Naxçıvanda biotexniki tədbirlər davam etdirilir
Tarix: 21.12.2016 | Saat: 17:51:00 | E-mail | Çapa göndər


Naxçıvan Muxtar Respublikasında şaxtalı-qarlı qış günlərində faunanın qorunması istiqamətində ardıcıl tədbirlər görülür.
AZƏRTAC xəbər verir ki, muxtar respublikanın Ekologiya və Təbii Sərvətlər Nazirliyinin əməkdaşları muflonların və dağ keçilərinin daha çox məskunlaşdığı Culfa rayonunun Darıdağ ərazisində biotexniki tədbir keçiriblər. Əraziyə ot və daş duz dağıdılıb.
Qış aylarında muxtar respublikanın ərazilərinin qalın qarla örtülməsi qida təminatının azalmasına səbəb olur. Bu da heyvanların başqa ərazilərə miqrasiyasına, nəsil artımının azalmasına və sonda məhvinə gətirib çıxarır. Yem çatışmazlığı nəticəsində bəzi gəmirici heyvanlar istər qış, istərsə də yaz aylarında yem tapa bilmədiklərindən yeni əkilmiş fidanların, tinglərin gövdələri ilə qidalanaraq onları sıradan çıxarırlar. Bütün bunlar nəzərə alınaraq heyvanat aləminin qış fəslində qidaya olan tələbatının yaxşılaşdırılması məqsədilə muxtar respublikada biotexniki tədbirlərin həyata keçirilməsi diqqət mərkəzində saxlanılır. Bu tədbirlər müəyyən edilmiş təbiət ərazilərinə müxtəlif qida məhsullarının paylanmasını əhatə edir. Nəzərə alsaq ki, muxtar respublika ərazisindəki fauna ehtiyatlarının 25 faizdən çoxu Naxçıvan Muxtar Respublikasının “Qırmızı kitabı”na daxil edilib, onda bu tədbirin əhəmiyyəti daha da artır.
Bu il avqustun 28-də Naxçıvan Muxtar Respublikası Ali Məclisində 2015-2016-cı ilin payız-qış mövsümünə hazırlıq və qarşıda duran vəzifələrlə əlaqədar keçirilən müşavirədə muxtar respublikanın Ekologiya və Təbii Sərvətlər Nazirliyinə Naxçıvanın bitki və heyvanat aləminin qış aylarında qorunması üçün vaxtında müvafiq tədbirlərin görülməsi barədə xüsusi tapşırıqlar verilib. Bununla əlaqədar olaraq ötən dövrdə nazirlik tərəfindən lazımi hazırlıq işləri görülüb.

Mahmud




 
Bölməyə aid digər xəbərlər
24.01.2019
Qazaxda Daş Salahlı-Ürkməzli-Dəmirçilər avtomobil yolu yenidən qurulur
23.01.2019
Qobustan qəsəbəsinin problemləri həll edilir
23.01.2019
Qazaxda uşaq bağçası əsaslı təmirdən sonra balacaların ixtiyarına verilib
23.01.2019
Gəncədə müasir tipli iki yeni qəsəbə salınacaq
23.01.2019
Nəsimi rayonu 2 saylı sahə inzibati ərazi dairəsi üzrə nümayəndəliyində ilin yekunları

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10566

1 “Mənim güc mənbəyim Bakıdadır”
2 Mehman Hüseynov Prezident İlham Əliyevə müraciət ünvanlayıb
3 “Yenisafak.com”: “Star” NEZ “Ən yaxşı maliyyə layihəsi idarəçiliyi” mükafatına layiq görülüb”
4 Əli Abdalov Mehman Hüseynovla barışıb
5 Sədərək uğrunda gedən qeyri-bərabər döyüşdə yurd sevgisi qalib gəldi


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info