“Dünyanı birləşdirəcək dəmir yolu xətlərinin mərkəzi Azərbaycan olacaq”
Tarix: 18.01.2017 | Saat: 00:48:00 | E-mail | Çapa göndər


Azərbaycan dövləti öz müstəqil siyasətini yürüdərək beynəlxalq aləmdə özünə imic qazanıb. Dövlətimiz müstəqil şəkildə beynəlxalq layihələrdə iştirak edərək xalqın maraqlarını ifadə edir.
Nazirlər Kabinetinin 2016-cı ilin sosial-iqtisadi inkişafının yekunlarına və qarşıda duran vəzifələrə həsr olunmuş iclasında Prezident İlham Əliyev bu məsələ ilə bağlı fikir bildirib. Dövlət başçısı deyib ki, heç bir kənar qüvvə bizi istəmədiyimiz layihəyə cəlb edə bilməz: “Bəzi siyasi dairələr neftin qiymətinin düşməsi ilə bağlı yaranmış vəziyyətdən istifadə edərək kredit qarşılığında Azərbaycana təzyiq göstərməyə və öz tələblərini təmin etməyə çalışmışlar. Heç bir kənar qüvvə Azərbaycanı istəmədiyi layihəyə cəlb edə bilməz. Azərbaycan iqtidarı üçün əsas dövlətin, xalqın maraqlarıdır. Bakı-Tbilisi-Qars dəmir yolunun tikintisi ilə bağlı Azərbaycanın üzərinə düşən vəzifə yerinə yetirilmişdir. Ələt Beynəlxalq Dəniz Limanının birinci mərhələsinin tikintisi bu il başa çatmalıdır”.
Politoloq Ramiz Alıyev bildirdi ki, son dövrlərdə dünyada yaranmış, daha dəqiq desək, yaradılmış iqtisadi böhranı fürsət bilib bir çox ölkələrə iqtisadi və siyasi təzyiqlər etməyə çalışırlar: “İqtisadiyyatı zəif olan dövlətlər bu təzyiqlərə tab gətirmir və həmin hegemon dövlətlərin "vassalına" çevrilərək onların "məsləhət" gördükləri layihələrə qoşulur və ölkədə onların diktə etdiyi şəkildə "islahatlar" aparırlar. Ancaq əlbəttə ki, Azərbaycan kimi iqtisadiyyatı davamlı olan, dövlət idarəsi xalq tərəfindən seçilən və dəstəklənən ölkələrə bu cür təzyiqlər edilməsi mənasız olardı. Bütün bunları həmin hegemon güclər, bilir, onları bu məsələyə təhrik edən, dünyanı iqtisadi böhrana sürükləyən beynəlxalq iqtisadi güclər olan fondlar da bilir”.
Ramiz Alıyev qeyd etdi ki, Prezident İlham Əliyev xalq tərəfindən seçilən və xalq tərəfindən də dəstəklənən bir liderdir: “Azərbaycan rəhbərliyi balanslaşdırılmış siyasət yürüdür və heç bir dövlətin daxili işinə qarışmadan, digərlərinin də bizim daxili işimizə qarışmasına imkan vermir. Azərbaycanın dünyanın tranzit nəqliyyatının mərkəzinə çevrilməsi, dünyanı birləşdirən dəmir yolu xəttinin ideya müəllifi məhz Azərbaycan Prezidenti İlham Əliyev olması bütün dünya liderlərinə və dünyanın iqtisadi güclərinə bir mesajdır. Azərbaycan dövlətinin dünyada dövlətlərin sağlam şəkildə əlaqə yaratmasına, iqtisadi əlaqələrin güclənməsinə, birlikdə böyük uğurlara çatmasında xüsusi xidməti var. Bakı-Tbilisi-Qars dəmir yolu xətti dünya iqtisadiyyatına böyük müsbət dəyişiklik gətirəcək, yeni bir iqtisadi dönüş yaradacaq layihə kimi dünyanın diqqətindədir. Eyni zamanda "Şimal-Cənub" və "Cənub-Qərb" beynəlxalq nəqliyyat dəhlizləri gələcəkdə dünya ölkələr üçün böyük iqtisadi layihələrə çevriləcək və dünyanı birləşdirəcək dəmir yolu xətlərinin mərkəzi Azərbaycan olacaq”.
Fuad Hüseynzadə




 
Bölməyə aid digər xəbərlər
22.09.2018
“Azeri Light”ın qiyməti bahalaşıb
21.09.2018
İlk “KOB Dostu” sahibkarların xidmətində
21.09.2018
İqtisadiyyat naziri Gəncədə vətəndaşları qəbul edib
21.09.2018
“Azərenerji”: Ölkə enerjisi sistemində təxirəsalınmaz tədbirlərin həyata keçirilməsinə başlanılıb
21.09.2018
“Əsrin müqaviləsi” Azərbaycanın dirçəlişinə, iqtisadi inkişafına geniş yol açıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10130

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info