Rusiya ilə miqrasiya siyasəti məsələləri müzakirə edilib
Tarix: 01.02.2017 | Saat: 23:25:00 | E-mail | Çapa göndər


Azərbaycanın Rusiyadakı səfiri Polad Bülbüloğlunun Rusiya Federasiyasının daxili işlər naziri, polis generalı Vladimir Kolokoltsevlə görüşü olub. Səfirliyin mətbuat xidmətindən bildirilib ki, görüşdə miqrasiya siyasəti və iki ölkənin Daxili İşlər nazirlikləri arasında ikitərəfli əlaqələrlə bağlı bir sıra məsələlər müzakirə edilib.
Səfir Polad Bülbüloğlu Vladimir Kolokoltsevə Azərbaycanın daxili işlər naziri, general-polkovnik Ramil Usubovun salamını çatdırıb. Qeyd edib ki, Azərbaycanın daxili işlər naziri MDB-nin iştirakçı dövlətlərinin Daxili İşlər Nazirlər Şurasının duayeni kimi qurumun işinin təşkilində mühüm rol oynayır. Rusiyanın daxili işlər naziri vurğulayıb ki, Rusiya və Azərbaycanın hüquq-mühafizə orqanları MDB Miqrasiya Orqanları Rəhbərlər Şurası və MDB ölkələrinin qeyri-qanuni miqrasiyaya qarşı mübarizəyə dair əməkdaşlıq Sazişi iştirakçılarının Birgə komissiyası çərçivəsində fəal iş aparırlar. Səfir məlumat verib ki, Azərbaycan və Rusiya arasında dostcasına sıx humanitar və iqtisadi əlaqələr iki ölkə vətəndaşlarının intensiv gediş-gəlişinə kifayət qədər kömək edir. Moskva və Bakı arasında hər gün yeddi aviareys həyata keçirilir, habelə dəmir yolu və avtobus reysləri işləyir. Burada da miqrasiya qanunvericiliyinin tətbiqi xüsusi məna kəsb edir və daxil olan bütün müraciətlərə, xüsusilə humanitar aspektdə olan müraciətlərə operativ cavab verməyin zəruriliyini diktə edir. Səfir vurğulayıb ki, regionda mövcud vəziyyət, Dağıstan Respublikası ərazisindən keçən Rusiya-Azərbaycan ümumi sərhədi nəzərə alınaraq, sabitliyin təmin olunması üçün cinayətkarlığa qarşı mübarizədə sıx əməkdaşlıq və qarşılıqlı əlaqə vacibdir. Rusiya Federasiyası, Azərbaycan Respublikası və İran İslam Respublikası prezidentlərinin bu yaxınlardakı üçtərəfli görüşünə toxunan həmsöhbətlər ölkələrimiz vasitəsilə tranzit yükdaşımalarının təhlükəsizliyinin təmin edilməsinin, miqrasiya qanunvericiliyinin asanlaşdırılmasının və ağır tonnajlı avtomobillərin sürücüləri üçün Rusiya ərazisində qalma müddətinin artırılmasının vacibliyini vurğulayıblar. Səfir, həmçinin qeyd edib ki, Rusiya daxili işlər naziri 2016-cı il dekabrın əvvəlində Azərbaycana rəsmi səfəri zamanı Prezident İlham Əliyev tərəfindən qəbul edilib. Nazir, həmçinin azərbaycanlı həmkarı ilə cari məsələləri müzakirə edib. Bu səfər iki ölkənin Daxili İşlər nazirlikləri arasında operativ əməkdaşlığın inkişafına mühüm töhfə verib. Tərəflər qarşılıqlı anlaşmanın yüksək səviyyəsindən və qarşıya çıxan məsələlərin operativ qaydada həlli imkanından məmnunluq ifadə ediblər. Görüşdə Rusiya Federasiyası Daxili İşlər Nazirliyi Miqrasiya Məsələləri Baş İdarəsinin rəisi, polis polkovniki Olqa Kirillova, MDB iştirakçısı olan dövlətlərin ərazisində mütəşəkkil cinayətkarlıq və digər təhlükəli cinayət növləri ilə mübarizənin əlaqələndirilməsi üzrə Büronun direktor müavini, polis general-mayoru Əkbər Yusifov iştirak ediblər.




 
Bölməyə aid digər xəbərlər
19.03.2019
Ermənistan Azərbaycanla azaraq sərhədi keçmiş vətəndaşların mübadiləsinə hazırdır
18.03.2019
Naxçıvanda Çanaqqala zəfərinin ildönümü qeyd olunub
18.03.2019
Ermənistan Rusiya ilə razılıq əldə edə bilmədi
14.03.2019
Ermənistan müdafiə nazirinin müavini və iki vitse-qubernator vəzifələrindən azad edilib
14.03.2019
Ermənistanda vergilər artırıldı

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10699

1 Akademik Ramiz Mehdiyev tariximizin xanlıqlar dövrünə sənədlər işığında nəzər salır
2 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
3 Təhsilə qoyulan sərmayə gələcəkdə yüksək potensiala malik savadlı gənclərin yetişməsini təmin edəcək
4 “Kaspersky Password Manager” proqramının yeni versiyası şifrənin təhlükəsizliyini yoxlayır
5 Yuliya Naçalova vəfat edib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info