“Trampın Avropa Birliyinə “təzyiqi” ilə barışmaq olmaz”
Tarix: 04.02.2017 | Saat: 00:29:00 | E-mail | Çapa göndər


Moqerini ABŞ-la Avropa Birliyi arasında miqrantlarla bağlı məsələdə fikir ayrılığı olduğunu etiraf edib

Fransa prezidenti Fransua Olland Avropa Birliyini ABŞ-ın yeni rəhbərinin təzyiqləri ilə barışmamağa çağırıb. Bu bərədə məlumatı “Frans Press” agentliyi yayıb.
“ABŞ prezidentinin Avropanın bu günü və gələcəyi barədə yürütdüyü təzyiq yönümlü iddialar qəbul edilə bilməz” - deyə Olland 27 Avropa Birliyi ölkəsinin Maltada keçirilən sammitində bildirib. Xatırladaq ki, bir müddət bundan əvvəl Avropa KİV-lərinə verdiyi açıqlamada ABŞ prezidenti Donald Tramp qeyd etmişdi ki, Böyük Britaniyanın Avropa Birliyindən çıxmaq qərarı doğrudur. O, Almaniya kansleri Angela Merkelin miqrasiya siyasətini kəskin tənqid etmişdi. Bununla yanaşı, NATO-nu köhnəlmiş təşkilat kimi dəyərləndirən Amerika lideri Rusiya ilə münasibətlərin yaxşılaşdırılması perspektivləri barədə də fikir bildirmişdi. Həmin vaxt Trampın fikirlərinə münasibət bildirən Olland Avropanın kənardan məsləhətlərə ehtiyacı olmadığını bəyan etmişdi. O, Avropa Birliyinin həmişə Transatlantik əməkdaşlıq üçün səy göstərəcəyini, eləcə də öz maraqlarına uyğun qərarlar qəbul edəcəyini bildirmişdi. Qeyd edək ki, Avropa Birliyinin xarici siyasət üzrə komissarı Federika Moqerini də Malata sammitində jurnalistlərə verdiyi açıqlamada ABŞ-la münasibətlərə toxunub: “Müxtəlif mövzu ətrafında fikir ayrılıqları olmasına baxmayaraq, Avropa Birliyi ABŞ-ın yeni administrasiyası ilə dostluq münasibətlərini davam etdirəcək. Biz Amerika xalqı və administrasiyası ilə dost olaraq qalacağıq. Bizim aydın prioritetlərimiz mövcuddur və bu prioritetlər əsasında da əlaqələrimizi davam etdirəcəyik”. Moqerini ABŞ-la Avropa Birliyi arasında miqrantlarla bağlı məsələdə fikir ayrılığı olduğunu etiraf edib. O, hazırda ABŞ-da yaşananları böhran kimi dəyərləndirib: “Amerikalılar özləri bu böhrandan çıxmağa çalışmalıdırlar”. Xatırladaq ki, Trampın ölkənin xarici terrorçulardan müdafiəsi haqqında imzaladığı sərəncama əsasən 90 gün müddətinə yeddi müsəlman ölkə vətəndaşlarının ABŞ-a daxil olmasına qadağa qoyulub. Bu qərar ölkənin bir neçə şəhərində nümayişlərə səbəb olub.
Ağasəf Babayev












 
Bölməyə aid digər xəbərlər
26.06.2019
Hulusi Akar Mark Esper ilə görüşüb
26.06.2019
Stefani Qrişam Ağ evin mətbuat katibi təyin edilib
26.06.2019
İtaliyada mafiyaya qarşı iri əməliyyat
26.06.2019
Ərdoğan səlahiyyətlərini təhvil verdi
26.06.2019
ABŞ-da Demokrat Partiyasından prezidentliyə namizəd olan siyasətçilərin ilk teledebatları keçiriləcək

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10816

1 Yeni naziri kollektivə Ramiz Mehdiyev təqdim etdi
2 Əli Nağıyev DTX rəisi təyin edildi
3 Heydər Əliyev və bələdiyyələr
4 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”
5 Vilayət Eyvazov daxili işlər naziri təyin edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info