Marin Le Pen Avropa Birliyini dağıtmağı vəd edir
Tarix: 23.12.2016 | Saat: 00:28:00 | E-mail | Çapa göndər


“Prezident seçiləcəyim halda Franasada Avropa Birliyindən çıxmaqla bağlı referendum keçiriləcək”

"Milli Cəbhə" partiyasının rəhbəri Marin Le Pen Fransada keçiriləcək prezident seçkilərində qalib gələcəyi təqdirdə, ölkədə Avropa Birliyindən çıxmaqla bağlı referendum keçirəcəyi vədini verib.
“RİA Novosti” saytına danışan Le Pen bu addımı prezidentliyinin ilk altı ayı ərzində reallaşdıracağına söz verib: “Mən fransızlara söz verirəm- seçiləcəyim təqdirdə, ilk səfərimi Brüsselə edərək ölkəmin suverenliyinin qaytarılması ilə bağlı danışıqlar aparacağam”. Cəbhə liderinin fikrincə, Brüssel bu danışıqlarda güzəştə getməyəcəyi və danışıqlar heç bir nəticə verməyəcəyi təqdirdə Fransa Avropa Birliyini tərk edəcək. Le Pen ona da əmindir ki, Fransanın Avropa Birliyini tərk edəcəyi təqdirdə, birliyik dağılacaq. Maraqlı nüanslardan biri də prezident olmağa iddialı xanımın Rusiya ilə bağlı planlarıdır.

“Fransızlara söz verirəm - seçiləcəyim təqdirdə, ilk səfərimi Brüsselə edərək ölkəmin suverenliyinin qaytarılması ilə bağlı danışıqlar aparacağam”

O, prezident seçiləcəyi təqdirdə Moskva ilə münasibətlər qurmaq və bu ölkəyə qarşı tətbiq edilmiş qadağaların aradan götürülməsinin tərəfdarı kimi çıxış edib. Siyasətçi xanım belə bir addım atılmasının Fransa iqtisadiyyatı üçün də effektli olacağını nəzərə çatdırıb. Bir daha xatırladaq ki, Fransada prezident seçkiləri gələn ilin yazında keçiriləcək. Sorğulara görə, seçkilərdə ikinci tura böyük ehtimalla Le Penlə sabiq baş nazir Fransua Fiyon keçəcək. Qeyd edək ki, Fransada Rusiya ilə münasibətlərin nizamlanmasına tərəfdar olan siyasətçilərin sayı artmaqdadır. Fransanın daha bir sabiq baş naziri Dominik de Vilpen də həmin siyasətçilərin sırasına qoşularaq Moskva ilə həmrəyliyə çağırış edib. Vilpen Fransa diplomatiyasının münaqişələrin həllində çeviklik nümayiş etdirməsini təklif edib. O, hesab edir ki, bunun üçün Rusiya ilə fəal əməkdaşlıq etmək vacibdir: “Fransa hökuməti bildirir ki, Rusiya ilə münasibət qurmaq üçün dialoq və sərtlik lazımdır. Lakin siyasətdə sadəcə dialoq və ya sərtlik səmərəsizdir. Fəallıq nümayiş etdirmək, Rusiyanı maraqlandıracaq təşəbbüslər irəli sürmək lazımdır. Ancaq mənəvi prinsiplərin girovuna çevrilən diplomatiyamız yerində sayır”. Suriya münaqişəsinin həllinə toxunan Dominik de Vilpen Moskvanın mu məsələdə Ankara və Tehranla sıx əməkdaşlıq etməsinə diqqət çəkib.
Ağasəf Babayev




 
Bölməyə aid digər xəbərlər
16.01.2019
Nikola Sturgeon: Brexitlə bağlı yeni referendumun keçirilməsi vacibdir
14.01.2019
“Azərbaycan hər ili əvvəlki ildən daha möhtəşəm uğurlara imza atır”
13.01.2019
Prezident Ermənistandakı böyük problemlərin məhz Sarkisyan rejiminin mahiyyətindən irəli gəldiyini təkzibolunmaz faktlarla sübut etdi
13.01.2019
2019-cu ilin “Nəsimi ili” elan edilməsi Nəsimi ideyaları əsasında azərbaycançılıq təfəkkürünün inkişaf etdirilməsi baxımından çox mühümdür
13.01.2019
Azərbaycanın uğurlu siyasəti Ermənistanın kriminal xunta rejiminin mahiyyətini açıb ortaya qoydu

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10562

1 Xocalı tarixi və mədəniyyəti
2 Ukraynada oxucuların rəğbətini qazanan azərbaycanlı yazıçı
3 Struktur dəyişiklikləri dövlət idarəçiliyinin təkmilləşdirilməsini nəzərdə tutur
4 Azərbaycanın qonşu ölkələrlə əlaqələri yüksək səviyyədədir
5 Çingiz Bayramov: “Azərbaycan bölgənin inkişaf etmiş ölkəsinə çevrilib”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info