Rusiyaya yeni sanksiya təhdidi
Tarix: 30.12.2016 | Saat: 00:40:00 | E-mail | Çapa göndər


Karter Peyc sanksiyaya çağıran Makkeynə məktub yazıb: “Rusiyaya yeni yanaşmaya mane ola biləcək istənilən cəhd Birləşmiş Ştatların milli təhlükəsizliyinə zərbədir. Amerikalılar uğursuz müdaxilə siyasətindən yorulublar”

Son günlər ABŞ-ın Rusiyaya yeni sanksiya tətbiq edəcəyi ilə bağlı ardıcıl şəkildə informasiyalar yayılır. Obama administrasiyasına yaxın olan şəxslər tərəfindən bu məsələ ilə bağlı müxtəlif xəbərlər yayılır. Bir çox konqresmen iddia edir ki, yaxın günlərdə Obama kiberhücumlar və Rusiyanın ABŞ-da keçirilən prezident seçkilərinə müdaxiləsi ilə bağlı yeni sanksiyalar elan edəcək.
Hətta Respublikaçılar partiyasının nüfuzlu şəxsləri Makkeyn və Lindsi Qrem də sanksiya tətbiq edilməsinin vacibliyini elan ediblər. Hələlik sanksiya məsələsinin nə dərəcədə doğru olması və hansı məsələləri əhatə edəcəyi bəlli deyil. Maraqlıdır ki, Rusiya dövlət başçısının məsləhətçisi Klimenko dünən “RT”-yə açıqlamasında deyib ki, Rusiya dünya internet şəbəkəsindən ayrılmağa hazır olmalıdır. O qeyd edib ki, belə bir təhlükə var və Qərblə münasibət bir qədər də kəskinləşərsə, bu vəziyyətlə qarşılaşa bilərlər. Klimenko internetin Rusiya seqmentinin nizamlanması istiqamətində dəyişiklik etməyin vacib olduğunu dilə gətirib. Makkeyn Rusiyanın seçkiyə müdaxiləsini araşdırmaq üçün xüsusi qrup yaradılması və bununla bağlı dinləmə keçirilməsi təklifi ilə çıxış edib. Belə görünür ki, bu məsələ ABŞ siyasətində ciddi yer tutmağa başlayıb.

Tramp məsələyə münasibət açıqlayıb: “Mənə elə gəlir ki, biz öz həyatımızla məşğul olsaq, daha yaxşıdır”



Yeni seçilən dövlət başçısı Trampın Rusiya ilə bağlı açıqlamaları bir çox siyasi dairələrdə narahatlıqla qarşılanır. Makkeyinin bu təklifindən sonra Trampın seçki qərargahında məsləhətçi olmuş Karter Peyc prosesə qoşulub. Peyc Makkeynə məktubla müraciət edib. Məktubda qeyd edilir ki, Rusiyaya yeni yanaşmaya mane ola biləcək istənilən cəhd Birləşmiş Ştatların milli təhlükəsizliyinə zərbədir: “Konqresmenlərin Moskva ilə münasibətlərin nizamlanması yolunda yaradacağı istənilən maneələr milli təhlükəsizliyə zərbə riski yaratmaqla yanaşı, hərbi qulluqçularımızın həyatına təhlükə olacaq”. Peyc qeyd edib ki, amerikalılar uğursuz müdaxilə siyasətindən yorulublar. Rusiyaya yeni sanksiya tətbiq edilməsi məsələsinə, nəhayət ki, Tramp özü də münasibət açıqlayıb. ABŞ-ın yeni seçilən dövlət başçısı kiberhücumlarla bağlı Rusiyaya yeni sanksiya tətbiq olunması ilə bağlı ona ünvanlanan suala belə cavab verib: “Mənə elə gəlir ki, biz öz həyatımızla, işimizlə məşğul olsaq, daha yaxşıdır. Düşünürəm ki, kompüterlər bizim həyatımızı çətinləşdirib. Kompüter epoxası bizi elə yerə gətirib çıxarıb ki, kimsə, nə olduğunu anlaya bilmir”. Floridadakı villasında jurnalistlərin suallarını cavablandıran Tramp qeyd edib ki, Lindsi Qremin Rusiyanın guya seçkiyə müdaxiləsi ilə bağlı yeni sanksiyaya məruz qalacağı şərhindən xəbərsizdir.
Anar




 
Bölməyə aid digər xəbərlər
21.07.2019
ABŞ-ın dövlət katibi Türkiyəyə “S-400“ sazişindən məyusluğunu bildirib
20.07.2019
İstanbulda keçirilən əməliyyat zamanı 217 cinayətkar saxlanılıb
20.07.2019
ABŞ-da isti hava altı nəfərin ölümünə səbəb olub
20.07.2019
23 avqustda İran enerji birjasında neft satacaq
20.07.2019
Ərbildə türkiyəli diplomatı qətlə yetirən terrorçu dəstənin başçısı tutulub

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info