Muxtar respublikada muzey bələdçiləri üçün seminar-treninqlər davam etdirilir
Tarix: 21.12.2016 | Saat: 21:19:00 | E-mail | Çapa göndər


Naxçıvan şəhərində yerləşən “Naxçıvanqala” Tarix-Memarlıq Muzey Kompleksində muzey bələdçiləri üçün keçirilən seminar-treninqdə bələdçilərin davranış qaydaları barədə ətraflı söhbət açılıb.
AZƏRTAC xəbər verir ki, tədbirin məqsədi muzey bələdçilərinin fəaliyyətini stimullaşdırmaq, onların peşə hazırlığını yüksəltmək, ekskursiya işinin təşkili ilə əlaqədar mövcud nöqsan və çatışmazlıqları aradan qaldırmaq, eyni zamanda, muzeylər arasında qarşılıqlı əlaqələrin inkişafına kömək göstərməkdən ibarətdir.
Naxçıvan Muxtar Respublikası Mədəniyyət və Turizm Nazirliyinin mədəni irs və muzey işi üzrə baş məsləhətçisi Qumral Məmiyeva qeyd edib ki, seminar-treninqlər ötən ildən başlayaraq muxtar respublikanın müxtəlif bölgələrində fəaliyyət göstərən muzeylərdə keçirilir. Bu tədbirlər muzey bələdçilərinin nəzəri biliklərinin artırılmasına müsbət təsir göstərir.
Tədbir iştirakçıları muzeyin ekspozisiyası ilə tanış olduqdan sonra onlara bələdçi mətninə və bələdçinin etik davranış qaydalarına dair metodik tövsiyələr verilib.
Qeyd edək ki, bu ilin yanvar-noyabr aylarında muxtar respublikaya 368 min 845 nəfər turist gəlib. Bu da 2015-ci ilin müvafiq dövründəki göstəricidən 4,9 faiz və ya 17 min 248 nəfər çoxdur. Qədim diyara turist axınının artması mədəniyyət müəssisələrinin fəaliyyətini daha da yaxşılaşdırmasını və iş prinsiplərinin müasir dövrün tələbləri çərçivəsində qurulmasını gündəmə gətirir. Muzey bələdçiləri üçün keçirilən seminar-treninqlər bu istiqamətdə görülən tədbirlərin tərkib hissəsidir.

Mahmud




 
Bölməyə aid digər xəbərlər
18.11.2018
Ölkəmizin on şəhər və rayonunun məktəbliləri Lənkərana gəliblər
17.11.2018
Naxçıvan Qarnizonu qoşunlarında keçirilən növbəti snayper hazırlığı kursu uğurla başa çatıb
16.11.2018
Rəsulzadə bələdiyyəsində “Strateji Yol Xəritəsi” müzakirə olunub
15.11.2018
Daxili orqanında narkotik vasitə keçirmək istədi
15.11.2018
AAYDA 100 illik yubileyi ilə əlaqədar qanvermə aksiyası təşkil edib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10500

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info