“Güzəştli limitlərin artırılması sosial təminat baxımından müsbət haldır”
Tarix: 24.12.2016 | Saat: 01:13:00 | E-mail | Çapa göndər


“Elektrik enerjisi və təbii qazın istifadəsində tətbiq olunan güzəştli limitlərin artırılması sosial təminat və xüsusən də aztəminatlı ailələrin xərclərinin azaldılması baxımından müsbət haldır”. Bunu İqtisadi və Sosial İnkişaf Mərkəzinin sədri Vüqar Bayramov Tarif Şurasının elektrik enerjisi və təbii qazın istifadəsində tətbiq olunan güzəştli limitin artırılması ilə bağlı son qərarını şərh edərək deyib. Ekspert hesab edir ki, son dəyişikliklər sosial xarakterli mühüm bir addımdır. Nəticə etibarı ilə limitlərin artırılması əvvəlki qiymətlərlə istifadə edilən həm elektrik enerjisi, həm də mavi qazın həcminin artmasına xidmət edir: “Sözsüz ki, vətəndaşlar köhnə qiymətlərlə əvvəlki tariflərə nisbətən müqayisəli olaraq daha çox elektrik enerjisi və qazdan istifadə edə bilirlər. Yəni limitlərin artırılması imkan verəcək ki, artırılmayan tariflər ilə daha çox həm elektrik enerjisi, həm də mavi qaz istehlak etmək mümkün olsun. Bu baxımdan Prezidentin təşəbbüsü ilə reallaşdırılan bu addım sosial təşəbbüsdür və birbaşa sosial məqsədlərə xidmət edir. Digər tərəfdən, limitlərin artırılması kommunal xidmətlərdən istifadə edənlərin dairəsini genişləndirir. Limitlərin artırılması nəticə etibarı ilə daha çox ailələrin güzəştlı limitlərdən istifadə etməsinə imkan verir. Bu baxımdan, yeni qaydalar sözügedən kommunal xidmətlərə görə köhnə, yəni aşağı tariflər ilə istifadə edənlərin sayının çoxalmasına və eləcə də, diferensial sistemdən faydalananların ümumi abonentlərin payında faizinin artmasına səbəb olacaq”. V.Bayramov diqqətə çatdırıb ki, son dəyişiklikləri tətbiq olunan diferensial sistemin təkmilləşdirilməsinin ilkin mərhələsi kimi xarakterizə etmək olar. Buna görə də limitlərin artırılması həmin diferensial sistemin təkmilləşdirilməsi baxımından ilkin addım kimi qiymətləndirilməlidir. Bu isə Azərbaycanda tətbiq edilən sosial diferensial sistemin mərhələli şəkildə gələcəkdə hədəflərə tam uyğunlaşdırılmasına gətirib çıxara bilər. Eyni zamanda, ölkənin iqtisadi inkişaf prioritetlərinə uyğun olaraq, xüsusən də sənaye sektorunda diferensial sistemin tətbiq edilməsini də gündəmə gətirir.




 
Bölməyə aid digər xəbərlər
15.11.2018
Çavuşoğlu: “Star” neft emalı zavodu ilə Azərbaycan Türkiyədə ən böyük investor oldu”
15.11.2018
Bu gün Azərbaycan elminin əsas problemi – alimlərin məvaciblərinin aşağı olmasıdır
14.11.2018
Davamli dil siyasəti dövlətin əsas prioritet istiqaməti kimi
13.11.2018
“Ölkəmizdə elə bir sahə yoxdur ki, orada qadınlar təmsil olunmasınlar”
13.11.2018
Marko Alvera: TAP-ın inşası 2020-ci ildə başa çatacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10482

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info