Naxçıvanda turizmin inkişaf üçün hər cür şərait var
Tarix: 09.12.2016 | Saat: 20:10:00 | E-mail | Çapa göndər


Muxtar respublikada ən ucqar dağ kəndlərinə də rahat yollar, qaz və su xətləri çəkilib, müasir infrastruktur yaradılıb. Buna görə Naxçıvanda istər yay, istərsə də qış turizminin daha da inkişaf etdirilməsi üçün hər cür şərait mövcuddur.
AZƏRTAC xəbər verir ki, bu fikirlər Naxçıvan şəhərində yerləşən Naxçıvan Turizm İnformasiya Mərkəzində muxtar respublikanın Mədəniyyət və Turizm Nazirliyinin təşkilatçılığı ilə keçirilən konfransda səsləndirilib.
Muxtar respublikada fəaliyyət göstərən turizm firmalarının nümayəndələri ilə yanaşı, Naxçıvan Dövlət və “Naxçıvan” universitetlərinin tələbələrinin də iştirak etdiyi tədbirdə çıxış edən Mədəniyyət və Turizm Nazirliyi aparatının rəhbəri Gülbuta Babayeva qədim diyarın turizm imkanları barədə ətraflı söhbət açıb. Bildirib ki, Naxçıvanın qədim tarixə və zəngin mədəniyyətə malik olması, yüksək qonaqpərvərlik ənənələri, füsunkar təbiəti, özünəməxsus mətbəxi muxtar respublikada turizmin inkişafına geniş şərait yaradıb. Bu gün diyarımızın turizm potensialının təbliği istiqamətində ardıcıl iş aparılır. Naxçıvanın tarixi, mədəniyyəti, turizm marşrutları, mətbəxi, adət-ənənələri ilə bağlı onlarla adda reklam-informasiya materialları hazırlanıb, reklam çarxları və filmlər çəkilib.
Gülbuta Babayeva muxtar respublikada turizmin inkişafına göstərilən diqqət nəticəsində qədim diyara gələn turistlərin sayının hər il daha da artığını deyib. Qeyd edib ki, 1995-ci ildə muxtar respublikaya 40 minə yaxın turist gəlmişdisə, 2016-cı ilin 10 ayında onların sayı 328 min 213 nəfər olub. 2001-ci ildə muxtar respublikada 5 mehmanxana, 180-ə yaxın nömrə fondu, 317 yer var idisə, bu gün yerləşdirmə obyektlərinin sayı 21, nömrə fondu 600-ə yaxın, yer sayı 1400-dən çoxdur.
Mövcud reallıqları əhəmiyyətli perspektivlərə çevirməyin mümkün olduğunu vurğulayan muxtar respublikanın Mədəniyyət və Turizm Nazirliyi aparatının rəhbəri diqqətə çatdırıb ki, bu məqsədlə keçirilən bugünkü konfrans gələcəkdə turizm rekreasiya imkanlarından istifadəyə öz müsbət təsirini göstərəcək.
Sonra muxtar respublikanın İqtisadiyyat Nazirliyi aparatının rəhbəri Anar Cəfərov “Naxçıvan Muxtar Respublikasında turizmin mövcud vəziyyəti və inkişaf perspektivləri”, Səhiyyə Nazirliyi aparatının rəhbəri Nihad Seyidov “Muxtar respublikada səhiyyə turizminin inkişafı: reallıqlar və perspektivlər”, Rabitə və Yeni Texnologiyalar Nazirliyi aparatının rəhbəri Əqil Həsənov “Muxtar respublikada turizmin inkişafında informasiya texnologiyalarının rolu”, Ekologiya və Təbii Sərvətlər Nazirliyinin şöbə müdiri Şövqi Əliyev “Naxçıvan Muxtar Respublikasının təbiəti və ekoturizm rekreasiya siyasəti” mövzularında çıxış ediblər.
Bildirilib ki, bu gün muxtar respublikada müalicə turizminin daha da inkişaf etdirilməsi üçün çox münbit şərait var. Naxçıvanın münbit torpaqları, saf su mənbələri, təmiz havası və zəngin dərman bitkiləri, bol Günəş – bütün bunlar ekoloji turizmin inkişafı üçün də hərtərəfli imkanlar açır. Qədim diyarımızda iqtisadiyyatın inkişafı turizm sahəsinə müsbət təsirini göstərməkdədir. Süfrələrin bəzəyi olan “Badamlı” və “Sirab” mineral sularının istehsalı, yeyinti sənayesinin yüksək səviyyədə inkişaf etdirilməsi bu sahədə imkanlarımızın geniş olduğunu göstərir. Qədim diyarımızla bağlı müxtəlif suvenirlərin, hədiyyələrin hazırlanması da turizmin inkişafı istiqamətində atılan addımlardandır.
Vurğulanıb ki, sosial şəbəkələrdə muxtar respublikanın tarix və mədəniyyət abidələri, turizm firmaları haqqında məlumatların yayılması və həmçinin internet resurslarından səmərəli istifadə vasitəsilə turizm potensialının təbliği müsbət nəticələr verməkdədir.
Sonda tədbir iştirakçılarını maraqlandıran suallar cavablandırılıb.


Mahmud




 
Bölməyə aid digər xəbərlər
21.09.2018
Naxçıvanda maliyyə və mühasibatlıq işçilərinin iştirakı ilə təkmilləşdirici təlimlər keçirilir
20.09.2018
Naxçıvanda “Avropa günləri” keçiriləcək
20.09.2018
600-dən çox adam sahilyanı ərazini 5 ton tullantıdan təmizlədi
20.09.2018
Azərbaycanda dünyanın ilk kurqan arxeoparkı yaradılacaq
19.09.2018
Gənc ailələr üçün yeni imkan: “Aqrar məhəllə” yaradılır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info