“Türkiyə-Azərbaycan münasibətlərində Heydər Əliyev siyasəti” mövzusunda konfrans keçirilib
Tarix: 13.12.2016 | Saat: 16:01:00 | E-mail | Çapa göndər


Azərbaycanın Türkiyədəki səfirliyi və Afyon Kocatepe Universitetinin birgə təşkilatçılığı ilə ümummilli lider Heydər Əliyevin vəfatının 13-cü ildönümü ilə əlaqədar “Türkiyə-Azərbaycan münasibətlərində Heydər Əliyev siyasəti” mövzusunda konfrans keçirilib. Tədbirdə səfirliyin əməkdaşları, Afyon Kocatepe Universitetinin müəllim və tələbələri, yerli əhali və KİV nümayəndələri iştirak ediblər.
Əvvəlcə ulu öndər Heydər Əliyevin xatirəsi birdəqiqəlik sükutla yad edilib, Azərbaycan və Türkiyənin dövlət himnləri səsləndirilib. Sonra Ümummilli Liderin siyasi fəaliyyətindən bəhs edən sənədli film nümayiş olunub.
Konfransın açılışında çıxış edən səfir Faiq Bağırov Azərbaycanın müstəqilliyinin qorunmasında və inkişafında Heydər Əliyev dühasının yeri və rolu barədə müfəssəl məlumat verib. Diqqətə çatdırıb ki, Ulu Öndərin uzaqgörən inkişaf strategiyası Azərbaycan-Türkiyə qardaşlığını daha da möhkəmləndirib. Bu konfransın təşkili də Heydər Əliyev şəxsiyyətinə göstərilən tükənməz ehtiramın bariz nümunəsidir. Səfir diqqətə çatdırıb ki, Azərbaycanın xilaskar oğlu Heydər Əliyevin əziz xatirəsinə göstərilən hər bir ehtiram xalqımız tərəfindən böyük sevgi ilə qarşılanır.
Afyon Kocatepe Universitetinin rektoru, professor Mustafa Solakın, Afyonkarahisar şəhər bələdiyyəsinin sədri Burhanettin Çobanın və şəhər valisinin müavini Adem Uslunun çıxışlarında ulu öndərin dövlət quruculuğu, ölkəmizin beynəlxalq aləmdəki mövqelərinin möhkəmlənməsi, Azərbaycan-Türkiyə münasibətlərinin inkişafı istiqamətində həyata keçirdiyi tarixi missiya yüksək qiymətləndirilib.
Sonra Orta Doğu Texniki Universitetinin professoru Oktay Tanrıseverin məruzəsi dinlənilib. O, ulu öndərin xilaskarlıq missiyasından, Azərbaycanın hərtərəfli inkişafı naminə gördüyü əvəzsiz işlərdən, müəyyən etdiyi neft strategiyasının əhəmiyyəti və nəticələrindən danışıb. Diqqətə çatdırıb ki, ulu öndərin müəyyənləşdirdiyi xarici siyasətin Prezident İlham Əliyev tərəfindən uğurla davam etdirilməsi nəticəsində Azərbaycan bütün sahələrdə, o cümlədən energetika üzrə regionun aparıcı dövlətinə çevrilib.
Afyon Kocatepe Universitetinin dosenti Sevinç Abdullayeva isə ulu öndərin əziz xatirəsinə həsr olunmuş şeirlər səsləndirib.
Sonda konfrans iştirakçılarına "Heydər Əliyev" və "İlham Əliyev" kitabları paylanılıb.
Tural




 
Bölməyə aid digər xəbərlər
13.11.2018
Hillari Klinton 2020-ci ildə ABŞ prezidentliyinə namizədliyini irəli sürə bilər
12.11.2018
Misirdə sosial şəbəkələrdə yanlış informasiya yayanlar cəzalanacaq
11.11.2018
Türkiyə HHQ İraqın şimalında 14 terrorçunu məhv edib
11.11.2018
İranın xarici işlər nazirinin maraqlı “tviti”
10.11.2018
Angela Merkel antisemitizmin artmasına görə narahatdır

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10457

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info