“Azərbaycanın inkişafı dünya miqyasında nadir bir göstəricidir”
Tarix: 10.04.2013 | Saat: 00:09:00 | E-mail | Çapa göndər


“Azərbaycan təkcə Avropa və qonşu ölkələr üçün deyil, həm də bütün dünya üçün əhəmiyyətli olan bir regionda yerləşir. Azərbaycan son 20 ildə böyük uğurlara imza atıb”.
Bu sözləri Dünya İqtisadi Forumunun təsisçisi və icraçı sədri Klaus Şvab AzərTAc-a müsahibəsində bildirib.
Professor Klaus Şvab deyib ki, qlobal iqtisadi göstəricilər kontekstində müqayisə apararkən görürük ki, Azərbaycan çox sürətlə inkişaf edir. Ötən 10 ildə bu ölkədə ümumidaxili məhsul üç dəfə artıb: “Bu, dünya miqyasında nadir bir göstəricidir. Düzdür, bu artımın böyük bir hissəsi neftlə bağlıdır. Lakin Azərbaycan iqtisadiyyatının enerji resurslarından asılılığını aradan qaldırmaq üçün insan kapitalının stimullaşdırılması kimi zəruri islahatlar həyata keçirir. Azərbaycan dünyada 100 faizlik təhsil göstəricisinə, inkişaf edən təhsil sisteminə malik azsaylı ölkələrdən biridir. Gələcəkdə dünya istedadların rəqabəti ilə xarakterizə olunacaq. Rəqabət daha çox informasiya texnologiyaları, elm- tutumlu sahələrdə olacaq. Biz intellektual iqtisadiyyata doğru gedirik. Bu, ənənəvi ağır sənayenin xüsusi çəkiyə malik olduğu bir iqtisadiyyat deyil. Düşünürəm ki, Azərbaycan öz resurslarından əldə etdiyi imkanları iqtisadiyyatının və cəmiyyətin yeni intellektual dünya iqtisadiyyatına sürətli və hərtərəfli transformasiyası üçün istifadə edəcək. Azərbaycan çox böyük imkanların olduğu ölkədir. Ümumiyyətlə, son illər ərzində ölkədə çox böyük iqtisadi artım göstəriciləri qeydə alınıb. Bu, ilk növbədə, ölkənin müstəsna təbii resurs potensialının düzgün istifadəsi sayəsində mümkün olub. Eyni zamanda, bu nailiyyətlər həmin resurslardan ölkə iqtisadiyyatının şaxələndirilməsində uğurla və bacarıqla istifadə edilməsi sayəsində qazanılıb. Azərbaycan informasiya texnologiyaları, maliyyə, tikinti sahələrində çox qabaqcıl bir ölkədir. Azərbaycanın nadir coğrafi mövqeyi, yüksək təhsil almış işçi qüvvəsi var. Buradakı sağlam mühit, ümumiyyətlə, birgə iş və əməkdaşlıq çərçivəsində çox uğurlar əldə oluna bilər”.
K.Şvab daha sonra deyib: “Sonuncu dəfə 20 il əvvəl Azərbaycanda olmuşam. Həqiqətən, deməliyəm ki, o vaxtdan bəri çox böyük dəyişikliklərin baş verdiyini müşahidə etdim. Bakı şəhəri, həqiqətən, çox gözəl bir məkana çevrilib”. Klaus Şvab Dünya İqtisadi Forumu ilə əməkdaşlıq etdiyinə, yeddi ildir ki, davamlı olaraq forumun görüşlərində fəal iştirak etdiyinə, həmçinin bu mötəbər tədbirin Bakı kimi gözəl şəhərdə yüksək səviyyədə təşkilinə, eləcə də Azərbaycanı və regionu beynəlxalq aləmdə çox gözəl təqdim etdiyinə görə Prezidentə təşəkkürünü bildirib.




 
Bölməyə aid digər xəbərlər
17.11.2018
İN: Qondarma qurumun ABŞ ərazisində təşviqi bu ölkənin Minsk qrupunun həmsədri kimi öhdəlikləri ilə ziddiyyət təşkil edir
17.11.2018
ATƏT-in Minsk qrupu işğalçı Ermənistana təzyiq göstərmək üçün bütün alətlərdən maksimum istifadə etməlidir
17.11.2018
Ermənistan Belarus və Qazaxıstanla KTMT-də müttəfiq dövlət olmasına baxmayaraq, ciddi tərəfdaş kimi qəbul olunmur
17.11.2018
Rəsmi Bakı: Belə qərəzli addımlar Fransanın Minsk qrupunun həmsədri kimi üzərinə götürdüyü öhdəliklərlə bir araya sığmır
17.11.2018
Fransalı deputatların Saakyanla mümkün görüşü Fransanın ATƏT-in Minsk qrupunun həmsədri kimi statusuna zidd olacaq

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info