Trampın daha bir nümayəndəsi Moskvaya səfər edib
Tarix: 17.12.2016 | Saat: 00:16:00 | E-mail | Çapa göndər


Cek Kinqston: “Yeni administrasiya prezident Barak Obamanın səhvlərini təkrar etməyəcək”

“Yeni seçilmiş ABŞ prezidenti Donald Tramp administrasiyası hazırkı prezident Barak Obamanın xarici siyasət kursunu davam etdirməyi zəruri hesab etmir”.
Bu barədə Amerika biznesinin nümayəndələri ilə Moskvada keçirilən görüşdə Trampın köməkçisi Cek Kinqston bildirib. Dəyişikliklər arasında, əlbəttə ki, sanksiya siyasəti də ola bilər. Kinqstona görə, dəyişikliklər sırasında ABŞ və Rusiya arasında münasibətlərin yenilənməsinə xidmət edəcək məsələlər, o cümlədən Rusiya ərazisində fəaliyyət göstərən amerikal iş adamlarının vəziyyətinin yaxşılaşdırılması yer ala bilər. Corciya ştatından olan sabiq konqresmen Cek Kinqston Rusiyada fəaliyyət göstərən amerikalı iş adamları ilə görüş üçün Moskvaya səfər edib. Onun səfər çərçivəsində keçirdiyi görüşlərdə əsas yeri Tramp administrasiyasının Rusiya sanksiyaları ilə bağlı siyasəti tutub. “Rusiyadakı amerikalı iş adamlarını bir çox məsələlər maraqlandırırdı. Lakin bu sualların ən önəmlisi sanksiyalarla bağlı idi” - deyə sabiq konqresmen “CNN” telekanalına bildirib. Trampın müşaviri deyib ki, yeni administrasiya prezident Barak Obamanın səhvlərini təkrar etməyəcək: “Həmin siyasətə xitam veriləcək və yeni siyasət həyata keçiriləcək. İndi biz artıq nəyə nail olduğumuzu və sonrakı fəaliyyətimiz baradə düşünməliyik. Mən Rusiyaya tətbiq edilən sanksiyaların arzuolunan nəticələrini müşahidə etməmişəm. ABŞ yalnız Rusiya ilə quracağı yaxşı iş mühiti qarışılığında Moskva ilə yaxşı əlaqə saxlamağa nail olacaq”. Kinqston Rusiyaya tətbiq edilən sanksiyaların “kifayət qədər uzun” çəkdiyini etiraf edib. Moskva səfərini qeyri-rəsmi səfər kimi dəyərləndirən Trampın köməkçisi bir daha təkrar edib ki, Tramp Obamanın xarici siyasətini davam etmək məcburiyyətində deyil: “Artıq iş görməyin, biznesin vaxtı çatıb”. Maraqlıdır ki, Cek Kinqstonun Moskva səfərində bir müddət əvvəl Tramp komandasının digər üzvü Karter Peyj də Rusiyaya səfər etmişdi. Səfər zamanı Peyj də Amerika biznesinin Rusiya bazarına qayıtmaqda maraqlı olduğunu və bu qadağalardan daha çox elə Qərbin əziyyət çəkdiyini etiraf etmişdi. Xatırlatmaq yerinə düşər ki, yeni seçilmiş prezident Donald Trampın mövqeyi ABŞ cəmiyyətində hələ də mübahisə obyekti olaraq qalmaqdadır. “Mən hələ də Rusiyaya qarşı sanksiyaların vacib olmadığını təbliğ edənlərin məqsədini anlaya bilmirəm” - deyə Cənubi Karolinadan olan senator Lindsi Qrem, “CNN” telekanalına verdiyi açıqlamada bildirib.
Ağasəf Babayev




 
Bölməyə aid digər xəbərlər
11.12.2018
Makron sükutu pozdu, “Sarı jilet”lər aksiyasının 5-ci aktına çağırış edildi
11.12.2018
Stokholmda Nobel mükafatı laureatlarının təltif edilməsi mərasimi olub
10.12.2018
Fransa XİN rəhbəri Trampı ölkənin daxili işlərinə qarışmamağa çağırıb
09.12.2018
Parisdə etiraz aksiyaları zamanı saxlanılanların sayı 1700 nəfəri ötüb
09.12.2018
İngiltərədə 130-a yaxın ictimai kitabxana bağlanıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10524

1 “Macarıstandakı Azərbaycan icmasının böyük əksəriyyətini gənclər təşkil edir”
2 Prezident İlham Əliyev Putinin dəvəti ilə Rusiyaya işgüzar səfərə gedib- YENİLƏNİB
3 Türkiyədə yeni Azərbaycan diaspor təşkilatı qeydiyyatdan keçib
4 “Özümü qərib ölkədə hiss etmədim”
5 Çin şirkəti Gəncədə 5 metallurgiya zavodu tikəcək


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info