Yaponiyada təşkil edilmiş ziyafətdə Azərbaycandan danışılıb
Tarix: 09.12.2016 | Saat: 19:00:00 | E-mail | Çapa göndər


Dekabr ayının 6-da Yaponiyanın paytaxtı Tokio şəhərində, “Sərhədləri Ötənlər” (Ekkyokai) klubunun və “World Investors TV” kanalının təşəbbüsü və təşkilatçılığı ilə 2016-cı ilin yekunlarına həsr olunmuş möhtəşəm ziyafət təşkil edilmişdir. Ziyafətdə cəmi 150 nəfər olmaqla, yaponiyalı biznesmenlər, xarici iş adamları, bu ölkədə olan Azərbaycan səfirliyinin nümayəndələri, Yaponiyada səfərdə olan ADA universiteti və Xarici Dillər Universitetinin müəllimləri, Yaponiyada təhsil alan azərbaycanlı tələbələr fəal şəkildə iştirak etmişlər. Ziyafətə fəxri qonaq qismində dəvət edilmiş Dünya Azərbaycanlıları Assambleyasının Şərqi və Orta Asiya üzrə vitse-prezidenti, Yaponiya nümayəndəliyinin sədri Əlibəy Məmmədov nitqlə çıxış edərək, Azərbaycan və Yaponiyanın son illər ərzində gözəçarpan inkişafını yüksək qiymətləndirmişdir.
Ə. Məmmədov qeyd etmişdir ki, təxminən 3 il əvvəl yaradılmış “Sərhədləri Ötənlər” klubunun və onun partnyorlarının sayəsində Azərbaycan və Yaponiya arasında olan hərtərəfli inkişaf özünün yeni və daha parlaq mərhələsinə qədəm qoymuşdur. Yaponiya tərəfindən bu inkişafın əsas banilərindən biri olan, Yaponiyada Azərbaycan adının ən ali səviyyədə tanıdılmasında, bu ölkədə fəaliyyət göstərən Azərbaycan diasporuna ən yaxından yardım edən, azərbaycanlıların yaxın dostu, Azərbaycanı səmimi qəlbdən sevən və ona bağlı olan “Sərhədləri Ötənlər” klubunun prezidenti Kazuyasu İşidanın fəaliyyəti xüsusilə vurğulanmışdır.
Ə. Məmmədov Yaponiya-Azərbaycan əlaqələrinin, həm mədəni, həm iqtisadi, həm də siyasi səviyyələrdə daha da inkişaf edəcəyinə əminliyini ifadə etmişdir.
Ziyafətin təşkilatçısı Kazuyasu İşida isə öz nitqində qeyd etmişdir ki, rəhbərlik etdiyi və özündə təxminən 1500 nəfərə yaxın yaponiyalı biznesmeni cəmləşdirən “Sərhədləri Ötənlər” klubunun təşkilatçılığı ilə son 3 ildə dünyanın bir çox ölkələrinə biznes səyahətləri təşkil etmişlər. Bu ölkələr arasında yaponlar tərəfindən ən çox sevilən ölkə heç şübhəsiz Azərbaycan olmuşdur. Azərbaycanlıların qonaqpərvərliyinə, yaponsevərliyinə, insanlarına və tarixinə heyran qaldığını bildirən K. İşida bundan sonra da Yaponiyada Azərbaycan diasporunun daha da güclənməsində, iki ölkə arasında olan mədəni və iqtisadi əlaqələrin daha da dərinləşməsində yaxından iştirak edəcəyini bildirmişdir.
K. İşida onu da vurğulamışdır ki, gələn ilin Aprel ayında yaponiyalı biznesmenlərin iştirakı ilə Azərbaycana işgüzar səfərə gedəcəklər. Əsas etibarilə Bakı və Şəkidə görüşlər keçirəcəklərini vurğulayan K. İşida son zamanlar inkişaf etməkdə olan Azərbaycan və Yaponiyanın regionlararası inkişafına daha da böyük töhvələr vermək fikrində olduqlarını dilə gətirmişdir.
Sonda ziyafətin təşkilatçıları ilə xatirə şəkli çəkilib.

Fuad






 
Bölməyə aid digər xəbərlər
19.11.2018
“Qaçaqmalçılığa qarşı mübarizə sahəsində yüksək göstəricilər əldə olunub”
19.11.2018
Səfir: Azərbaycanla Pakistan arasında olan strateji tərəfdaşlıq münasibətləri bütün sahələrdə əməkdaşlığa öz töhfəsini verir
18.11.2018
Sanya meri: Azərbaycan qədim tarixə və özünəməxsus mədəniyyətə malik ölkədir
18.11.2018
Dünyanın heç bir ölkəsində qanunsuz, icazəsiz mitinq keçirməyə yol verilmir
17.11.2018
Milli Dirçəliş Günü ilə bağlı icazəsiz aksiya keçirməkdə məqsəd təxribat törətmək və ara qarışdırmaqdır

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Davamli dil siyasəti dövlətin əsas prioritet istiqaməti kimi
3 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info