“Özümüzü hər cür vəziyyətə hazırlamalıyıq”
Tarix: 19.01.2017 | Saat: 00:02:00 | E-mail | Çapa göndər


İran prezidenti Həsən Ruhani Tehranda yerli və xarici jurnalistlərin iştirakı ilə mətbuat konfransı keçirib.
APA-nın məlumatına görə, Ruhani nüvə proqramına dair Hərtərəfli Birgə Fəaliyyət Planının (HBFP) imzalanmasının İran iqtisadiyyatı üçün çox faydalı olduğunu vurğulayıb: “Bu olmasaydı, ölkə neft satışında və büdcənin təminində problemlə üzləşəcəkdi. Biz HBFP razılaşması ilə dünyaya sübut etdik ki, İran xalqı və sistemi haqlı tərəfdir. Bu sistemə böhtan atanlar bu gün dünya tarixi qarşısında başıaşağı olmalıdır”. İran prezidenti ABŞ-ın yeni prezidentinin HBFP-nin dayandırılacağına dair sözlərinə münasibət bildirib: “HBFP bu demək deyil ki, kimsə hardasa seçiləcəksə, razılaşmanı pozacaq. ABŞ prezidentinin bu plandan xoşu gəlməyə bilməz. O bilmir ki, HBFP xeyrinədir. Amerikanların HBFP ilə bağlı öhdəliklərini yerinə yetirmədikləri barədə deyilənlər düzdür. Özümüzü hər cür vəziyyətə hazırlamalıyıq”. Ruhani qarşıdan gələn prezident seçkilərində Nəzarət Şurasının onun namizədliyinin qeydiyyata almadığına dair yayılan məlumatlara münasibət bildirərkən deyib ki, bu, şayiədir. Hələ seçkilərə çox vaxt var. Ruhani Suriya böhranı ilə bağlı Astanada keçiriləcək görüşlə bağlı bildirib ki, bu münaqişənin həlli bir və ya iki məsələdən ibarət deyil: “Çalışırıq ki, Astanada atacağımız ilk addım sonuncu addım olmasın, başlanğıc olsun və davam etsin. “İŞİD” və “əl-Nüsrə” birlikdədir. Kürdlərin və digər qüvvələrin məsələsi həll olunmalıdır. İran İslam Respublikası çalışır ki, Suriya məsələsi siyasi yolla və danışıqlarla həll olunsun”. İranın Səudiyyə Ərəbistanı ilə münasibətlərindən danışan Ruhani deyib ki, İran həmişə qonşu ölkələr, xüsusilə islam ölkələri ilə əlaqələrin inkişafına çalışır. O, İran və Səudiyyə Ərəbistanı arasında heç bir problemin olmadığını qeyd edib: “İran Səudiyyə Ərəbistanının daxili işinə müdaxilə etmək niyyətində deyil və istəmir ki, Ərəbistan regionun siyasi səhnəsindən silinsin”.




 
Bölməyə aid digər xəbərlər
24.05.2019
“Çimərlikdə qadağanedici şarları keçmək olmaz”
24.05.2019
İran bombardmana məruz qalsa belə təslim olmayacaq
23.05.2019
“İnsan hüquqlarının müdafiəsi adı altında gizlənənlərin əsl məqsədi hədəf ölkəyə təzyiq etməkdir”
23.05.2019
“Məhkəmə-hüquq sistemində islahatların dərinləşdirilməsi haqqında” Fərman vətəndaşların hüquqlarının etibarlı müdafiəsinə xidmət edir
23.05.2019
İdman sülhün möhkəmlənməsi üçün məkan olmalıdır

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10787

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 …Hər sözdə vətən axtaran soydaşımız
5 Özbəkistan Respublikasının Prezidenti Şavkat Mirziyoyevdən


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info