Köçkünlərlə bağlı dəyişiklik dövlət vəsaitlərinin səmərəli idarə olunmasını təmin edəcək
Tarix: 24.01.2017 | Saat: 20:59:00 | E-mail | Çapa göndər


Azərbaycan Prezidenti İlham Əliyev məcburi köçkünlər və onlara bərabər tutulan şəxslər üçün vahid aylıq müavinətin müəyyən edilməsi haqqında fərman imzayıb. Fərmanda deyilir ki, məcburi köçkünlər və onlara bərabər tutulan şəxslər üçün yemək xərci müavinəti, habelə kommunal və digər xidmətlər üzrə dövlət büdcəsindən ödənişlər əvəzinə, 2017-ci il 1 yanvar tarixindən hər bir məcburi köçkün və onlara bərabər tutulan şəxslər üçün 36,0 (otuz altı) manat məbləğində vahid aylıq müavinət müəyyən edilir.
Hər bir məcburi köçkün ailəsinin minimum 4-5 nəfərdən olduğunu nəzərə alsaq, onda bu məbləğ onların aylıq kommunal ödənişlərini rahat şəkildə ödəməyə imkan verəcək. Dövlət bu yolla həm məcburi köçkünlər və onlara bərabər tutulan şəxslərin sosial müdafiəsini gücləndirir, həm də ünvanlılıq məsələsini daha da dəqiqləşdirir
Publika.az-a açıqlama verən iqtisadçı-ekspert Rəşad Həsənov deyir ki, xərc və kommunal müavinətlərin ayrılmasında müəyyən mübahisələr yaranırdı:
“İndiyə qədər büdcədən bu ödənişlərin həyata keçirilməsi mexanizmi fərqli idi. Həmin vəsaitlər Qaçqın və Məcburi Köçkünlərin İşləri üzrə Dövlət Komitəsinə köçürülür, daha sonra müvafiq dövlət qurumlarına ödəniş həyata keçirilirdi. Bir neçə mərhələdən ibarət olan köçürülmə müəyyən ləngimələrə yol açır, ünvanlılıq pozulurdu. Bundan sonra isə vahid aylıq müavinətin məcburi köçkünlərə çatdırılması mexanizmi daha sadə və ünvanlı olaraq onların öz hesabına köçürüləcək. Məcburi köçkünlər və onlara bərabər tutulan şəxslər üçün yemək xərci müavinəti, habelə kommunal və digər xidmətlər üzrə dövlət büdcəsindən ödənişlər əvəzinə, 2017-ci il 1 yanvar tarixindən hər bir məcburi köçkün və onlara bərabər tutulan şəxslər üçün 36,0 (otuz altı) manat məbləğində vahid aylıq müavinətin müəyyən edilməsi indiyə qədər bu sistemdə mövcud olan problemlərin aradan qalxmasına gətirib çıxaracaq. Çünki mexanizmi sadələşdirir, yayınma hallarının qarşısını alır. Eyni zamanda aylıq məbləğin tərkibində əksini tapan kommunal xidmətlər üçün xərcləri vətəndaş öz sərəncamındakı vəsait kimi idarə edə bilir. Vətəndaş məbləğdən qənaətlə istifadə etməklə xərclərini azalda bilər”.
R.Həsənov deyir ki, dəyişiklik dövlət vəsaitlərinin səmərəli idarə olunması, korrupsiya hallarına yol açılmaması kimi də xarakterizə edilə bilər.




 
Bölməyə aid digər xəbərlər
21.02.2019
İnam Kərimov Sabirabadda vətəndaşlarla görüşəcək
21.02.2019
Fevralın 22-nə USD/AZN rəsmi məzənnəsi: 1,7000 manat
21.02.2019
Ət və quşçuluq məhsullarının istehsalçıları ilə müzakirələr aparılıb
21.02.2019
İtaliya Azərbaycanın əsas ticarət tərəfdaşıdır və ixracda birinci yerdədir
21.02.2019
Anar Quliyev: “Bakı şəhərinin Baş planının hazırlanması üçün texniki işlərə başlanılacaq”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 ABŞ-da atışma: xəsarət alanlar var
4 Londonda Karl Marksın məzarına növbəti dəfə vandal hücumu olub
5 Əsərləri dünyanın bütün elektron kitabxanalarında yer alan azərbaycanlı yazar


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info