Rusiya Suriyadakı hərbi qüvvələrinin bir hissəsini çıxarır
Tarix: 07.01.2017 | Saat: 00:50:00 | E-mail | Çapa göndər


Valeri Gerasimov:
“Suriya ərazisində “S-300” və “S-400” tipli müasir komplekslərin yerləşdirilməsi ilə həm quruda, həm də dənizdə etibarlı müdafiə sistemi yaratmışıq”


“Hələbin azad edilməsi Suriyada münaqişənin sülh yolu ilə həlli üçün əsas ola bilər”.

Bu fikirləri Rusiya Silahlı Qüvvələri Baş Qərargah rəisi, ordu generalı Valeri Gerasimov bildirib. “Suriya ordusunun Hələbdəki uğurlu əməliyyatı ölkədə münaqişənin sülh yolu ilə həlli üçün lazımi şərait yaradıb. Bu, Suriya ərazisində hərbi əməliyyatların dayandırılmasına stimul ola bilər. Mən əminliklə deyə bilərəm ki, bu, münaqişənin siyasi yolla həllində əsas olacaq” -deyə rusiyalı general bildirib. Ordu generalı Valeri Gerasimov bildirib ki, Rusiya Suriyadakı hərbi qüvvələrinin bir hissəsini çıxarır. Onun sözlərinə görə, bu barədə prezident, Silahlı Qüvvələrin Ali Baş komandanı Vladimir Putin qərar qəbul edib: "Ali Baş Komandanın qərarı ilə Rusiya Müdafiə Nazirliyi Suriyadakı Silahlı Qüvvələrin qruplaşmalarının sayını azaltmağa başlayır". Gerasimovun sözlərinə görə, Suriyanı ilk olaraq “Admiral Kuznetsov” aviadaşıyıcısı, “Pyotr Velikiy” kreyseri və onları müşayiət edən gəmilər tərk edəcək. Gerasimov xatırladıb ki, 30 dekabr 2016-cı il Moskva vaxtı ilə saat 00.00-dan Suriyanın bütün ərazisində atəşkəs elan edilib. Lakin bu atəşkəs beynəlxalq terror qruplaşmalarının məhvinə yönəlmiş əməliyyatlara aid deyil. Qeyd edək ki, Suriya ordusunun bu uğurunda Rusiya ordusunun xidmətini inkar etmək düzgün olmazdı. Bunu Suriya Silahlı Qüvvələrinin Baş Qərargahı da etiraf edib. Baş Qərargah rəhbəri Əli Əyyub Suriya ordusunun qələbəsində Rusiya hərbçilərinin dəstəyinin böyük rol oynadığını bildirib: “Biz qələbəyə Rusiya hərbi-hava qüvvələrinin göstərdiyi dəstək sayəsində nail olmuşuq. Bu qələbə ölkə ərazisində hərbi əməliyyatların dayandırılması, Suriya böhranının siyasi həll prosesinə başlamaq üçün müvafiq şərait yaradılmasına da zəmin yaradıb”. Suriyalı general ölkəsinin bu ağır vaxtında Rusiyanın göstərdiyi dəyişməz mövqeyi də xüsusi olaraq dəyərləndirib: “Suriya xalqı Rusiya ilə bütün sahələrdə münasibətlərin daha da möhkəmləndirilməsinə ümid edir. Təbii ki, terrorizm üzərində qələbədən sonra da iki ölkə arasında hərbi əməkdaşlığın gücləndirilməsi davam etdiriləcək”. Bu arada Rusiya Müdafiə Nazirliyi Suriyada vahid havadan müdafiə sistemi yaradılması barədə məlumat yayıb. Suriyadakı rus qoşunlarının komandanı, general-polkovnik Andrey Kartapolovun jurnalistlərə verdiyi məlumata görə, Rusiyanın gəmi və qırıcı dəstəsi öz vəzifələrini həyata keçiriblər. General-polkovnikin sözlərinə görə, hər cür maddi və texniki avadanlıqlarla təchiz edilən bu komanda bundan sonra da döyüş xidmətilərini davam etdirməyə hazırdır. Kartapolov qeyd edib ki, Suriya sahillərində vahid hava müdafiə sistemi yaradıldığını, qrupun "Bastion raket kompleksləri ilə təmin edildiyini bildirib: “Suriya ərazisində “S-300” və “S-400” tipli müasir komplekslərin yerləşdirilməsi ilə həm quruda, həm də dənizdə etibarlı müdafiə sistemi yaratmışıq”.
Ağasəf Babayev




 
Bölməyə aid digər xəbərlər
16.06.2019
Əkrəm İmamoğlu və Binali Yıldırım canlı debatda
16.06.2019
Çin liderindən Ərdoğana gözlənilməz təklif
16.06.2019
Mahaçqalada tankerdə partlayış nəticəsində ölənlərin sayı 4-ə çatıb
15.06.2019
Gürcüstanın təbii qaza olan ehtiyacının 97 faizi Azərbaycanın hesabına təmin olunur
14.06.2019
“1in.am”: “Rəsmi İrəvanın son addımları Moskva tərəfindən qəbul edilmir”

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10806

1 Naxçıvanda “Cavidşünaslıq” oncildliyinin təqdimatı olub
2 “Aa.com.tr”: “2020-ci ilə qədər Azərbaycan qazının Avropa bazarlarına çatması gözlənilir”
3 Rufiz Qonaqov: Xəzəryanı ölkələrin xalqları arasında dostluq və əməkdaşlıq platformaları əhəmiyyətlidir
4 Ermənilərin təyyarəmizi vurmaq cəhdi uğursuzluqla nəticələnib - VİDEO
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info