“Qırmızı Qəsəbə dünyada dağ yəhudilərinin yığcam şəkildə yaşadığı yeganə yerdir”
Tarix: 07.12.2016 | Saat: 20:56:00 | E-mail | Çapa göndər


ABŞ-ın aparıcı ali məktəblərinin yəhudi mənşəli tələbələrini birləşdirən məşhur KİVUNİM Amerika-İsrail akademik təşkilatının Azərbaycanda səfərdə olan nümayəndə heyətinin üzvləri Quba rayonundakı Qırmızı Qəsəbə ilə də tanış olublar.
“Azərbaycan-Dünya üçün əsl multikulturalizm və tolerantlıq modelidir” adlı layihənin müəllifi, Bakı Beynəlxalq Multikulturalizm Mərkəzinin İsraildəki nümayəndəliyinin rəhbəri, beynəlxalq münasibətlər sahəsində tanınmış israilli ekspert Arye Qut nümayəndə heyətinin üzvlərinə Qırmızı Qəsəbənin tarixi, Azərbaycan və yəhudi xalqları arasında qarşılıqlı dostluq və qardaşlıq münasibətləri, Azərbaycan xalqının və ölkə rəhbərliyinin yəhudi icmasına səmimi və hörmətli münasibəti barədə ətraflı məlumat verib.
Sonra amerikalı tələbələrin nümayəndə heyətinin üzvləri Qırmızı Qəsəbədəki sinaqoqa baş çəkiblər. Arye Qut sinaqoqda çıxış edərək vurğulayıb ki, Qırmızı Qəsəbə dünyada dağ yəhudilərinin yığcam şəkildə yaşadığı yeganə yer, sözün həqiqi mənasında Azərbaycanın fəxridir. O deyib: “Burada yəhudilər və azərbaycanlılar əsrlər boyu doğma qardaşlar kimi yaşayır. Onları bir-birinə bağlayan ortaq tale və ortaq tarixdir. Azərbaycandakı yəhudi icması Azərbaycan cəmiyyətində mühüm inteqrasiyaedici rol oynayır. Millətlərarası və dinlərarası münaqişələrin alovlandığı, antisemitizmin və islamofobiyanın tüğyan etdiyi bugünkü dünyada Azərbaycan bütün konfessiyaların nümayəndələrinin dinc yanaşı yaşadığı sabitlik və firavanlıq adasıdır. Azərbaycan bütün dünyaya göstərir ki, onun yürütdüyü tolerantlıq və multikulturalizm siyasəti Azərbaycan cəmiyyətinin həyat tərzidir. Azərbaycan Prezidenti İlham Əliyev Azərbaycandakı bütün icmalara, o cümlədən dünyada analoqu olmayan yəhudi icmasına sözün həqiqi mənasında çox böyük diqqət, həssas və səmimi münasibət göstərir. Tarixi faktdır ki, Azərbaycanda heç vaxt antisemitizm olmayıb, buna görə də biz, əslən Azərbaycandan olanlar, bununla qürur duyuruq. Azərbaycan sivilizasiyalararası və dinlərarası dialoq nümunəsidir”.
KİVUNİM Amerika-İsrail akademik təşkilatının nümayəndə heyətinin rəhbəri Cey Liberman Azərbaycanda yəhudilər üçün yaradılmış şəraitə görə minnətdarlığını bildirib. Liberman deyib: “İki günlük səfər müddətində bizim tələbələr Azərbaycanda yaşayan yəhudi icmasına səmimi münasibət bəsləndiyini hiss etdilər. Azərbaycan bütün dünya birliyi üçün tolerantlığın real nümunəsidir”.
Sonra Amerika-İsrail akademik təşkilatının nümayəndə heyəti 1918-ci ildə erməni silahlı dəstələri tərəfindən Azərbaycan torpağında törədilmiş qətliamın qurbanları olmuş on minlərlə azərbaycanlının, üç min yəhudinin, ləzgi və digər xalqların mindən çox nümayəndəsinin xatirəsinə ucaldılmış Quba Memorial Soyqırımı Kompleksində olublar. Nümayəndə heyətinə ətraflı məlumat verilib. Bildirilib ki, bu qırğın Azərbaycan tarixinə XX əsrin ən faciəli hadisələrindən biri kimi daxil olub.
Amerikalı tələbələr Quba Memorial Soyqırımı Kompleksində eşitdikləri və gördüklərinin təsirindən şoka düşüblər. Amerikalı tələbələrdən ibarət nümayəndə heyəti qətliamın dəhşətli sübutlarını görəndən sonra 1918-ci ilin mart ayında erməni daşnakların Qubada qətlə yetirdikləri azərbaycanlı və yəhudilərin ruhuna kadiş (yəhudi dilində dua) oxumağı qərara alıblar.
Tural Tağıyev




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10141

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info