Zaqatalanın Aşağı Tala kəndində yeni tibb məntəqəsi tikiləcək
Tarix: 23.01.2017 | Saat: 18:50:00 | E-mail | Çapa göndər


Yaponiya hökumətinin “Ot kökləri və insan təhlükəsizliyi qrant yardımı proqramı” çərçivəsində Zaqatala rayonunda sayca səkkizinci layihənin icrasına start verilib. Layihə çərçivəsində rayonun Aşağı Tala kəndində inşa ediləcək yeni tibb məntəqəsi kənd sakinlərinə göstərilən səhiyyə xidmətinin keyfiyyətini daha da yaxşılaşdıracaq.
AZƏRTAC xəbər verir ki, yanvarın 23-də Zaqatala şəhərindəki Heydər Əliyev Mərkəzində “Aşağı Tala kəndində tibb məntəqəsinin tikintisi” layihəsi üzrə qrant müqaviləsinin imzalanması mərasimi keçirilib. Tədbirdə Yaponiyanın ölkəmizdəki səfiri Tsuquo Takahaşi iştirak edib.
Mərasimdən əvvəl yaponiyalı diplomat Heydər Əliyev Mərkəzində yaradılan şəraitlə yaxından tanış olub.
İmzalanma mərasimində rayon icra hakimiyyətinin başçısı Mübariz Əhmədzadə çıxış edərək, Yaponiyanın Azərbaycandakı səfirliyi ilə Zaqatala Rayon İcra Hakimiyyəti arasında əməkdaşlığın 10 ilə yaxındır uğurla davam etdiyini bildirib. Diqqətə çatdırılıb ki, ötən müddət ərzində qrant yardımı proqramı çərçivəsində Zaqatala rayonunda ümumi dəyəri 711 min 813 ABŞ dolları olan 7 layihə reallaşıb. Bu layihələr məktəb tikintisi, tibb, ekologiya və su təchizatı sahələrini əhatə edib.
Zaqatala rayonuna növbəti səfərindən məmnunluğunu bildirən səfir Tsuquo Takahaşi Yaponiya hökumətinin dəstəyi ilə həyata keçirilən layihələrin insanların yaşayış səviyyəsini daha da yaxşılaşdırmaq məqsədi daşıdığını deyib. Qeyd olunub ki, Yaponiya hökumətinin “Ot kökləri və insan təhlükəsizliyi qrant yardımı proqramı” çərçivəsində indiyədək Azərbaycanda bu layihə də daxil olmaqla, ümumi dəyəri 18 milyon 121 min ABŞ dolları olan 212 layihə üzrə qrant müqaviləsi imzalanıb.
Sonra səfir Tsuquo Takahaşi və layihənin rəhbəri, “Azərbaycan İcma İnkişafı, Tədqiqat, Təlim və Resurs Mərkəzi”nin icraçı direktoru Yasin Dadaşov layihə üzrə qrant müqaviləsini imzalayıblar.
Qeyd edək ki, Yaponiya hökumətinin bu layihə üçün ayırdığı qrant yardımının ümumi məbləği 83 min 197 ABŞ dolları təşkil edir. Layihə üzrə işlərin yaxın aylarda tamamlanması nəzərdə tutulur.
Mahmud




 
Bölməyə aid digər xəbərlər
21.11.2018
PAŞA Bank sərfəli şərtlərlə ipoteka krediti təklif edir
21.11.2018
Azərbaycanda qızları olan ailələrlə bağlı yeni təkliflər
20.11.2018
DOST Agentliyinin konsepsiyasının təqdimatı olub
20.11.2018
Şəhid anası: Birdəfəlik ödəmələrin verilməsi şəhid ailələrinə qayğının bariz nümunəsidir
19.11.2018
Sabirabadda məcburi köçkünlərin məskunlaşdığı qəsəbə təbii qazla təmin olunub

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10508

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info