Dünya Bankı TANAP-a 400 mln. dollar ayırıb
Tarix: 16.01.2017 | Saat: 21:38:00 | E-mail | Çapa göndər


Azərbaycan hökuməti, “Cənub Qaz Dəhlizi” QSC (CQD) və Dünya Bankı bu gün Trans-Anadolu Təbii Qaz Boru Kəməri (TANAP) layihəsinin dəstəklənməsi məqsədilə CQD-yə 400 mln. ABŞ dolları məbləğində kreditin ayrılması üçün hüquqi sənədləri imzalayıblar.
 
Dünya Bankından “APA-Economics”ə verilən məlumata görə, layihə çərçivəsində Azərbaycanın qaz ixrac bazarlarının diversifikasiyası və Türkiyə və Cənub-Şərqi Avropanın enerji təchizatının təhlükəsizliyinin artırılması məqsədilə Azərbaycanın “Şahdəniz” qaz yatağından təbii qazın Türkiyəyə və bu ölkədən keçərək Avropaya nəqli həyata keçiriləcək. 
 
Bu layihə TANAP-dan başqa, Azərbaycanda “Şahdəniz 2” qaz yatağının istismarı, Cənubi Qafqaz Boru Kəmərinin Azərbaycan və Gürcüstandan keçərək Türkiyəyə qədər genişləndirilməsi, eləcə də qazı Yunanıstan və Albaniya ərazisindən və Adriatik dənizinin altından keçərək Cənubi İtaliyaya çatdıracaq Trans-Adriatik Boru Kəmərinin (TAP) tikintisini nəzərdə tutan Cənub Qaz Dəhlizi Proqramının tərkib hissəsidir. Proqramda iştirak edən bütün ölkələr üçün Cənub Qaz Dəhlizinin vacibliyini nəzərə alaraq, bir sıra beynəlxalq maliyyə institutları, o cümlədən layihəni Dünya Bankı ilə birgə maliyyələşdirən Asiya İnfrastruktur İnvestisiya Bankı bu Proqramı dəstəkləyir.
 
Layihə çərçivəsində TANAP boru kəməri sistemində infrastruktur investisiyaları maliyyələşdiriləcək. Uzunluğu 1850 km olan TANAP ümumi uzunluğu 3500 km olan və Azərbaycandan İtaliyaya boru kəməri sistemini ehtiva edən “Cənub Qaz Dəhlizi”nin yarıdan çoxunu təşkil edir. TANAP Türkiyə və Gürcüstanın sərhədindən başlayacaq, Türkiyədən keçməklə şərqdən qərbə doğru uzanaraq Yunanıstan sərhədində qazı Avropa bazarlarına çatdıracaq TAP-la birləşəcək. 
 
“Biz bu gün Dünya Bankı və Azərbaycanın layihə heyətlərinin aylar ərzində gərgin işinin kulminasiyası olaraq TANAP üzrə hüquqi sazişləri imzalamaqdan məmnunuq.” -  Dünya Bankının Cənubi Qafqaz üzrə Regional direktoru Mercy Tembon demişdir, - “Biz əminik ki, bu Layihə ölkənin regional ticarətdə rolunu və rəqabət qabiliyyətini gücləndirmək və ixracını genişləndirməklə Azərbaycan xalqına çoxlu fayda gətirəcək”. 
 
Azərbaycanda “Şahdəniz 2” qaz yatağı ildə 16 mlrd. kubmetr qazın istehsalı üçün işlənilməkdədir. Qaz hasilatı və nəqlindən əldə olunacaq gəlirlər ölkə və onun vətəndaşları üçün əhəmiyyətli olacaq. Layihə Bankın Azərbaycanla tərəfdaşlığının strateji məqsədlərinə nail olunmasına töhfə verəcək, xüsusilə Azərbaycanın nəqliyyat bağlantıları və tranzit sahəsində rolunu gücləndirərək, eləcə də ixracını artıraraq ölkənin regional və Avropa enerji bazarlarına inteqrasiyası və  iqtisadi rəqabət qabiliyyətinin artırılmasını dəstəkləyəcək.

Fuad




 
Bölməyə aid digər xəbərlər
15.11.2018
Peyk vasitəsilə Yerin məsafədən müşahidəsi xidmətlərinin inkişafına dair Dövlət Proqramı təsdiqlənib
15.11.2018
Azərbaycan şirkətləri Çinə ixracı genişləndirir
15.11.2018
BVF: “Azərbaycanın qeyri-neft sektoru 2023-cü ilədək 3-4 faizədək artacaq”
15.11.2018
Qusar–Əniq–Laza avtomobil yolunun tikintisinə 6,6 milyon manat ayrılıb
15.11.2018
“Azərsun Holdinq” Beynəlxalq Ətraf Mühit sərgisində iştirak edir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10482

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
4 “Gedir dayanmadan zamanın köçü”
5 Daşkənddə Xalq artisti Firudin Səfərovun 85 illik yubileyi qeyd olunacaq


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info