Humanist pedaqogika üzrə II beynəlxalq konfrans-seminar davam edir
Tarix: 23.12.2016 | Saat: 19:17:00 | E-mail | Çapa göndər


Azərbaycan Dövlət Pedaqoji Universitetinin (ADPU), ADPU-nun nəzdində Azərbaycan Dövlət Pedaqoji Kollecinin (ADPK) və Respublika Humanist Pedaqogika Mərkəzinin (RHPM) birgə təşkilatçılığı ilə Humanist pedaqogika üzrə “Təhsildə mənəvi-əxlaqi dəyərlər: harmonik şəxsiyyətin inkişafı” mövzusunda keçirilən II beynəlxalq konfrans-seminar öz işini uğurla davam etdirir. Qeyd edək ki, II beynəlxalq konfrans-seminar çərçivəsində dekabrın 23-də Gürcüstan Beynəlxalq Humanist Pedaqogika Mərkəzinin prezidenti, psixoloq Paata Amonaşvilinin təqdimatı keçirilib. Təqdimatda ADPU-nun rəhbərliyi, konfrans-seminarın iştirakçıları,universitetin professor-müəllimləri, tələbələri iştirak ediblər.
Təqdimatını əsasən müasir pedaqogikanın əfsanəsi, psixologiya elmləri doktoru, professor, Rusiya Təhsil Akademiyasının akademiki, Beynəlxalq Humanist Pedaqogika Assosiasiyasının prezidenti, yazıçı Şalva Amonaşvilinin Humanist pedaqogika sahəsindəki elmi fikirləri üzərində quran Paata Amonaşvili uşaqların təlim-tərbiyə və onların daxili mənəvi dünyalarının formalaşması məsələlərindən danışıb. Bildirib ki, həyatda hər kəsin xoşbəxtliyə münasibəti, yanaşması fərqlidir. Kimisi xoşbəxtliyi var-dövlətdə, zənginlikdə, təmtəraqlı həyat tərzində görür, kimisi isə mənəvi dəyərlər əsasında yaşamaqda, fəaliyyət göstərməyə üstünlük verir. Uşaqlar böyük və sərhədsiz enerjiyə malikdirlər. Böyük və hüdudsuz enerji isə yaradıcılığın təminatçısıdır. Uşağın daxili aləmini düzgün anlamaq, onun enerjisini, istedad və bacarığını düzgün istiqamətləndirmək lazımdır. Uşağa həm sərbəstlik vermək, eyni zamanda nəzarət edərək təhlükələrdən qorumaq vacibdir. Ailədə, məktəbdə təlim-tərbiyə prosesində uşaqlara daha çox mənəvi dəyərləri, humanist ideyaları aşılamaq lazımdır. Uşaqları daxili mənəvi rahatlığın hər şeydən üstün olduğuna inandırmaq lazımdır. Bunun üçün onları maddi yox, mənəvi dəyərlərin daha lazımlı, daha faydalı olmasına inandırmaq əsas şərtdir. Belə bir müdrik ifadə var: xoşbəxtlik- insanın daxili mənəvi sakitliyidir. Uşaqları insanlığın xoşbəxtliyi naminə çalışmağa sövq etməyə ruhlandırmaq, onları bu ruhda tərbiyə etmək, müqəddəs ümumbəşəri ideallara xidmət etməyə yönəltmək müəllimin qarşısında dayanan əsas vəzifələrdən biridir.
Dialoq və fikir mübadiləsi şəraitində keçən təqdimatda iştirakçıların sualları cavablandırılıb.

Nigar




 
Bölməyə aid digər xəbərlər
20.09.2018
Azərbaycanın milli qəhrəmanları haqqında ingilis dilində məqalələr hazırlanıb
20.09.2018
“Azərbaycanda din-dövlət münasibətləri yüksək səviyyədədir”
20.09.2018
AXDG daha üç dənizçini beynəlxalq şirkətin gəmilərində təcrübəyə göndərir
20.09.2018
“Qanvermə aksiyalarının təşkili dini ənənələrə humanist bir töhfədir”
19.09.2018
Gəncənin Qazaxlar və Balabağman məscidləri təmir edilib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info