ADPU-da “Kaspi” Təhsil Şirkətinin “Kaspi Təcrübə Proqramı”nın təqdimatı keçirilib
Tarix: 07.12.2016 | Saat: 18:04:00 | E-mail | Çapa göndər


Azərbaycan Dövlət Pedaqoji Universitetinin (ADPU) kiçik akt zalında “Kaspi”Təhsil Şirkətinin “Kaspi Təcrübə Proqramı”nın təqdimatı keçirilib. ADPU-nun Tədris işləri üzrə prorektoru, professor Malik Cəbrayılov təqdimatı giriş sözü ilə açaraq bildirib ki, “Kaspi” Təhsil Şirkəti tanınmış və nüfuzlu təhsil şirkətidir. Hazırda “Kaspi” Təhsil Şirkəti pedaqojiyönümlü təhsil alan tələbələr üçün “Kaspi Təcrübə Proqramı”nı həyata keçirir. ADPU-da keçirilən bu təqdimatın məqsədi də tələbələri “Kaspi Təcrübə Proqramı” ilə tanış etmək və onları bu proqram barədə məlumatlandırmaqdır.
“Kaspi” Təhsil Şirkətinin İctimaiyyətlə əlaqələr şöbəsinin mütəxəssisi Afaq İbrahimova çıxış edərək təqdimatın təşkil edilməsinə görə ADPU-nun rəhbərliyinə təşəkkür edib. Bildirib ki, “Kaspi” Təhsil Şirkəti 2007-ci ildən fəaliyyət göstərir. Gənclərə mükəmməl təhsil verməyi qarşısına əsas məqsəd qoyan şirkətin hazırda 10 filialı, 2 uşaq bağçası və 2 liseyi var. Bakı şəhəri ilə yanaşı, şirkətin Gəncə və Sumqayıt şəhərlərində də təhsil mərkəzləri fəaliyyət göstərir.
“Kaspi” Təhsil Şirkətinin İnsan resursları şöbəsinin mütəxəssisi Lalə Ələkbərli və Həvayət Quliyeva çıxış edərək “Kaspi Təcrübə Proqramı”nın mahiyyəti və xüsusiyyətləri barədə məlumat veriblər. Bildiriblər ki, “Kaspi” Təhsil Şirkəti artıq 3 ildir ki, adıçəkilən təcrübə proqramını həyata keçirir. Bu, şirkət tərəfindən həyata keçirilən sayca 5-ci təcrübə proqramıdır. Proqramda ali təhsilin bakalavriat pilləsinin III, IV tədris ili tələbələri və magistratura pilləsinin I kursunda təhsil alan magistrantlar iştirak edə bilərlər. Təcrübə proqramına qoşulmaq istəyən tələbələr iki mərhələdən ibarət (imtahan və müsahibə) müsabiqədən keçərək proqramda iştirak etmək hüququ qazana bilərlər. Təcrübə proqramının həyata keçirilməsində məqsəd iş axtarışı zamanı iş təcrübəsinin olmaması səbəbindən çətinliklərlə qarşılaşan tələbələrə real tədris-təlim mühitində təcrübə qazandırmaq, həm də “Kaspi” Təhsil Şirkətinin müvafiq kadrlara olan tələbatını ödəməkdir. Fevral-mart-aprel aylarını əhatə edəcək proqram “Kaspi” Təhsil Şirkətinin filiallarında, bağça və liseylərində həyata keçiriləcəkdir. Təcrübə proqramı Azərbaycan dili və ədəbiyyatı, riyaziyyat, kimya, fizika, coğrafiya, biologiya, tarix, ingilis dili, rus dili, ibtidai sinif və məktəbəqədər təhsil ixtisaslarını əhatə edəcəkdir. Proqram zamanı tələbələr dərslərdə müşahidəçi qismində iştirak edəcək, ayda bir dəfə sərbəst dərs hazırlayaraq təqdim edəcək, dərsdənkənar məşğələlərin təşkil olunmasında, dərs materiallarının və dərs planının hazırlanmasında, həmçinin valideynlərlə işin aparılmasında bilavasitə iştirak edəcəklər. Proqramda iştirak edən tələbələr yüksəkixtisaslı müəllimlərin nəzarəti altında təcrübə keçərək peşəkar bacarıqlarını artırmaq imkanı əldə edəcəklər. Təcrübəçilərin şirkət tərəfindən günorta yeməyi və yol xərcləri ilə təmin edilməsi nəzərdə tutulur. Proqram başa çatdıqdan sonra təcrübəçinin ümumi iş fəaliyyətinin dəyərləndirməsi aparılacaq, ən yaxşı tələbələr işlə təmin olunmaq imkanı əldə edəcək, digərlərinə isə sertifikatlar veriləcək. Qeyd edək ki, ötən iki il ərzində təcrübə proqramında iştirak edənlərin 69%-i “Kaspi” Təhsil Şirkətinin mərkəzlərində işlə təmin olunmuşdur.
Təqdimatda tələbə-gənclərin təcrübə proqramı ilə bağlı sualları cavablandırılıb.




 
Bölməyə aid digər xəbərlər
22.09.2018
Xüsusi Olimpiya Hərəkatı gənc liderlərin 20-ci Qolobal Forumu keçiriləcək
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb
20.09.2018
Ədliyyə orqanlarına qulluğa qəbul olunan gənclər and içiblər

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info