“Gənclər elmi və bədii ədəbiyyat işığında” layihəsi keçirilib
Tarix: 27.01.2017 | Saat: 20:58:00 | E-mail | Çapa göndər


2017-ci il yanvar ayının 24 və 25 tarixlərində İsmayıllı şəhəri 1 saylı tam orta məktəbində yeniyetmə və gənclər arasında bədii və elmi ədəbiyyata marağın artırılması çərçivəsində ixtisaslaşmış təlimlər keçirilmişdir.
10 noyabr 2016-cı il tarixindən etibarən 3 ay müddətində fərdi şəxs qismində Gülnar İlham qızı Yunusova Azərbaycan Respublikasının Prezidenti yanında Gənclər Fondunun maliyyə dəstəyi, AMEA Nizami adına Ədəbiyyat İnstitutunun təşkilati dəstəyi ilə İsmayıllı rayonunda “Gənclər elmi və bədii ədəbiyyat işığında” adlı layihənin icrasını həyata keçirir. Layihənin həyata keçirilməsində məqsəd məktəblilərin elmi və bədii təfəkkürünün inkişafına yönəlməklə onların elmi və bədii ədəbiyyatın müxtəlif sahələrində olan potensiallarının təyin olunması məqsədilə sorğu-anket, təlim, müsabiqə, sərgi və digər mədəni tədbirləri həyata keçirilməsi idi. Layihənin göstərilmiş fəaliyyətlərinin pilot olaraq üç məktəbdə - İsmayıllı şəhəri 1 saylı tam orta məktəb, İsmayıllı rayonu Təzəkənd kənd tam orta məktəb, İsmayıllı rayonu Topçu kənd tam orta məktəblərində keçirilməsi nəzərdə tutulmuşdur ki, 11-12 yanvar 2017-ci il tarixlərində adı çəkilən məktəblərin VIII-X sinif şagirdləri arasında sorğu-anket keçirilmişdir. Toplam olaraq 300 şagird tərəfindən doldurulan məlumat sorğu blankına əsasən ədəbiyyata xüsusi marağı olan, bədii yaradıcılıq qabiliyyətli 60 nəfər müəyyənləşdirilərək ixtisaslaşmış təlimlərə cəlb olunmuşdur. 24 yanvar 2017-ci il tarixində Təzəkənd kənd tam orta məktəbinin 16 nəfər şagirdi və ədəbiyyat müəllimləri, Topçu kənd tam orta məktəbinin 14 nəfər şagirdi və ədəbiyyat müəllimləri AMEA Nizami adına Ədəbiyyat İnstitutunun aparıcı elmi işçisi, filologiya üzrə fəlsəfə doktoru, dosent Bəsirə Əzizəliyevanın ixtisaslaşmış təlimində iştirak etmişdirlər. 25 yanvar 2017-ci il tarixində isə eyni sistemli təlimdə İsmayıllı şəhər 1 saylı tam orta məktəbin 30 nəfər şagirdi və müəllim kollektivi iştirak etmişdir.
Təlimləri giriş sözü ilə açan layihə rəhbəri Gülnar Yunusova layihənin qısa şəkildə məqsədini izah edərək, məktəblilərə təlimdə və müsabiqədə uğurlar arzulayıb. Sonra isə hər bir işdə əsas məqsədimizin Azərbaycançılıq məfkurəsi olmasını qeyd edən layihə rəhbəri təlimdə iştirak edən iştirakçıları Azərbaycan Respublikasının Dövlət Himnini söyləməyə dəvət edib.
Daha sonra təlimi fil.ü.f.d., dos. Bəsirə Əzizəliyeva davam etdirərək, təlim iştirakçılarına ədəbiyyat - elmi və bədii ədəbiyyat haqqında geniş məlumat vermiş, bədii yaradıcılığın mühüm atributları, bədii yaradıcılığı zənginləşdirən amillər, bədii yaradıcılığın inkişafına yardım edən elm sahələrindən danışmışdır. Azərbaycan ədəbiyyatı tarixinə nəzər salınmış, məktəblilərlə birlikdə bədii nümunələr təhlil olunmuşdur. Eyni zamanda, bədii yaradıcılıq qabiliyyəti olan şagirdlər öz bədii nümunələrini səsləndirmişdirlər. Məktəblərimizdə gənc ədəbiyyatşünasların hazırlanması sahəsində görülməli işlər də B.Əzizəliyevanın təlimində əsas istiqamətlərdən olmuşdur.
Sonda təlimlərdə şagirdləri ilə birgə iştirak edən ədəbiyyat müəllimləri layihənin əhəmiyyətini vurğulayaraq, layihənin məhz İsmayıllı rayonunda keçirdiyi üçün layihə rəhbərinə və təlimçiyə dərin minnətdarlıqlarını ifadə etmişdirlər.
Təlimin qısa davamı olaraq təlim iştirakçıları onlar üçün layihə rəhbəri tərəfindən təşkil olunmuş çay süfrəsində şirin söhbətlərini davam etdirmişlər.
Təlim iştirakçılarının sertifikatlarla təltif olunması, verilmiş mövzular üzrə yazılmış inşa müsabiqəsinin qaliblərinin elanı və mükafatlandırılması, ədəbiyyat üzrə təməl kitabların sərgisinin təşkili və digər mədəni tədbirlərin isə 4 fevral 2017-ci il tarixində İsmayıllı Rayon İcra Hakimiyyətinin başçısı Mirdaməd Sadıqov, AMEA Nizami adına Ədəbiyyat İnstitutunun direktoru akademik İsa Həbibbəyli və digər rəsmilərin iştirakı ilə irimiqyaslı şəkildə rayon mərkəzindəki “Mədəniyyət sarayı”nda təşkil olunması planlaşdırılır.

Mahmud




 
Bölməyə aid digər xəbərlər
24.09.2018
“Bakcell”in baş sponsorluğu ilə Bakıda M.A.P. festivalı keçiriləcək
24.09.2018
“Bakcell”in baş icraçı direktoru startap və telekommunikasiya sahəsinin rəqəmsallaşması barədə danışıb
24.09.2018
Bakıda Xüsusi Olimpiya Hərəkatı Gənc Liderlərin 20-ci Qlobal Forumu işə başlayıb
24.09.2018
AQTA bəzi şirniyyatlarla bağlı məlumatlara aydınlıq gətirdi- “Ozmo”, “Pop kek”, “Tutku”...
24.09.2018
Aİİ bütün tələbələrini dərs vəsaitləri ilə təmin edib

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info