ABŞ-da seçkilərin ikinci mərhələsi: Trampın qələbəsi təsdiqləndi
Tarix: 21.12.2016 | Saat: 00:24:00 | E-mail | Çapa göndər


ABŞ-da prezident seçkilərinin ikinci mərhələsi keçirilib. Bu mərhələdə Seçkiçilər Kollegiyasının nümayəndələri birbaşa seçkilərdə səs vermiş seçicilərin səslərini “təsdiqləyirlər”. Beləliklə, yeni seçilmiş prezident Tramp 538 seçici səsindən 304-nü toplayaraq ABŞ-ın 45-ci prezidenti olacaq (qalib gəlmək üçün 270 seçici səsi toplamaq zəruridir).
Bəzi ictimai qruplar seçkiçiləri Trampın əleyhinə səs verməyə vadar etmək üçün kampaniyalar başlayıblar, lakin bu kampaniyalar uğursuz olub. Əslində, Trampın qələbəsi ilk seçki günü-noyabrın 8-də təmin edilib. Formal xarakter daşıyan budəfəki səsvermədən əvvəl Trampın əleyhdarları ona qarşı geniş kampaniya aparırdılar. Lakin bütün bu cəhdlər uğursuzluqla sonuclanıb. Son formal səsvermədə 7 seçkiçi fikrini dəyişərək digər namizədə səs verib. Xatırladaq ki, buna bənzər hadisə 1836-cı ilə təsadüf edib. Həmin vaxt seçici kollegiyasının 23 üzvü sonradan mövqeyini dəyişib. Trampa qarşı “vəfasızlıq” edən kollegiya üzvünün seçimi nəticəyə təsir etməyib. Öz qələbəsini “demokratiyanın inamlı tarixi qələbəsi” kimi dəyərləndirən Donal Tramp, əminliklə, “bütün amerikalıların prezidenti” olacağına söz verib: “Biz bunu bacardıq. Mən, bütün tərəfdarlarıma minnətdarlığımı bildirirəm. Biz artıq rəsmi olaraq bu qələbəni əldə edə bildik”. Beləliklə, qalibin adı məktub vasitəsilə Senata göndərilib. Namizədin qələbəsi Konqresin yanvarın 6-da keçiriləcək iclasında təsdiqlənməlidir. Bundan sonrakı proses andiçmədir. Tramp yanvarın 20-də Vaşinqtonda keçiriləcək andiçmə mərasimindən sonra vəzifəsinin icrasına başlayacaq. Məlum olduğu kimi, ABŞ-da prezident seçkiləri iki mərhələdən ibarətdir. Birinci turda seçicilər öz namizədlərinə səs verirlər, lakin bu səslər ştatlardan olan seçicilərin xeyrinə hesablanır. Sonra, dekabr ayında həmin seçicilər təmsil etdikləri ştatların qərarlarına uyğun olaraq namizədə səs verirlər. Seçkilərdə qalib gəlmək üçün namizəd 270 seçkiçinin səsini toplamalıdır. Bir sıra ştatlarda və Kolumbiya dairəsində seçkiçilər birbaşa səsvermə mərhələsində qalib gəlmiş namizədə səs verməyə borcludurlar. On dörd ştatda isə seçkiçilər öz mülahizələrinə görə səs verə bilərlər. Seçkiçilər Kollegiyası ondan ötrü düşünülüb ki, əhalisi sıx olan Nyu-York, Kaliforniya və ya Texas kimi ştatlar bütün ölkənin əvəzindən seçkilərin nəticəsini həll edə bilməsinlər, çünki əks halda əhalisinin sayı az olan Montana, Vayominq və ya Şimali Dakota kimi ştatların seçicilərinin səslərinə etinasızlıq göstərilmiş olardı. Amerikada tətbiq edilən bu cür seçki formatı əhalinin əksəriyyəti tərəfindən azlığa münasibətdə “tiranlığın” qarşısını almağa yönəlib.
Ağasəf Babayev




 
Bölməyə aid digər xəbərlər
19.09.2018
USAİD Gürcüstanda iqtisadi islahatlar üçün 1,5 milyard dollar ayırıb
19.09.2018
Şimali və Cənubi Koreya arasında hərbi sahədə əməkdaşlıq müqaviləsi imzalanıb
18.09.2018
Çin ABŞ-dan idxal olunan 5200-dən çox məhsulun rüsumunu artırır
18.09.2018
ABŞ Cənubi Qafqazda sabitliyin və təhlükəsizliyin bərqərar olmasında maraqlıdır
18.09.2018
Rusiya təyyarəsi vuruldu,15 hərbçi həlak oldu

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10120

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Bu il sığorta bazarı 40 faizdən çox genişlənib, yığımlar artıb”
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Krivoy Roqdakı soydaşlarımız festivala hazırlaşırlar


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info