Naxçıvanda sürücülüyə maraq göstərən qadınların sayı artır
Tarix: 17.01.2017 | Saat: 00:02:00 | E-mail | Çapa göndər


Naxçıvan Texniki Peşə və Sürücülük Məktəbində ötən il 67 qrup üzrə təhsil alan müdavimlərdən 1355 nəfəri kursu başa vuraraq sertifikat alıb.
Onlardan 150 nəfəri qadındır. Hazırda Naxçıvan Texniki Peşə və Sürücülük Məktəbində 46 qadın müdavim təhsilini davam etdirir.
“2016-2020-ci illərdə Naxçıvan Muxtar Respublikasında əhalinin məşğulluğunun artırılması üzrə Dövlət Proqramı”nın icrası ilə əlaqədar Naxçıvanda rəqabət qabiliyyətli ixtisaslar üzrə peşə hazırlığının təşkili, peşə standartlarının tətbiqi və peşə seçiminə kömək məqsədilə ardıcıl tədbirlər həyata keçirilir, peşə hazırlığı əmək bazarının dəyişən tələblərinə uyğunlaşdırılır. Naxçıvan Texniki Peşə və Sürücülük Məktəbində də bu məqamlara xüsusi diqqət yetirilir. Hazırda müdavimlər 2 qadın, 8 kişi qruplarında “BC”, “B”, “E”, “D” kateqoriyaları üzrə təhsil alırlar. Müdavimlərin sürücülük peşəsinə dərindən yiyələnmələri üçün burada hərtərəfli şərait yaradılıb. Belə ki, məktəbdə 4 elektron lövhəli sinif internetlə təmin olunub, 2 avtotrenajor otağı və müasir tələblərə cavab verən yürüş təlim meydançaları müdavimlərin ixtiyarına verilib. Yürüş təlimi dərsləri keçmək üçün minik və yük nəqliyyat vasitələrindən istifadə edilir. Naxçıvan Texniki Peşə və Sürücülük Məktəbinin müəllimlərindən Həsən Əliyev qeyd edir ki, son illər sürücülük peşəsinə yiyələnmək arzusunda olanların sayı xeyli artıb. Bunlar arasında qadınlar da az deyil. Qeyd edək ki, 2014-cü il sentyabrın 15-də - Bilik Günündə Şərur Texniki-Peşə və Sürücülük Məktəbi, ötən il mayın 5-də - ümummilli liderimiz Heydər Əliyevin anadan olmasının 93-cü ildönümü ərəfəsində isə Ordubad Texniki Peşə və Sürücülük Məktəb kompleksləri istifadəyə verilib. Naxçıvan Şəhər Peşə Liseyində isə müdavimlər 40 müxtəlif ixtisas üzrə kurs keçirlər. Tədris planına uyğun olaraq burada 1, 2 və 3 aylıq ixtisas kursları fəaliyyət göstərir. Bu tədris ilində liseydə qazanxana-maşinisti, dayə, bərbər-manikürçü, traktorçu-maşinist, bərbər, elektrik avadanlıqlarına xidmət və təmiri üzrə elektrik mantyoru kursları fəaliyyət göstərib və həmin kursları bitirənlərin 90 faizi işlə təmin olunub. Hazırda isə müdavimlər 3 aylıq bərbər və elektrik avadanlıqlarına xidmət və təmiri üzrə elektrik mantyoru kursları keçirlər.




 
Bölməyə aid digər xəbərlər
25.05.2019
Heydər Əliyev Fondu növbəti iftar süfrəsini Ağsuda açıb
25.05.2019
Bu günün havası: paytaxtda yağmursuz, rayonlarda isə...
25.05.2019
Əsl müəllim həmişə nümunəvi vətəndaş, yaxşı şagird yetişdirməyə çalışır
24.05.2019
Şabran məktəbliləri internetdə olan imkanlar və təhlükələr barədə məlumatlandırılıb
24.05.2019
Azərbaycan Ordusuna mənəvi dəstək aksiyası keçiriləcək

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10788

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 Erməni əsilli gimnast: Mxitaryanın yerində olsaydım, komandamla birgə Bakıya gələrdim
5 …Hər sözdə vətən axtaran soydaşımız


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info