Mühəndis istilikxana və heyvandarlıq komplekslərinin qızdırılması üçün sərfəli üsul təklif edir
Tarix: 28.12.2016 | Saat: 18:28:00 | E-mail | Çapa göndər


Rusiya Varonej Texnologiyalar İnstitutunda mühəndis-texnoloq ixtisasına yiyələnən Akif Həsənov yardımçı təsərrüfatları, istilikxana və heyvandarlıq komplekslərini istiliklə necə təmin etmək haqqında düşünür.
Akif Həsənov bu məqsədlə minimum yanacaqla istiliyi uzun müddət təmin edə biləcək soba düzəldib. O, hazırladığı sobanın effektivliyini AZƏRTAC-ın əməkdaşlarının iştirakı ilə nümayiş etdirib.
Mühəndis-texnoloqun sözlərinə görə, bu sobadan əsasən kənd təsərrüfatında və məişətdə istifadə etmək mümkündür. Belə ki, hazırda bir çox istilikxanaların və ya heyvandarlıq komplekslərinin, yaxud kənd yerlərində evlərin qızdırılmasında təbii qazdan, ya da odun sobasından istifadə olunur. Bu, izafi xərclərə səbəb olur, xüsusən fermer təsərrüfatlarında məhsulun qiymətinə təsir göstərir.
Düzəltdiyi sobanın səmərəliliyinin ənənəvi odun sobasından 5 dəfə çox olduğunu, daha asan və ucuz başa gəldiyini söyləyən Akif Həsənov deyib: “Bu sobada yanma prosesi fərqlidir. Belə ki, əgər ənənəvi sobalarda yanacaq oksigenlə alt hissədən təmasda olursa, burada əksinə, oksigen üst hissədən daxil olur və yanma prosesini uzadır. Ənənəvi sobada yanma zamanı yaranmış qazlar hava ilə birlikdə sovrulur. Burada isə həmin qazlar içəridə qalaraq, yanma prosesində iştirak edir. Həmçinin istiliyi vəziyyətə uyğun olaraq tənzimləmək də mümkündür”.
Bu sobada istənilən bərk yanacaqdan - daş kömürdən, ağac qırıntılarından, taxta yonqarından, gərmədən istifadə etmək olar. “Əgər adi soba bir dəfə doldurulduqda 2-3 saata yanıb qurtarırsa, bu sobada eyni miqdarda yanacaq minimum 12 saat yanır”, - deyə Akif Həsənov bildirib.
Hələlik mühəndis-texnoloqun təqdim etdiyi soba kustar üsulla hazırlanıb və onun təkmilləşdirilməsinə ehtiyac var.


Mahmud




 
Bölməyə aid digər xəbərlər
18.11.2018
Azərbaycan və Belarus “Şimal-Cənub“ layihəsi çərçivəsində saziş imzalayıblar
18.11.2018
İsveçrə Azərbaycan iqtisadiyyatına 850 milyon dollardan çox investisiya yerləşdirib
17.11.2018
On ayda neft sektoruna 5 milyard manatadək vəsait yönəldilib
17.11.2018
Azərbaycanda 32,2 milyon ton neft və 15,5 milyard kubmetr əmtəəlik qaz çıxarılıb
17.11.2018
Azərbaycan nefti bahalaşıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10498

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info