“Əl-Cəzirə”də Azərbaycanla bağlı reportaj
Tarix: 10.01.2017 | Saat: 00:48:00 | E-mail | Çapa göndər


“Əl-Cəzirə” telekanalı Azərbaycanla bağlı silsilə reportajlarını davam etdirir. Növbəti reportajlarda respublikamızın cənub bölgəsinin folklorundan və çay ənənəsindən bəhs olunur. Reportajlardan birində Lənkəranda fəaliyyət göstərən “Nənələr” folklor kollektivi haqqında məlumat verilir.
Jurnalist yüz illərdən bəri nəsildən-nəslə ötürülən nəğmələrin bu kollektiv tərəfindən məharətlə ifa edilməsindən söhbət açır. Bildirir ki, bu nəğmələr həmin diyarın irsindən xəbər verir. Nənələr evlərində və əkin sahələrində işləyərkən gündəlik həyatlarının anlarını əks etdirən folklor tabloları yaradırlar. Ansamblın üzvü Gülbəzək Kərimova “Əl-Cəzirə” telekanalının müxbirinə müsahibəsində deyir: “Əsrlərdən bəri oxunan bu nəğmələrlə biz yaşadığımız gündəlik həyatımızı, arzularımızı tərənnüm edirik”. Reportajda qeyd edilir ki, nənələr irsən aldıqları folklor rəqslərini və mədəniyyətlərini nəvələrinə öyrətməyə çalışırlar. “Biz uşaqlarımıza talış xalqı ilə yanaşı, başqa xalqların da folklorunu öyrədirik. Bununla da ölkəmizin mədəniyyətinin zəngin və rəngarəng irsinin sintezini çatdırmağa çalışırıq”, - deyə ansamblın digər üzvü Qızbəs Əhədova qeyd edir. Reportajda bildirilir ki, azərbaycanlılar folklor rəqslərini gündəlik həyatlarının müxtəsər sənət əsərləri hesab edirlər. Bu rəqslər ölkədə yaşamış müxtəlif xalqların nəsildən-nəslə keçmiş və əsrlərdən gələn davranışlarını əks etdirir. Rəqslər ictimai tədbirlərdə, ümumxalq bayramlarında təqdim edilir və cəmiyyətin bütün təbəqələrinin rəğbətini qazanır, həmçinin turistlərin marağına səbəb olur. “Əl-Cəzirə” telekanalının respublikamızın cənub bölgəsindən hazırladığı daha bir reportaj çayçılığa həsr edilib. Reportajda bildirilir ki, çay azərbaycanlıların həyat tərzidir, həm də ictimai əlaqə vasitəsi hesab olunur. Çay hətta diplomatik görüşlərin tərkib hissəsidir. Qeyd edilir ki, cənub bölgəsində Lənkəran sakinləri çayı yüz illərdən başlayaraq müxtəlif meyvələrdən hazırlanan mürəbbələrlə içirlər. Bu, həmçinin ənənələrə bağlılığın göstəricisidir. Mürəbbələrdən daha çox qış fəslində istifadə olunur, çünki faydalıdır və soyuqdəymənin dərmanıdır. Müəllif vurğulayır ki, çay süfrəsi insanları bir yerə toplayır. Müxtəlif mərasimlər, o cümlədən elçilik zamanı da çaydan istifadə olunur. Çay həm də iqtisadi baxımdan cənub bölgəsi üçün mühüm əhəmiyyətə malikdir. Yüzlərlə sakin çayın becərilməsi ilə məşğul olur. Reportajda Azərbaycan çayının kimyəvi tərkiblərdən uzaq olduğu diqqətə çatdırılır.





 
Bölməyə aid digər xəbərlər
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq
17.11.2018
KTMT-nin Ermənistan problemi: Azərbaycan-Belarus əməkdaşlığına rəsmi İrəvanın qısqanclığı
17.11.2018
Parisin qeyri-adekvat siyasəti Fransanın ATƏT Minsk qrupunda iştirakını şübhə altına alır
16.11.2018
Humanist addıma kölgə salmaq istəyənlər uğursuzluğa məhkumdur
16.11.2018
İlqar Orucov: Bu gün Azərbaycanı dünyada uğurla təbliğ edən yüksək hazırlıqlı gənclər ordusu formalaşıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Gedir dayanmadan zamanın köçü”
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info