Trampın Rusiya siyasətinə qarşı yeni plan hazırlanıb
Tarix: 20.12.2016 | Saat: 01:05:00 | E-mail | Çapa göndər


“Washington Post”:
“Makkeynin açıqlamaları Trampın Moskva ilə əməkdaşlıq planının konqresdə müqavimətlə üzləşdiyini göstərir”

“ABŞ artıq qlobal liderlik rolunu itirməkdədir. İkinci Dünya müharibəsindən sonra qurulan qlobal nizamın eroziya əlamətləri göz önündədir”. Bu fikirləri ABŞ Senatının Silahlı xidmətlər komitəsinin sədri Con Makkeyn CNN telekanalına verdiyi açıqlamada bildirib.
O, fikrini əsaslandırmaq üçün Suriyadakı vəziyyəti, Çinin ABŞ-ın Hərbi Dəniz Donanmasına məxsus pilotsuz sualtı qayığı ələ keçirməsini və son prezident seçkiləri zamanı ABŞ-ın siyasi qurumlarına iddia edilən kiber hücumları misal gətirib: “ABŞ-ın dünya liderliyindəki sarsılması artıq göz önündədir”. Xatırladaq ki, bir həftə əvvəl Makkeyn üç senatorla birlikdə MKİ-nin Rusiyanın ABŞ-dakı seçkilərə müdaxiləsi ilə bağlı köklü şəkildə yoxlama aparmaq üçün çağırış etmişdi. Bununla yanaşı, Makkeyn “Exxon Mobil”in keçmiş rəhbəri Reks Tillersonun ABŞ-ın yeni dövlət katibi təyin edilə biləcəyi barədə səsləndirilən fikirləri “dərin narahatlıq”la qarşılayıb. Makkeyn bunu Tillersonunu Rusiya ilə olan isti münasibətləri ilə əlaqələndirir. ABŞ-ın nüfuzlu “Washington Post” nəşri yazır ki, Makkeynin açıqlamaları Trampın Moskva ilə əməkdaşlıq planının konqresdə müqavimətlə üzləşdiyini göstərir. Makkeynin fikirlərinə başqa respublikaçı senator Lindsi Qrem də dəstək verib. “Washington Post” nəşrinin məlumatına görə, Con Makkeyn və Lindsi Qrem artıq Trampın Rusiya siyasətinə qarşı yeni plan üzərində işlərini başa çatdırıblar. Trampın andiçmə mərasiminə qədər Ukrayna, Gürcüstan və Estoniyaya səfər etmək niyyətində olan konqresmenlər bu ölkə liderlərinə Vaşinqtonun Moskva siyasətinin dəyişmədiyini təlqin etmək niyyətində olduqlarını bəyan edəcəklər. Rusiyanın qarşısını almaq üçün Avropadakı müttəfiqlərinə əlavə maliyyə dəstəyinin genişləndirilməsinə təkan verilməsi planlaşdırılır. Bundan əlavə, kiber hücumları ilə bağlı Moskvanın “cəzalandırılmasına” nail olmağa da çalışılacaq. “Washington Post”un iddiasına görə, başlayan döyüş Trampın xarici siyasəti dəyişmək sahəsində ilk test ola bilər.
Ağasəf Babayev




 
Bölməyə aid digər xəbərlər
16.01.2019
Britaniya deputatları “Brexit“ şərtlərinə dair sazişin əleyhinə səs veriblər
16.01.2019
Türkiyə ərazisində əlverişsiz hava şəraiti davam edir
15.01.2019
ABŞ səfirinin Almaniyadan çıxarılması tələb edilir
15.01.2019
Silahlı Qüvvələrin Baş Qərargah rəisi NATO toplantısında iştirak edəcək
15.01.2019
Türkiyə hərbçiləri batmaq təhlükəsində olan 40 qaçqını xilas ediblər

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10561

1 “Azərbaycan güclü ölkə kimi dünya miqyasında özünü təsdiqləyib”
2 Xocalı tarixi və mədəniyyəti
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycan Dövlət Pedaqoji Universitetində doktoranturaya və dissertanturaya qəbul başlanıb
5 Azərbaycanın qonşu ölkələrlə əlaqələri yüksək səviyyədədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info