TUMİB Şəmkirdə sağlam həyat tərzini təbliğ edib
Tarix: 07.12.2016 | Saat: 22:55:00 | E-mail | Çapa göndər


“Türkiyə Universitetləri Məzunları” İctimai Birliyi (TUMİB) Azərbaycan Respublikasının Prezidenti yanında Gənclər Fondunun maliyyə dəstəyi ilə "Gəncliyini qoru gələcəyin üçün!" adlı layihəyənin icrasına başlayıb. Layihə çərçivəsində ilk tədbir Şəmkir şəhərində yerləşən Nizami Gəncəvi adına şəhər tam orta məktəbdə keçirilib.

Şəmkir şəhər Gənclər və İdman İdarəsinin rəisi Emin İsmayılov gənclərin cəmiyyətin həyatında mühüm rol oynadığını bildirib. E.İsmayılov deyib ki, Azərbaycanda həyata keçirilən dövlət gənclər siyasəti bu kateqoriyaya daxil olan insanların potensialının tam olaraq üzə çıxmasına xidmət edir. İdarə rəisi vətəndaş cəmiyyəti institutları ilə əməkdaşlıq sayəsində ölkəin ictimai həyatında gənclərin rolunu artırmağın mümkün olduğuna inandığını bildirib.

“Türkiyə Universitetləri Məzunları” İctimai Birliyinin sədri Çingiz Bayramov deyib ki, layihənin məqsədi gənclər arasında sağlam həyat tərzi və reproduktiv sağlamlıq mövzusunda maarifləndirmə işi aparmaqdır. Ç.Bayramov qeyd edib ki, gənclər zərərli vərdişlərdən uzaq qalmaqla cəmiyyətin inkişafına layiqli töhfə verə bilərlər: “Hökumətin dəstəyi ilə sağlam həyat tərzi və reproduktiv sağlamlıq sahəsində gənclər arasında ciddi iş görülür. Bir QHT olaraq, biz də bu prosesdə iştirak etmək, Azərbaycanın gələcəyi üçün sağlam nəsillərin yetişməsinə öz töhfəmizi vermək istəyirik. “Sağlam bədəndə sağlam ruh olar!” devizi hər birimizin həyat amalına çevrilməlidir”.

Ç.Bayramov gəncləri sağlam həyat tərzi keçirməyə, zərərli vərdişlərdən uzaq olmağa, davamlı mütaliə etməyə və öz üzərlərində işləməyə çağırıb. Natiq deyib ki, hər bir insan öz sağlamlığının qeydinə qalmalı, cəmiyyətə daha çox fayda vermək barədə düşünməlidir.

Gənclərin cəmiyyətin avanqard hissəsi olduğuna diqqət çəkən layihənin eksperti Seymur Verdizadə bldirib ki, insan iradəsi bütün neqativ meyllərə qalib gəlməyə qadirdir. S.Verdizadə deyib ki, sağlam həyat tərzi keçirmək hər bir gəncin borcudur: “Bir insan olaraq, bizim həm dövlətimizin, həm də ailə üzvlərimizin qarşısında öhdəliklərimiz var. Bu öhdəlikləri yerinə yetirmək üçün düzgün həyat tərzi keçirməli, sağlam məntiqə əsaslanan qərarlar qəbul etməliyik. Biz ancaq sağlam həyat tərzi keçirməklə bu vəzifələrin öhdəsindən gələ bilərik”.
Şəmkir rayon İcra Hakimiyyətinin İctimai-siyasi və humanitar məsələlər şöbəsinin baş məsləhətçisi Turanə Məmmədova vətəndaş cəmiyyəti institutları ilə əməkdaşlığın faydalı olduğuna diqqət çəkib. T.Məmmədova deyib ki, QHT-lərin iştirakı ilə keçirilən müzakirələr gənclərin nitq mədəniyyətinin formalaşmasına müsbət təsir göstərməklə yanaşı, həm də onların ictimai həyatdakı rolunu artırır. İcra Hakimiyyətinin nümayəndsi analoji layihələri bundan sonra da dəstəkləməyə hazır olduqlarını bildirib.




 
Bölməyə aid digər xəbərlər
20.09.2018
Qanvermə aksiyalarının təşkili dini ənənələrə humanist bir töhfədir
20.09.2018
Gömrük xidməti ölkəmizin iqtisadi maraqlarının qorunmasında xüsusi yer tutur
20.09.2018
ADPU-nun Azərbaycan tarixi kafedrasının əməkdaşı Beynəlxalq Forumda iştirak edib
20.09.2018
Prezidentin köməkçisi: “Ərazilərin minalardan təmizlənməsi humanist missiyadır”
20.09.2018
Azərbaycanın milli qəhrəmanları haqqında ingilis dilində məqalələr hazırlanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info