulayıb. Əczaçılıq sahəsinin inkişafı və idxaldan asılılığının azaldılmasına toxunan iqtisadiyyat naziri əhalinin dərman tələbatının ödənilməsi məqsədilə yaradılan Pirallahı Sənaye Parkında ilk əczaçılıq zavodunun təməlinin qoyulduğunu diqqətə çatdırıb. Dəyəri 74 milyon dollar olan zavodda 58 təsiredici maddə üzrə 89 çeşiddə dərman istehsal olunacaq. Daha iki əczaçılıq zavodunun yaradılması işlərinə də başlanılacaq. Mingəçevir Sənaye Parkında yüngül sənaye məhsulları, o cümlədən iplik, boyama, toxuma, tikiş, corab və ayaqqabı istehsalı üzrə 9 fabrikin yaradılması ilə 200 milyon dollardan çox investisiya qoyuluşu və 2 mindən çox iş yerinin açılması nəzərdə tutulur. İxracyönümlü məhsullar istehsal edəcək bu zavodlar üçün xammal bazası yerli məhsullar hesabına təmin olunacaq. Ş.Mustafayev deyib ki, Masallı sənaye məhəlləsinə sahibkarlar tərəfindən maraq artıb. Belə ki, buraya ümumi dəyəri 30 milyon manatdan çox olan 33 layihə təqdim olunub. Bu işlər qeyri-neft məhsulları üzrə idxaldan asılılığı azaltmaqla yanaşı, ixrac potensialının genişləndirilməsinə imkan yaradacaq. Nazir bildirib ki, 2017-2020-ci illərdə qeyri-neft sahəsi üzrə orta hesabla 7,4 faiz artım proqnozlaşdırılır. Qeyri-neft sektorunun aparıcı sahəsi olan aqrar sektor üzrə 2017-ci ildə 4,9 faiz, növbəti 3 ildə 4,7 faiz artım gözlənilir. Kənd təsərrüfatı istehsalçıları torpaq vergisi istisna olunmaqla və digər vergilərdən azad ediliblər. Bununla yanaşı, fermer və sahibkarlara güzəştli şərtlərlə, kredit, gübrə, toxum, texnika almaq imkanı yaradılır. Əkin sahəsində istifadə olunan yanacaq üçün subsidiyalar verilir. Fındıq, tütün, çay, barama, pambıq, şəkər çuğunduru və digər kənd təsərrüfatı məhsulları daxil olmaqla, 13 sahəni əhatə edən xüsusi proqramlar hazırlanıb.
A.Miriyev




 
Bölməyə aid digər xəbərlər
20.03.2019
Əhalinin banklardakı pulları 8 milyard manatı keçib
20.03.2019
“Dövlət büdcəsinin tərtibi və icrası Qaydaları“nda dəyişiklik edilib
19.03.2019
Azərbaycan 5 min tona yaxın şəkər ixrac edib
19.03.2019
“Kartla ödə, kartla qazan” adlı stimullaşdırıcı lotereyanın ilk tirajı oynanılıb
19.03.2019
Azərbaycandan 76 milyon dollar dəyərində meyvə-tərəvəz ixracı olunub

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10702

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Lənkəranın ucqar kənd məktəbində Novruz şənliyi keçirilib
3 Yuliya Naçalova vəfat edib
4 “Bahar“ Qadınlar İnkişaf Qrupuna müasir tikiş maşınları verilib
5 Fransız heykəltəraş Mauro Kordanın sərgisi


22.03 09:12 AFR bundestaqının büdcə komitəsi martın 20-də sabiq prezidentlərə və kanslerlərə xidmət göstərən heyətin ixtisar edilməsi, habelə sabiq prezidentlərin və kanslerlərin əlavə gəlirlərinin olması müəyyən edilsə, onların pensiyalarının məbləğinin azaldılması barədə qərar qəbul edib. AZƏRTAC xəbər verir ki, istefada olan dövlət başçısının sərəncamında yalnız bir sürücü, bir dəftərxana işçisi, iki yardımçı referent və bir katib qalacaq. Səfərləri zamanı sabiq dövlət başçısının komandasının deyil, yalnız özünün pulu büdcədən ödəniləcək. Pensiyalara əlavələr olanda “sabiqlərin“ əlavə gəlirləri nəzərə alınacaq. Bundestaqda gizlətmirlər ki, deputatları bu addımı atmağa ölkənin sabiq kansleri Gerhard Şröderin “Qazprom“la münasibətləri sövq edib.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info