“Ukrayna əhalisinin kommunal borcları 23 milyard qriveni ötüb”
Tarix: 08.02.2017 | Saat: 00:53:00 | E-mail | Çapa göndər


“Kommentarii”:
“Ukrayna istehsalçıları üçün artıq Rusiya bazarı itirilib. Avropa Birliyi ilə azad ticarət zonası bu zərəri kompensasiya etmir. Bu isə ölkə iqtisadiyyatına böyük zərbə vurur”

“Ukraynada sosial vəziyyət çox ağırdır. Ölkə əhalisinin qaz, elektrik enerjisi və ümumiyyətlə, kommunal xərclərə olan borcları artıq 23 milyard qriveni ötüb. Bu, təqribən 850 milyon dollar civarındadır. Qeyd edək ki, ötən ilin əvvəli ilə müqayisədə ümumi borc təqribən iki dəfə artıb. Ölkədə kommunal xərclərdəki tariflər artdıqdan sonra, ölkə əhalisi bu xərcləri, demək olar ki, ödəyə bilmir.
Ölkəni gözləyən başqa bir problem isə bu ilin mart ayından ölkədə bahalaşmanın yeni bir dalğasının gözlənilməsidir”. Bu fikirlər “Nezavisimaya qazeta” nəşrində dərc edilən məqalədə yer alıb. Müəllif Tatyana İvjenko yazır ki, belə bir halın reallaşması, ölkənin o qədər də sakit olmayan həyatına yeni iğtişaş dalğası qata bilər. Bu arada Ukraynada erkən seçkilər haqqında danışıqlar da dolanmaqdadır. Xatırladaq ki, ötən ilin aprelində ölkənin baş naziri postuna yiyələnən Vladimir Qroysmanın ilk qərarlarından biri qaz tariflərinin, demək olar ki, iki dəfə artırılması oldu. Bundan bir müddət sonra mənzillərə verilən isti və soyuq suyun, elektrik enerjisinin tarif qiymətləri artırıldı. Ukrayna işsizliyin geniş vüsət alması ilə üz-üzə qalıb.

“Ölkə işsizliyin geniş vüsət alması ilə üz-üzə qalıb. Kiyevlə yanaşı, ölkənin bir çox şəhərlərində kiçik bizneslərin qapanması, ölkədə iş yerlərinin azalmasına gətirib çıxarıb”

Kiyevlə yanaşı, ölkənin bir çox şəhərlərində kiçik bizneslərin qapanması, ölkədə iş yerlərinin azalmasına gətirib çıxarıb. Qroysman hökuməti əvvəlcə imkansız ailələrə verilən subsidiyalarla bağlı vəziyyəti düzəltməyə cəhdlər etdi. Amma ölkə müxalifəti bildirdi ki, hökumət bununla yoxsulluğu təşviq edir. Ötən ilin sonundan başlayaraq borclanma məbləği sürətlə artmağa başlayıb. Dövlət yeni tarif üzrə borc ödəmək iqtidarında olan ailələrə bütün il üçün ödənişlərin bölünməsi barədə sənəd imzalamağı təklif edir. Həmin ailələrə borclarını beş il müddətinə ödəmək təklif edilir. “Kommentarii” nəşrinə açıqlama verən Ukrayna İşəgötürənlər Federasiyasının sədri Dmitriy Oleynik bildirib ki, Ukrayna istehsalçıları üçün artıq Rusiya bazarı itirilib: “Avropa Birliyi ilə azad ticarət zonası bu zərəri kompensasiya etmir. Bu isə ölkə iqtisadiyyatına böyük zərbə vurur”.
Ağasəf Babayev




 
Bölməyə aid digər xəbərlər
21.04.2019
“Oş – Türk dünyasının mədəniyyət paytaxtı” layihəsinin rəsmi açılışı
20.04.2019
Ukraynada prezident seçkilərinin ikinci turu ilə bağlı sükut günüdür
18.04.2019
Ermənistanda 24 yaşlı əsgər özünü güllələyib
18.04.2019
Ermənistanda daha 400-ə yaxın məmur işdən qovulacaq
18.04.2019
Özbəkistanın Riştan rayon rəhbərliyi İsmayıllı rayonuna səfər edəcək

Şərh əlavə olunmayıb

    ,    
Fuad HÜSEYNZADƏ
Esmira Məmmədova
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10754

1 Erməni yoxsa türk qırğını?
2 Müharibə veteranlarına Prezident təqaüdü təsis edilib
3 Hemilton “Formula-1“ tarixinin 1000-ci yarışının qalibi olub
4 Ramiz Mehdiyevin sərəncamı ilə tədbirlər planı təsdiqləndi
5 Azərbaycanlı həkim-yazıçı Rusiya Yazıçılar İttifaqına üzv olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info