“Mən bir susmaz duyğuyam ki” adlı ədəbi-bədii kompozisiya keçirilib
Tarix: 15.12.2016 | Saat: 21:52:00 | E-mail | Çapa göndər


Humanitar Fənlər Gimnaziyasında X sinif şagirdlərinin iştirakı ilə C.Cabbarlının yaradıcılığına həsr olunmuş “Mən bir susmaz duyğuyam ki” adlı ədəbi-bədii kompozisiya keçirilib. Burada məqsəd şagirdləri C.Cabbarlının yaradıcılığı ilə yaxından tanış etmək, onun əsərlərinin tərbiyəvi əhəmiyyətini aşılamaq idi. Dramaturqun “Solğun çiçəklər”, “Oqtay Eloğlu” və “Sevil” əsərlərindən parçalar şagirdlər tərəfindən səhnələşdirildi. “Soğun çiçəklər” əsərindəki Sara rolunun ifaçısı XI sinif şagirdi Aytac Rüstəmlinin Saranın ölüm səhnələrindəki fəryad dolu çıxışı hamını göz yaşlarına boğdu. Bəhram obrazını XI sinif şagirdi Fərid Əsgərov, Gülnisə obrazını Rəhimə Quliyeva , Pəri rolunu Aytən Şükürova, Əbdül əmi surətini isə Əmrə Mirzəyev canlandırdı. Tamaşaçılar göz yaşları içində bu səhnəni seyr etdilər. “Sevil” tamaşası da təsirsiz ötüşmədi. Rəhimə Quliyeva - Sevil rolunun ifaçısı Sevilin öz balası ilə qovuşması səhnəsi ilə hamını göz yaşlarına qərq etdi. Dilbər obrazını çox böyük cəsarətlə oynayan Aytən Şükürovanın çıxışı anşlaqla qarşılandı. “Oqtay Eloğlu” rolu ilə tamaşaçıların qarşısına çıxan Elsevər Babayev öz üsyankar çıxışı ilə hamını heyrətləndirdi. Firəngiz obrazını Fatma Məmmədova , Aslan bəyin surətini Çingiz Ələkbərov canlandırdı. Şagirdlərin peşəkar aktyorlar kimi çıxış etmələri tədbirin qonaqlarını və gimnaziyanın direktoru Xuraman xanımı çox təsirləndirdi. O, sonda şagirdlərə öz təşəkkürünü bildirdi. Bu şagirdlərin təşəkkürnamə ilə təltif olunmasını vurğuladı, onların ifasını çox bəyəndiyini qeyd etdi. Tədbirin qonaqlarından Təhsil Nazirliyinin nümayəndəsi Hüseyn Mirzəyev, Nərimanov Rayon İcra Hakimiyyətinin nümayəndəsi Nəcəf Novruzov, Texniki – Humanitar Liseyinin direktoru Səidə Zeynalova, 324 saylı məktəbin direktoru Gülarə Atayeva, Milli Elmlər Akedemiyasının Ədəbiyyat İnstitutunun Filologiya elmlər doktoru Esmira Şükürova, Milli Elmlər Akademiyasının Folklor İnstitutunun böyük elmi işçisi Nailə Əsgər və Qumru Şəhriyar da bu tədbirin təşkilatı işindən razı qaldıqlarını bildirdilər. Tədbirdə C.Cabbarlı yadigarı, onun nəvəsi, ev muzeynin direktoru Qəmər Bağırova da şagirdlərimizin çıxışından təsirləndiyini bildirdi, belə tədbirlərin şagirdlərdə milli-mənəvi dəyərlərini inkişaf etdirilməsində mühüm rol oynadığını vurğuladı. Bu tədbirdən sonra şagirdlər anladılar ki, pul heç də insan həyatında mühüm rol oynamır, qadının təhsil alması vacib şərtdir




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info