ADPU ilə LDU arasında əməkdaşlıq haqqında müqavilə imzalanıb
Tarix: 30.12.2016 | Saat: 17:48:00 | E-mail | Çapa göndər


Azərbaycanın ali təhsil sistemində xüsusi yeri və mövqeyi olan Azərbaycan Dövlət Pedaqoji Universitetinin (ADPU) fəaliyyətinin əsas istiqamətlərindən biri respublikamızın və xarici ölkələrin ali təhsil müəssisələri ilə sıx əməkdaşlıq əlaqələrinin yaradılması və beynəlxalq əlaqələrin miqyasının genişləndirilməsidir. Bu baxımdan dekabr ayının 30-da ADPU-nun rektoru, professor Cəfər Cəfərovun və Lənkəran Dövlət Universitetinin (LDU) rektoru vəzifəsini icra edən, professor Natiq İbrahimovun iki universitet arasında əməkdaşlıq haqqında müqavilə imzalamaları bu vacib istiqamətdə atılan növbəti uğurlu addımlardan biri kimi qiymətləndirilir. Məlumat üçün bildirək ki, ADPU və LDU imzalanmış müqavilə əsasında və öz səlahiyyətləri çərçivəsində mövcud qanunvericiliyə uyğun olaraq qarşılıqlı əməkdaşlığı həyata keçirəcəklər. İmzalanmış müqavilədə ADPU-nun “Kimya və biologiya müəllimliyi” və “İbtidai sinif müəllimliyi” ixtisasları üzrə mütəxəssis hazırlığını həyata keçirmək üçün ADPU-da tərtib olunmuş tədris planlarını və müvafiq fənn proqramlarını LDU-ya verməsi, eyni zamanda ADPU-nun professor-müəllim heyətinin LDU-da həmin ixtisaslar üzrə keçirilən aralıq və yekun dövlət imtahanlarında iştirakına şərait yaratması və LDU-nun adıcəkilən ixtisaslar üzrə müvafiq məzunlarına qanunvericilikdə nəzərdə tutulmuş qaydada ikili diplomların verilməsi istiqamətində işlər aparması nəzərdə tutulmuşdur. Müqavilədə LDU-nun da öz növbəsində bu ixtisaslar üzrə mütəxəssis hazırlığını ADPU-nun tədris planları və müvafiq fənn proqramları əsasında aparması, həmin ixtisaslar üzrə keçirilən aralıq və yekun attestasiyalarda ADPU-nun professor-muəllim heyətinin iştirakını təmin etməsi, LDU-da qeyd olunan ixtisaslar üzrə təhsil alan tələbələrin bir semestr ADPU–də təhsil almasına səy göstərməsi və həmin ixtisaslar üzrə LDU-nun müvafiq məzunlarına qanunvericilikdə nəzərdə tutulmuş qaydada ikili diplomların verilməsi istiqamətində işlər aparması öz əksini tapmışdır.
ADPU-nun rektoru, professor Cəfər Cəfərov və LDU-nun rektoru vəzifəsini icra edən, professor Natiq İbrahimov iki ali təhsil müəssisəsi arasında əməkdaşlıq haqqında müqavilənin bağlanılmasından məmnun qaldıqlarını bildirərək, bu əməkdaşlığın hər iki tərəf üçün faydalı olacağına inamlarını ifadə ediblər.




 
Bölməyə aid digər xəbərlər
15.02.2019
Ədliyyə naziri Xaçmazda vətəndaşları qəbul edib
15.02.2019
Алексей Ретеюм: “Дизайн Баку поражает. Москве есть чему поучиться“
15.02.2019
Masallıda təqdimat: “Bizim tanıdığımız Elmira...”
15.02.2019
Masallıda “Xocalı faciəsi qan yaddaşımızdır” mövzusunda inşa müsabiqəsi keçirilib
15.02.2019
Səfir: “Azərbaycanda tolerantlığın yüksək səviyyədə olmasını bütün dünya etiraf edir”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Tural Tağıyev
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10598

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
3 Prezident İlham Əliyevin Real televiziyasına müsahibəsi (Yenilənib)
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info