Ermənistan-Azərbaycan Sülh Platformasının iştirakçıları bəyanat yayıblar
Tarix: 13.01.2017 | Saat: 19:38:00 | E-mail | Çapa göndər


Ermənistan və Azərbaycan arasında Sülh naminə Platforma iştirakçıları bəyanat yayıblar. 
Bəyanatda deyilir:
“Ermənistan-Azərbaycan Dağlıq Qarabağ münaqişəsinin sülh yolu ilə nizamlanmasına yardım məqsədilə 2016-cı ilin dekabrın 6-da Ermənistan və Azərbaycan arasında Sülh naminə Platforma yaradılıb. Platforma münaqişənin sülh nizamlanmasına töhfə vermək istəyən Azərbaycan və Ermənistan vətəndaşlarının təşəbbüsüdür. 
Platformanın yaradılması təşəbbüsü beynəlxalq ictimaiyyətin marağına səbəb olub, habelə münaqişə edən ölkələrin ictimai rəyində böyük rezonans doğurub. Bir çox tanınmış ekspert bu təşəbbüsü yüksək qiymətləndirib və bu sülhməramlı təşəbbüsünü münaqişənin sülh nizamlanması prosesində önəmli rolunu qeyd edib. Qeyri-Hökumət Təşkilatlarının nümayəndələri və iki ölkənin vətəndaş cəmiyyətinin fəalları Platformaya qoşulmaq və Ermənistanla Azərbaycan arasında çoxdan gözlənilən sülhün bərqərar olunmasında iştirak etmək niyyətini ifadə ediblər. Bu bir daha onu sübut edir ki, Ermənistanla Azərbaycan arasında Platformanın yaradılması bu məqsədlərin əldə edilməsi üçün vaxtında atılmış addım olub.
 
Lakin bu sülhməramlı təşəbbüsü dəstəklədiklərini bəyan edən erməni ictimai xadimləri və sülh carçıları Ermənistan hökuməti və hüquq-mühafizə orqanlarının ciddi təzyiqinə məruz qalıblar. Azərbaycan mətbuatında sülh təşəbbüsünə dəstəklə bağlı açıq bəyanatından dərhal sonra Dağlıq Qarabağda gənc şairə Lusine Nersisyan müvəqqəti saxlanılıb. Bundan əlavə İrəvanda digər vətəndaş fəalı – Azərbaycan hakimiyyətindən siyasi sığınacaq almaq məqsədi ilə müraciət edən Armen Virabyanın qohumları görünməmiş təqiblərə məruz qalıblar. Təqib və təzyiqə həmçinin İrəvandan olan fəal Tamella Arzumanyan və ABŞ-dan olan yazıçı Anna Paytyan, habelə onların qohumları məruz qalıblar.   
 
Yuxarıda qeyd olunanlara əsaslanaraq, Ermənistan və Azərbaycan arasında Sülh naminə Platforma adından beynəlxalq ictimaiyyəti aşağıdakıların həyata keçirilməsi üçün səyləri artırmağa çağırırıq:
 
Ermənistan və Azərbaycan arasında Sülh naminə Platformaya dəstəyi ifadə edən erməni fəallara qarşı repressiya və təzyiqlərin qarşısının alınması;
 
Dağlıq Qarabağda yaşayan gənc yazıçı Lusine Nersisyana qarşı təqiblərin dayandırılması;
 
Almaniyada yaşayan vətəndaş fəalı Armen Virabyanın ailə üzvlərinə və yaxınlarına təzyiqlərin dayandırılması;
 
Gənc fəal Tamella Arzumanyan və onun ailə üzvlərinin sıxışdırılmasının dayandırılması;
 
ABŞ-da yaşayan yazıçı Anna Paytyanın ünvanına səslənən təhdidlərin dayandırılması;
 
İki ölkənin sıravi vətəndaşlarının, ictimai fəalların, QHT-lərin Platformaya qoşulmasının təşviq edilməsi.
 
Müraciəti Ermənistan tərəfindən hüquq müdafiəçisi, yazıçı Vaqe Avetyan, “Ermənistanın Milli Azadlıq Hərəkatı” ictimai birliyinin lideri Vaan Martirosyan, jurnalist, “Meridian” ictimai birliyinin sədr müavini Süzan Caqinyan, Ermənistan Yazıçılar İttifaqının üzvü Vaaqn Karapetyan, vətəndaş fəalları Anait Sinanyan, Armen Karapetyan və Tamella Arzumanyan, Azərbaycan tərəfindən isə Dağlıq Qarabağın Azərbaycan İcmasının İdarə Heyətinin üzvü Rövşən Rzayev, Bakı Dövlət Universitetinin professoru Kamil Səlimov, jurnalist, “İctimaiyyətlə əlaqələrin inkişafına dəstək”  ictimai birliyinin sədri Şəlalə Həsənova, “Dilarə Əliyeva adına Azərbaycan qadınlarının hüquqlarının müdafiəsi Cəmiyyəti”nin sədri Novella Cəfərova, vətəndaş fəalı Pərvanə Məmmədova, Azərbaycan Jurnalistlər İttifaqının sədr müavini Rasim Ağayev və Avrasiya Press Beynəlxalq Fondun sədri Umud Mirzəyev imzalayıblar.

Tural




 
Bölməyə aid digər xəbərlər
21.11.2018
Polşa portalı Prezident İlham Əliyevin Belarusa rəsmi səfərindən yazıb
20.11.2018
Müxalifət islah olunmayacaq
20.11.2018
Belarus Azərbaycanın haqlı və ədalətli mövqeyini dəstəkləyir
20.11.2018
İzmirdə Türkdilli Ölkələrin Parlament Assambleyasının Şura iclası keçirilib
20.11.2018
Daxili İşlər Nazirliyində geniş kollegiya iclası keçirilib

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info