“Ermənistan Azərbaycan torpaqlarını işğal altında saxlamaqla hələ də uduzur”
Tarix: 28.12.2016 | Saat: 20:05:00 | E-mail | Çapa göndər


“Bəzi beynəlxalq təşkilatlar çalışırlar ki, Dağlıq Qarabağ münaqişəsini dondursunlar”.
Bunu Baş nazirin müavini, Qaçqın və Məcburi Köçkünlərin İşləri üzrə Dövlət Komitəsinin sədri Əli Həsənov Azərbaycanda Ombudsman təsisatının yaradılmasının 15 illiyinə həsr olunmuş “Multikulturalizm və insan hüquqları: bərabərlik, əməkdaşlıq, inkişaf” mövzusunda konfransda çıxışı zaman deyib.
Ə.Həsənov qeyd edib ki, ancaq Azərbaycan dövləti heç zaman buna yol verməyəcək:
“Bu məsələ həllini tapmayınca, işğalçı Ermənistan ordusu Azərbaycan torpaqlarını tərk etməyincə və o torpaqlardan didərgin salınmış insanlar doğma yurdlarına qayıtmayınca, biz dayanmayacağıq, bu məsələni daim diqqətdə saxlayacağıq”.
Baş nazirin müavini bildirib ki, 1988-ci ildən başlayaraq Ermənistanın Azərbaycana qarşı təcavüzü ölkəmizdə 1 milyondan artıq qaçqın və məcburi köçkünün yaranması ilə nəticələndi:
“Bu gün isə qaçqın və məcburi köçkünlərin sayı 1 milyon 200 mindən artıqdır. 1988-ci ildən insanlarımızın hüquqları pozulub və 25 ildən artıqdır ki, bərpa olunmur”.
Ə.Həsənov deyib ki, son hesablamalara görə Ermənistanın Azərbaycana təcavüzü nəticəsində ölkəmizə 600 milyard dollardan artıq zərər dəyib.
Baş nazirin müavini bildirib ki, BMT və digər beynəlxalq təşkilatlar münaqişənin həlli ilə bağlı qərar və qətnamələr qəbul edib, lakin bu günə qədər bu münaqişə həllini tapmayıb:
"Azərbaycan həmişə beynəlxalq təşkilatların qərarlarına hörmətlə yanaşıb, ancaq bizə qarşı belə ayrıseçkilik mövcuddur. Bu dərəcədə ədalətsizlik, qeyri-bərabər yanaşma olmaz. Bunun sonu olacaq, dünya bu ədalətsizliyə dözməyəcək. Ermənsitan Azərbaycan torpaqlarını işğal etməklə nə əldə edib?"
Ə.Həsənov bildirib ki, Azərbaycan regionun lider ölkəsinə çevrilib: “Ermənistanda nə var? Ermənistanda artıq başqa millətlərin nümayəndələri yaşamır, bu halda ölkə necə inkişaf edə bilər? Ermənistan işğalçılıq siyasəti nəticəsində bütün layihələrdən kənarda qalıb. Əgər Dağlıq Qarabağ münaqişəsi olmasaydı, Ermənistan da iqtisadi baxımdan layihələrdən bəhrələnərdi. Ermənistan Azərbaycan torpaqlarını işğal altında saxlamaqla hələ də uduzur. Azərbaycan istədiyi vaxt torpaqlarını işğaldan azad edə bilər. Aprel döyüşlərində də aydın oldu ki, Azərbaycan istənilən an öz torpaqlarını işğaldan azad edə bilər”.
Tural




 
Bölməyə aid digər xəbərlər
22.09.2018
İsveçrə və Azərbaycan arasında çox yaxşı əlaqələr mövcuddur
21.09.2018
Yıldırım: “Azərbaycanı vətənim kimi qəbul edirəm“
21.09.2018
Ombudsman: “Yalnız müharibənin acısını yaşamış xalqlar sülhün dəyərini bilir”
21.09.2018
Binəli Yıldırım: Azərbaycanın qazandığı uğurlarda parlamentin böyük rolu var
21.09.2018
Türkiyə Böyük Millət Məclisinin sədri Azərbaycanda səfərdədir

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10129

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info