Obama vidalaşdı: “Tramp Yaxın Şərqdə olduqca ehtiyatlı davranmalıdır”
Tarix: 20.01.2017 | Saat: 00:42:00 | E-mail | Çapa göndər


“Amerika seçki sisteminin ən böyük problemlərindən biri seçkilərin saxtalaşdırılması deyil, seçicilərin səsverməyə getmək əzminin
olmamasıdır”


Amerika Birləşmiş Ştatlarının prezidenti Barak Obama vida mətbuat konfransı təşkil edib. ABŞ prezidenti kimi son mətbuat konfransında Obama Rusiya ilə konstruktiv münasibətlər, yeni seçilmiş prezident Donald Tramp ilə münasibətlər barədə danışıb.
Rusiya prezidenti ilə "işləmək üçün cəhd" etdiyini nəzərə çatdıran Obama, həmçinin gələcək üçün planları paylaşaraq, bundan sonra da ölkəsi üçün "vətəndaş olaraq qalacağını" bildirib. ABŞ və dünyanın Rusiya ilə konstruktiv əlaqə qurmasında maraqları olduğunu deyən Obama Rusiya prezidenti Vladimir Putinlə əməkdaşlıq qurmağa çalışdığını etiraf edib: “Lakin soyuq müharibə zamanı mövcud rəqabət ruhuna dönüş bizim əlaqələrimizi mürəkkəbləşdirdi. Maraqlarımızın üst-üstə düşdüyü məsələlərdə birlikdə işləyirdik. Mən Rusiya prezidenti və hakimiyyəti ilə işləməyə, bu ölkənin iqtisadiyyatının şaxələndirilməsində onlara yardımçı olmağa çalışdım”. Obama Rusiya ilə nüvə silahlarının azaldılması ilə bağlı danışıqlar imkanını alqışlayıb. Obama bütün baş verənlərə rəğmən, Donald Trampın Rusiya ilə yeni münasibətlər quracağına ümidvar olduğunu bildirib. Obama, eyni zamanda Trampa məsləhət görüb ki, Ukraynanın bütövlüyü, nüvə ehtiyatlarının azaldılması və digər məsələlər həllini tapmayana qədər Moskvaya qarşı tətbiq edilmiş qadağaları aradan qaldırmasın. Böyük güclərin kiçik ölkələrə qarşı zorakılıq hallarını pisləyən Obama etiraf edib ki, heç ABŞ da bu prinsipə həmişə əməl etməyib. Rusiya-Ukrayna münasibətlərinə toxunan Obama bu ölkələrin tarixən mədəni və ictimai əlaqələrlə bir-birinə bağlı və onların qarşıdakı illərdə xoş münasibətlər quracağına ümidli olduğunu bildirib. Onun sözlərinə görə, Donald Trampın administrasiyası Yaxın Şərq bölgəsində olduqca ehtiyatlı davranmalı, düşünülməmiş addımlardan uzaq olmalıdır. Barak Obama gələcəklə bağlı planlarını da paylaşıb: “Artıq sakitliyə çəkilib yazmaq istəyirəm. Eyni zamanda vaxtımın çoxunu ailəmlə birgə keçirmək istəyirəm”. ABŞ-ın gələcək prezidentlərindən danışan Obama əmin olduğunu bildirib ki, o, Amerika Birləşmiş Ştatlarının yeganə qaradərili rəhbəri olmayacaq. Gələcəkdə qadınlar, müxtəlif mənşəyə, dinə və irqə məxsus insanlar ABŞ prezidenti olacaq. O, həmçinin qeyd edib ki, Amerika seçki sisteminin ən böyük problemlərindən biri seçkilərin saxtalaşdırılması deyil, seçicilərin səsverməyə getmək əzminin olmamasıdır.
Ağasəf Babayev




 
Bölməyə aid digər xəbərlər
17.11.2018
Suriyada uşaqlardan ibarət terrorçu dəstələr yaradılıb
16.11.2018
Ərdoğan Qəzza zolağında vəziyyətlə bağlı Abbasa dəstəyini bildirib
16.11.2018
ABŞ Gülənin ekstradisiyasının yollarını axtarır
16.11.2018
Gürcüstandan Rusiyaya gedən avtomagistral yol bağlanıb
15.11.2018
Aİ - Britaniya “boşanması”: İrlandiya, Cəbəllütariq və Kipr üzrə protokollar razılaşdırılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10489

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info