Ağsudakı Şeyx Dursun türbəsi özündə bir çox sirləri gizlədir
Tarix: 25.01.2017 | Saat: 18:41:00 | E-mail | Çapa göndər


Şeyx Dursun türbəsi Ağsu rayonunun ərazisindəki tarixi memarlıq abidələrindən biridir. Şəhərin şimal-şərqində bir kilometr məsafədə, qədim Şeyx Dursun qəbiristanlığında yerləşir. Əsrlərin sınağından keçərək bu günümüzədək görkəmini saxlayan türbə əl ilə kəsilib yonulan daşlardan səkkizguşəli piramida şəklində tikilib. Üst örtüyü daşlarla hörülərək konusvarı tağla bağlanıb. Cənub-şərqə açılan qapısının yuxarısında ərəb əlifbası ilə kitabə həkk olunub. Sils xətli iki sətirlik yazını tarix elmləri doktoru, professor Məşədixanım Nemət belə oxuyub: “Bu xoş rayihəli müqəddəs (ziyarətgah) və işıqlı məqbərə övliyaların görkəmlisi Şeyx Dursun ibn Əhməd Padarındır. Onun vəfatı haram zilhiccə ayı, səkkiz yüz birinci ildə (VIII-IX 1399) baş vermişdir”. Yazının bir hissəsi pozulduğu üçün oxunmur. Bu isə türbənin tarixi barədə müxtəlif fikirlərin, rəvayətlərin yaranmasına səbəb olub.
Azərbaycan Sovet Ensiklopediyasında, Ağsu Tarix-Diyarşünaslıq Muzeyinin materiallarında türbənin tarixi 1457-ci il kimi göstərilib. Türbənin şimal hissəsinə vurulan lövhədə də həmin tarix XV əsr kimi qeyd olunub. Tarixçi Fariz Xəlilli isə tədqiqatlarında türbənin tikildiyi tarixin 1399-cu il olduğunu yazır.
Bəs, türbəsi ucaldılan Şeyx Dursun kimdir? Türbədə apardığımız çəkiliş zamanı kitabə üzərindəki yazını oxuyan islamşünas Rəhimli Elşən də burada “Şeyx Dursun ibn Əhməd Padar” sözlərinin yazıldığını təsdiqləyib.
Elmi araşdırmalarda Şeyx Dursunun kimliyi barədə müxtəlif mülahizələr mövcuddur. Bu baxımdan akademik B.Dorunun, M.Nemətin, M.Vəliyevin fikirləri maraqlıdır. Qeyd edək ki, B.Dorun Fondunda tapılan sənədlərdən birində yazılıb: “Şeyx Dursun əsl Şirvan əhlindəndir. Xançoban mahalından, padar tayfasındandır. Şeyx Dursun ibn Əhməd Padar şərəfli bir adam olub, qoşun hissəsindən Kələxana qəryəsinin qərbində vaqe olan məşhur yeddi günbəzlər bu Şeyx Dursunun övladlarıdır”.
F.Xəlillinin fikrincə Şeyx Dursunun və onun nəslindən olan şeyxlərin məqbərələrinin ziyarətgaha çevrilməsi, onların şeyx titulu daşıması, arayışda hərbçi adlandırılmaları sufiliklə bağlı cərəyanın və yaxud xalq hərəkatının başçıları olduqlarına dəlalət edir.
Qeyd edək ki, Şirvan xanlığının aparıcı tayfalarından olan padarlar yarımköçəri həyat tərzi keçirərək əsasən maldarlıqla məşğul olublar. Padar, Padarqışlaq, itib-batan Axtaçı, Yekəqurşaqlı obalarında məskunlaşan bu tayfalar XX əsrin əvvəllərindən Ağsuda, bütövlükdə isə Şirvan ərazisində oturaq həyata keçiblər.
Beləliklə, Şeyx Dursun türbəsinin kitabəsi və aparılan tədqiqatlar Padar tayfalarının Şirvanda məskunlaşması haqqında mövcud mülahizələrə də yenilik gətirib. Kitabədən göründüyü kimi, padarlar səfəvilərdən əvvəl də Şirvanda yaşayıblar.
Bir sözlə, Azərbaycandakı çoxsaylı tarixi memarlıq abidələrindən olan Şeyx Dursun türbəsinin yeni elmi araşdırmalara, tədqiqatlara böyük ehtiyacı var. Əminliklə demək olar ki, türbənin tədqiq olunması bu ərazinin tarixin dərinliklərində gizlənən bir çox sirlərini də üzə çıxaracaq.
Mahmud




 
Bölməyə aid digər xəbərlər
20.09.2018
Naxçıvanda “Avropa günləri” keçiriləcək
20.09.2018
600-dən çox adam sahilyanı ərazini 5 ton tullantıdan təmizlədi
20.09.2018
Azərbaycanda dünyanın ilk kurqan arxeoparkı yaradılacaq
19.09.2018
Gənc ailələr üçün yeni imkan: “Aqrar məhəllə” yaradılır
19.09.2018
İqtisadiyyat naziri Gəncədə vətəndaşları qəbul edəcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info