Parlament Hesablama Palatasının illik hesabatını qəbul etdi
Tarix: 06.04.2013 | Saat: 01:00:00 | E-mail | Çapa göndər


Milli Məclisin dünən keçiirlən iclasında millət vəkilləri müzakirələrdən sonra Hesablama Palatasının illik hesabatını qəbul etdi.
Müzakirələrdən sonra palata sədri Heydər Əsədov deputatların irad və təkliflərinə cavab bildirdi ki, deputatlar Hesablama Palatasının fəaliyyətinə dair məsələlərə peşəkar şəkildə yanaşırlar: “Mən çıxışımda nağd və köçürmə yolu ilə bağlı maliyyənin qaytarılmasından danışdım, vergilər vasitəsilə qaytarılan vəsaitdən danışmadım. Bu, 10 milyondan çoxdur. Bizim təqdimatımız əsasında Səhiyyə Nazirliyində mindən artıq çarpayı ixtisar edilib. Bu isə nə qədər vəsaitin xərclənməsinin qarşısını almaq deməkdir”.
Qeyd edək ki, hesabat səsə qoyularaq 103 lehinə, 2 nəfər əleyhinə olmaqla qəbul edildi.
Dünənki iclasda nəqliyyat vasitələrinin texniki baxışdan keçirilməsi qaydalarına dəyişikliklər müzakirəyə çıxarıldı. Bununla bağlı “Yol hərəkəti haqqında” qanuna dəyişiklik təklif olundu.
Layihə barədə məlumat verən Hüquq siyasəti və dövlət quruculuğu komitəsinin sədri Əli Hüseynli dedi ki, dəyişikliklərə əsasən, tramvay və trolleybuslara, traktorlara, həmçinin meşə və kənd təsərrüfatında istifadə edilən digər mexaniki nəqliyyat vasitələrinə, hüquqi və fiziki şəxslərin ümumi istifadədə olan küçə-yol şəbəkəsində istismar üçün nəzərdə tutulmayan texnoloji nəqliyyat vasitələrinə, mühərrikinin işçi həcmi 50 kub/sm-dən az və konstruktiv maksimal sürəti saatda 50 kilometr və daha az olan digər mexaniki nəqliyyat vasitələrinə, hüquqi və fiziki şəxslərin yarış məqsədli idman nəqliyyat vasitələrinə və avtobuslara, icazə verilən maksimum kütləsi 3,5 tondan artıq olan yük avtonəqliyyat vasitələrinə, təhlükəli yüklərin daşınması üçün xüsusi təyinatlı texniki təhlükəsizlik üzrə uyğunluq sertifikatı olan nəqliyyat vasitələrinə texniki baxış ildə bir dəfə keçirilir. Bu nəqliyyat vasitələri istehsal olunduğu vaxtdan bir il müddətində texniki baxışdan keçirilməyəcək.
Hüquqi və fiziki şəxslərə məxsus olan (Silahlı Qüvvələrdən və digər birləşmələrdən başqa) və mühərrikinin işçi həcmi 50 kub/sm və daha çox, konstruktiv maksimal sürəti saatda 50 kilometrdən artıq olan bütün tipli, markalı və modelli mexaniki nəqliyyat vasitələrinin, onların qoşqularının və yarımqoşqularının istehsal olunduqları vaxtdan dörd il keçdikdə - iki ildə bir dəfə, istehsal olunduqları vaxtdan on il keçdikdə ildə bir dəfə texniki baxışdan keçirilməsi təklif olunur. Bu nəqliyyat vasitələrinin istehsal olunduğu vaxtdan dörd il müddətində texniki baxışdan keçirilməməsi təklif olunur. Layihə səsvermədə qəbul olundu.
Dünən İnzibati Xətalar Məcəlləsinə nəqliyyat vasitələrinə normativ tələblər pozulmaqla avadanlıq quraşdırılması və ya dəyişdirilməsinə görə nəzərdə tutulan cərimələrin artırılması ilə bağlı dəyişiklik müzakirəyə çıxarıldı.
Əli Hüseynli bildirdi ki, bununla bağlı məcəllənin 155.2.2-ci maddəsində nəzərdə tutulmuş inzibati xətaya görə cərimənin məbləğinin 50 manatdan 150 manata qaldırılması nəzərdə tutulub. Müzakirələrdən sonra layihə səsə qoyularaq qəbul olunub.
Dövlət büdcəsindən maliyyələşən müəssisələrdən büdcə xərclərini düzgün yerinə yetirməyənlərin hesabları bağlanacaq. Bunu Azərbaycan Hesablama Palatasının sədri Heydər Əsədov Milli Məclisdə illik hesabatla bağlı çıxışı zamanı bildirib.
O qeyd edib ki, həmin müəssisələrin hesablarının bağlanması üçün qanunvericilik palataya kifayət qədər səlahiyyətlər də verir: “İllik yoxlamalar zamanı məlum olub ki, əmək haqqı və sosial müdafiə xərcləri ilə bağlı çatışmazlıqlar artıb. Qadınların mühasib olduğu müəssisələrdə belə çatışmazlıqların daha çox olması müşahidə olunur”.
İLKIN




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info