“İlin adamı” adına kim layiqdir ? 
Tarix: 01.02.2017 | Saat: 15:22:00 | E-mail | Çapa göndər


Geridə qalan 2016-cı ildə fəaliyyəti, yaşam tərzi ilə seçilənlər çox oldu. Bəs Bakı sakinləri hansı məşhuru dünyada “İlin adamı” seçdi ? Hansı sima ilə öz damğasını vurmağı bacardı ? 

“ACT Azərbaycan”ın keçirdiyi sorğudan belə bəlli olub ki, ümumilikdə, paytaxt sakinləri dünyada “İlin adamı” dedikdə əsasən siyasətçiləri, idmançıları və biznes insanlarını xatırlayıblar. 

Bakı əhli dünyada “İlin adamı” statusunu ən çox Donald Trampa yaraşdırıb. Rəyi soruşulanların 11 %-i yeni seçilmiş ABŞ prezidentini bu ada layiq görüb. Maraqlısı odur ki, Trampın “heyran”ları əsasən əks cinsin nümayəndələridir. Belə ki, 11 % qadın ekstravaqant ABŞ prezidentini “İlin adamı” adına layiq görüb. Tramp həm də gənclərin sevimlisidir. Rəyi soruşulan gənclərin (18-24 yaş aralığı) 26%-i yeni ABŞ prezidentini dünyada “İlin adamı” görmək istədiyini bildirib. 

İkinci pillədə məşhurluğu ilə heç də Trampdan geri qalmayan Türkiyə prezidenti Rəcəb Tayyib Ərdoğan qərarlaşıb. Hər on sakindən biri (10 %) Türkiyə Cümhuriyyətinin başçısını bu ada layiq görüb. Ərdoğanı bəyənənlərin əksəriyyətini isə kişilər təşkil edib (13 %). Ahıl nəslin nümayəndələri də (55- 64 yaş aralığı) Ərdoğana simpatiyaları ilə seçiliblər (21 %).

Üçüncü pillənin sahibi də siyasət aləmindəndir. Rusiya prezidenti Vladimir Putin 6 % respondentin ürəyini fəth edib. Onu 4 % səslə keçmiş həmkarı Barak Obama izləyir (4 %). 

Top dördlüyü bölüşmüş siyasətçiləri idmançılar təqib edir. 2 % Bakı sakini Portuqaliya yığmasının ulduzu Kriştiano Ronaldonu, 1 % isə Argentinanın fəxri Lionel Messini “İlin adamı” adına layiq görüb. Onları 1 % səs toplamış isveçli Zlatan İbrahimoviç izləyir. 
Biznes aləmini siyahıda Bill Qeyts təmsil edib. 1 % paytaxtlı dünyada “İlin adamı” adını məhz “Microsoft”un yaradıcına yaraşdırıb. 

Paytaxt əhlinin böyük əksəriyyəti isə (64 %) dünyada baş verənlərdən baş aça bilməyib və dünyada “İlin adamı”nı seçməkdə çətinlik çəkib. 

Sorğu 24 dekabr – 3 yanvar tarixlərində Bakı şəhərində 400 respondent arasında telefon vasitəsilə həyata keçirilib. Sorğu nəticələrinin yanlışlıq həddi maksimum 4.9 %-dir.
Tural




 
Bölməyə aid digər xəbərlər
13.11.2018
“Bakcell”in dəstəyi ilə keçirilmiş M.A.P. Festivalı teatr həvəskarlarına unudulmaz təəssüratlar bəxş edib
13.11.2018
Gömrük əməkdaşları üçün seminar təşkil edilib
13.11.2018
“Dini radikalizmi doğuran əsas səbəblərdən biri İslam haqqında biliklərin az olmasıdır“
13.11.2018
“Nərimanov“ elektrik deposunda qatarlara texniki baxış sahəsi yenidən qurulur
13.11.2018
1100-dək kiçik ailə təsərrüfatı yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10462

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info