Moskva və Dəməşq Astana görüşünün nəticələrindən razıdır
Tarix: 26.01.2017 | Saat: 00:56:00 | E-mail | Çapa göndər


Andrey Klimov: “Biz yeni format üzərində işləməyə başlamışıq”

Astanada Suriya nizamlanması ilə bağlı keçirilən toplantı yekun kommünikenin qəbulu ilə başa çatıb. Doğrudur, müxalifət nümayəndələri sənədə imza atmaqdan imtina etsələr də yeni Suriya konstitusiya layihəsi təqdim edilib. Rəsmi Moskva Suriya hakimiyyəti və onların opponentlərinin, eyni zamanda Rusiya, Türkiyə və İran nümayəndələrinin bir araya gəlməsini böyük uğur kimi dəyərləndirib.
Dəməşq də Astana konfransında ümumi məqsədlərə nail olunduğu etiraf edilib. Astana konfransında Suriya münaqişəsinin nizamlanmasında hakimiyyət və müxalifət arasında danıçıqlar aparılması uğur kimi dəyərləndirilə bilər. Unutmaq lazım deyil ki, tərəflər artıq altı ildən artıq idi ki, bir-biri ilə müharibə aparır. Konfransın uğurla yekunlaşması ölkənin öz normal həyatına qayıtmasına az da olsa ümidlər açır. “İzvestiya” nəşrinə açıqlama verən Rusiya Federasiya Şurasının Beynəlxalq əlaqələr kKomitəsinin sədr müavini Andrey Klimov deyib ki, münaşiqə tərəflərinin bir masa ətrafına toplaşması böyük nailiyyətdir: “Biz yeni format üzərində işləməyə başlamışıq. Bu aydın məsələdir ki, Suriya hakimiyyət nümayəndələri ilə danışıqlar aparan müxalifət nümayəndələrinin arxasında minlərlə silahlı döyüşçü dayanır. Bizim əsas və başlıca məqsədimiz atəşkəsə nail olmaqla, gələcəkdə siyasi məsələlər üzrə dialoqa başlamaqdır. Buna nail olmaq üçün ölkədəki real vəziyyətə təsir edənlərlə iş aparılmalıdır. Əlbəttə ki, bu danışıqlarda “İŞİD” istisnadır”.

Suriyalı deputat: “Rusiya, Türkiyə və İranla prinsipial razılaşmalar əldə edilib”

Rusiya prezidentinin mətbuat katibi Dmitri Peskov bildirib ki, Suriya münaqişəsi ilə bağlı Astana danışıqları uğurlu olub: “Kreml ümid edir ki, danışıqların nəticələri Cenevrə prosesi çərçivəsində əlaqələri bərpa edəcək. Sözsüz ki, bu, uğurdur. Cenevrə prosesinə böyük dəstək təmin edilib. Ümid edirik ki, Astana görüşünün yekunları Cenevrə prosesi çərçivəsində əlaqələrin bərpa olunmasına kömək edəcək. Maraqlı tərəflərin görüşməsi faktı olduqca müsbətdir və Kreml tərəfindən də müsbət qəbul olunur”. Rəsmi Dəməşq də konfransın yekunları yüksək qiymətləndirib. Bu barədə “İzvestiya” nəşrinə suriyalı deputat Aşvak Abbas açıqlama verib: “Görüşün başlıca məqsədlərindən biri barışığın möhkəmlənməsi , atəşkəsə nəzarət etmək üçün mexanizm yaradılması idi. Bu məsələlərlə bağlı Rusiya, Türkiyə və İranla prinsipial razılaşmalar əldə edilib. Bu baxımdan Astana görüşünün yekununu müsbət qiymətləndirmək olar. Silahlı qruplar atəşkəs rejiminin güclənəcəyi təqdirdə, onların rolunun sıfıra enəcəyini yaxşı anlayırlar”. Onu da qeyd edək ki, cümə günü Moskvada Suriya müxalifətinin nümayəndələri ilə Rusiya xarici işlər naziri Sergey Lavrovun görüşü keçiriləcək. Görüşdə Suriya müxalifətinin bütün dairələrinin iştirakı gözlənilir. BMT baş katibinin xüsusi nümayəndəsi Steffan de Mistura və ABŞ-ın Qazaxıstandakı səfiri Con Krolun da görüşə qatılacağı nəzərdə tutulub.
Ağasəf Babayev





 
Bölməyə aid digər xəbərlər
18.03.2019
Ermənistan Rusiya ilə razılıq əldə edə bilmədi
14.03.2019
Ermənistan müdafiə nazirinin müavini və iki vitse-qubernator vəzifələrindən azad edilib
14.03.2019
Ermənistanda vergilər artırıldı
14.03.2019
Yerevanda polislə aksiya iştirakçıları arasında toqquşma baş verib
14.03.2019
Tacikistan-Qırğızıstan sərhədində qarşıdurma baş verib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10697

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
3 Xaricdəki və yerli ictimai birliklərin növbəti virtual görüşü olub
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 “Sondakika.com”: “Apreldən TANAP-ın Avropaya təbii qaz göndərəcək hissəsində sınaqlara başlanacaq”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info