Tərcümə Mərkəzinin nümayəndə heyəti Sofiyada kitab sərgisində
Tarix: 13.12.2016 | Saat: 21:43:00 | E-mail | Çapa göndər


Azərbaycan Respublikası Nazirlər Kabineti yanında Tərcümə Mərkəzinin nümayəndə heyəti Bolqarıstanın paytaxtı Sofiyada dekabrın 13-dən 17-dək keçirilən Beynəlxalq Kitab Sərgisində iştirak edir.
Tərcümə Mərkəzindən AZƏRTAC-a bildirilib ki, sərgi çərçivəsində nümayəndə heyətinin Bolqarıstan Tərcüməçilər Birliyi və kitab sərgisinin rəhbərliyi ilə görüşləri keçirilib.
Bolqarıstan Tərcüməçilər Birliyinin rəhbərliyi ilə Sofiya Universitetində baş tutan görüş zamanı mərkəzin son iki il ərzində ədəbiyyatlararası mübadilələr istiqamətində həyata keçirdiyi layihələrdən, rus dilində Moskvada, ingilis dilində Londonda, türk dilində Ankarada, ərəb dilində Qahirədə nəşr olunan “Müasir Azərbaycan ədəbiyyatı antologiyası”ndan, habelə dünya ədəbiyyatı nümunələrinin ölkəmizdə geniş təbliğindən söz açılıb. Hazırda çex, ispan, Ukrayna, Belarus, fransız və gürcü dillərinə tərcümə prosesində olan bu akademik nəşrin bolqar dilinə tərcüməsi, bu işin Bolqarıstanın tanınmış tərcüməçiləri tərəfindən həyata keçirilməsi və Sofiyanın aparıcı nəşriyyatlarında nəşri ilə bağlı danışıqlar aparılıb.
Bolqarıstan Tərcüməçilər Birliyinin sədri İvo Panov Tərcümə Mərkəzinin fəaliyyətini maraqla izlədiklərini söyləyib. Mərkəz tərəfindən məşhur Argentina yazıçısı Adolfo Kasaresin “Morelin ixtirası” kitabının nəşr edilməsini, qurumun həyata keçirdiyi layihələri, dünyanın ən istedadlı ədəbi simalarının Azərbaycanda tanıdılmasını və təbliğini təqdirəlayiq hal hesab etdiklərini bildirib.
Görüşdə Bolqarıstan Tərcüməçilər Birliyinin sədri İvo Panovla yanaşı, qurumun sədr müavinləri Rada Şarlanciyeva və Veselina İjekova, məsul katib Sabina Pavlova, ölkəmizin Bolqarıstandakı səfiri Nərgiz Qurbanova iştirak ediblər.
Bolqarıstan Kitab Sərgisinin rəhbərliyi ilə baş tutan görüşdə isə 2017-ci ildə Sofiyada keçiriləcək sərgidə Azərbaycanın geniş və əhatəli iştirakının təşkili ilə bağlı danışıqlar aparılıb.
Tərcümə Mərkəzinin direktoru Afaq Məsud və “Bolqar Kitabı” Assosiasiyası idarə heyətinin sədri Veselin Todorov gələn il keçiriləcək adıçəkilən beynəlxalq əhəmiyyətli tədbirdə Azərbaycan ədəbiyyatının bolqar oxucusuna tanıdılması istiqamətində atılacaq addımlarla bağlı fikirlərini bölüşüblər.
Tədbirlərdən sonra Afaq Məsud Bolqarıstanın “Standart” qəzetinin müxbiri, tanınmış jurnalist Olia Al-Ahmedə müsahibə verib.
Dekabrın 14-də mərkəzin nümayəndə heyətinin Bolqarıstan Yazıçılar Birliyinin sədri Boyan Anqelov, “Zaxariy Stoyanov” nəşriyyatının rəhbəri İvan Qranitski, tanınmış ədəbiyyatşünas alim Dmitri Qaçev və Bolqarıstanın Təhsil Nazirliyinin Dövlət nəşriyyatı idarə heyətinin sədri Anastasiya Boneva ilə görüşü keçiriləcək.

Mahmud




 
Bölməyə aid digər xəbərlər
22.01.2019
Paytaxtın bəzi rayonlarının təbii qaz təchizatında məhdudiyyət olacaq
22.01.2019
Gələcəkdə “BakıKart”ların balansının onlayn artırılması mümkün olacaq
22.01.2019
“Bakcell”dən 6 bölgənin sakinlərinə 5 GB PULSUZ İnternet!
22.01.2019
Azərbaycanda tolerantlıq mühitinin qorunub saxlanılması üçün hüquqi baza formalaşdırılıb
22.01.2019
Mübariz Qurbanlı şimal bölgəsindən olan sakinlərin müraciətlərini dinləyib

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Dərslər təxirə salındı
2 “Mənim güc mənbəyim Bakıdadır”
3 Mehman Hüseynov Prezident İlham Əliyevə müraciət ünvanlayıb
4 Ahmet Gencehan Babiş: “Türkiyənin Azərbaycanın razı olmayacağı bir işdə olması mümkün deyil”
5 Azərbaycanın Birinci vitse-prezidenti Mehriban Əliyeva Nikola Sarkozi ilə görüşüb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info